"Народнай волі" пагражае судовы зыск, калі да 15-га красавіка газета не аформіць дамовы з інфармацыйным агенцтвам БелТА на распаўсюд праграмы беларускіх тэлеканалаў

2004 2004-04-12T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта гаворыцца ў папераджальным лісце, які рэдакцыя газеты атрымала ад кіраўніцтва БелТА. "Народная воля" заявіла, што праграма тэле-і радыёперадач не з'яўляецца аб'ектам аўтарскага права і можа быць свабодна апублікавана ў любых газетах.
БелТА спасылаецца на сваё эксклюзіўнае права распаўсюджваць праграмы беларускіх тэлевізійных каналаў і сцвярджае, што публікацыя "Народнай воляй" тэлепраграмы без адпаведнай дамовы з агенцтвам "цягне адказнасць... у адпаведнасці з Грамадзянскім Кодэксам РБ". Акрамя таго, дырэктар агенцтва Дзмітрый Жук прыгразіў спагнаць з рэдакцы значную суму грошай у якасці кампенсацыі нанесеных агенцтву стратаў.

8-га красавіка галоўны рэдактар "Народнай волі" Іосіф Сярэдзіч накіраваў БелТА адказ, у якім выказаў гатовасць разгледзець прапановы наконт пакета з 9 праграм, у публікацыі якіх якіх зацікаўлена газета. (БелТА ж прапануе выданню толькі пакет коштам 5 млн. 025 тыс. рублёў, у які ўваходзяць некалькі дзесяткаў праграм тэлеканалаў з анонсамі). "З нагоды Вашых сцверджанняў, што ў газеце "Народная воля" неаднаразова беспадстаўна (г.зн. без заключэння адпаведнай дамовы) дапускалася публікацыя праграм тэлеканалаў, лічу неабходным патлумачыць, што гэта не парушае патрабаванняў дзейнага заканадаўства РБ. Паводле заканадаўства, праграма тэле- і радыёперадач як інфармацыя пра час іх выхаду ў эфір не з'яўляецца аб'ектам аўтарскага права. Такая інфармацыя... можа быць свабодна апублікавана ў любых газетах, калі толькі яна не суправаджаецца творамі, ахоўванымі аўтарскім правам (напрыклад, анонсамі). У сувязі з гэтым Вашы прэтэнзіі лічу неабгрунтаванымі", - гаворыцца ў пасланні.
Прэс-служба ГА "Беларуская асацыяцыя журналістаў"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international