7-га чэрвеня суд Першамайскага раёна (суддзя Ананіч) адхіліў ў поўным аб'ёме зыск старшыні БХК Таццяны Процькі і яе мужа Дзмітрыя Козыра да Нацыянальнай дзяржаўнай тэлерадыёкампаніі і тэлежурналіста Юрыя Пракопава (БАЖ)

2004 2004-06-07T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Зыскоўцы патрабавалі кампенсацыі маральных стратаў за тое, што тэлевізійшчыкі парушылі таямніцу іх прыватнага жыцця.

Падставай для зыску, нагадаем, стаў сюжэт у тэлепраграме "В центре внимания", прадэманстраваны па Першым нацыянальным тэлеканале ўвечары 29-га лютага і паўтораны раніцай 1-га сакавіка г.г. У матэрыяле, аўтарам якога выступаў Юры Пракопаў, вялася гаворка пра прыбыткі і маёмасць некаторых прадстаўнікоў беларускіх палітычных партый і грамадскіх арганізацый - у тым ліку кіраўніцы Беларускага Хельсінкскага камітэта Таццяны Процькі і яе мужа, кіраўніка фермерскай гаспадаркі "Забалацце" Смалявіцкага раёна Дзмітрыя Козыра. У прыватнасці, у сюжэце быў прадэманстраваны дом і аўтамабілі, якія нібыта належаць гэтай сям'і, а ў аўтарскім тэксце названая буйная сума грошай, нібыта эквівалентная месячнаму заробку старшыні БХК.

Зыскоўцы патрабавалі з адказнікаў выплаціць ім па 35 млн. рублёў за парушэнне таямніцы іх прыватнага жыцця. У судзе яны прадставілі шэраг дакументаў, які даказвалі, што здымачная група БТ знаходзілася на тэрыторыі прыватнай гаспадаркі без дазволу яе ўладальнікаў. Акрамя гэтага, зыскоўцы падалі дакументальныя доказы пагаршэння стану ўласнага здароўя і здароўя сваіх блізкіх пасля выхаду ў эфір згаданай праграмы. Усе гэтыя дакументы былі далучаныя судом да справы, але ніяк не паўплывалі на яго рашэнне.

"У практыцы БХК гэта не першы выпадак, калі суд нібыта ідзе ў адпаведнасці з усімі нормамі судавытворчасці, а рашэнне выносіцца насуперак усяму ходу судовага разгляду, - кажа Т. Процька. - У судзе адказнікі адкрыта здзекваліся з нас, бо былі ўпэўненыя, што ім нічога не пагражае. Я зыпытала ў Юрыя Пракопава, рыхтуе ён такія сюжэты паводле ўласнага пераканання альбо выконвае чыюсьці замову? Ён сказаў, што гэта - палітыка Белтэлрадыёкампаніі. Атрымліваецца, што суд таксама падтрымлівае і абслугоўвае гэтую палітыку...
"Вынесшы гэткае рашэнне, суд фактычна прызнаў, што агучаныя ў праграме звесткі не з'яўляліся таямніцай прыватнага жыцця. Такім чынам, і памеры заробку, і наяўнасць маёмасці - гэта больш не таямніца, а інфармацыя агульнага карыстання! - рэзюмуе намеснік кіраўніка БХК Гары Паганяйла, які рэпрэзентаваў інтарэсы Т. Процькі ў судзе. - Для нас зразумела, што сёння, калі грамадзянін Беларусі ўступае ў канфлікт з прадстаўніком улады, разлічваць на рэальную абарону сваіх правоў яму не даводзіцца, нягледзячы на тое, што гэтае права гарантавана яму Канстытуцыяй".
Тым не менш, зыскоўцы збіраюцца абскарджваць рашэнне Першамайскага райсуда ў судовую калегію.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international