Міжнародная Федэрацыя правоў чалавека (FIDH) прапанавала Камісіі ААН па правах чалавека запатрабаваць ад беларускага ўраду зноў надаць легальны статус тым няўрадавым арганізацыям, якія былі забароненыя падчас мінулагодняй зачысткі

2004 2004-04-13T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У афіцыйнай заяве, накіраванай FIDH у Камісію, выказваецца занепакоенасьць няспынным перасьледам няўрадавых арганізацыяў у Беларусі. Сярод іншага, у заяве асуджаюцца дэкрэты прэзыдэнта, што істотна абмяжоўваюць правы няўрадавых арганізацыяў, і кампанія па юрыдычнай ліквідацыі няўрадавых арганізацыяў. FIDH даводзіць да ведама Камісіі сьпіс арганізацыяў, ліквідаваных у 2003 годзе, і называе дзеяньні, якія сталі падставамі для ліквідацыі (праваабарончая дзейнасьць, аказаньне юрыдычнай дапамогі грамадзянам, назіраньне за выбарамі), -- паведамляе прэс-служба Асамблеі НДА.

Для ўздзеяньня на становішча ў Беларусі, апроч іншага, FIDH прапануе Камісіі запатрабаваць ад беларускага ўраду вярнуць легальны статус юрыдычна зьліквідаваным у 2003 годзе арганізацыяў і надалей прызнаваць ролю няўрадавых арганізацыяў і праваабаронцаў у грамадзкім разьвіцьці.

Адзначым, што прапановы FIDH, як арганізацыі, якая валодае спэцыяльным кансультацыйным статусам пры Камісіі, маюць істотнае значэньне для сябраў камісіі. Таму цалкам верагодна, што ў выніковай рэзалюцыі Камісіі, якая будзе разглядацца на гэтым тыдні, будзе зьмешчаная прапанова аб аднаўленьні законнага статуса ліквідаваных НДА.

Нагадаем, што ў пачатку сакавіка бягучага году FIDH прыняў у якасьці асацыянаванага сябра зьліквідаваны ў кастрычніку 2003 году Праваабарончы цэнтр “Вясна”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international