Праваабарончы цэнтр “Вясна” прыняты ў FIDH (Міжнародная Федэрацыя правоў чалавека са штаб-кватэрай ў Парыжы)

2004 2004-03-10T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

6 сакавіка 2004 года на чарговым Кангрэсе FIDH (Міжнародная Федэрацыя Правоў Чалавека са штаб-кватэрай ў Парыжы) было прынята рашэньне аб тым, што Праваабарончы цэнтр “Вясна” становіцца асацыяваным сябрам FIDH.

FIDH – уплывовая Федэрацыя, была створаная ў 1922 годзе, аб’ядноўвае 116 праваабарончых арганізацый больш чым з 100 краінаў сьвету.

Кангрэс адбываўся 2-6 сакавіка ў сталіцы Рэспублікі Эквадор -- Кіта (Quito, Ecuador), адкрываў Кангрэс старшыня FIDH Сідзікі Каба (Sidiki Kaba) і лаўрэат Нобелеўскай прэміі ў галіне правоў чалавека праваабаронца з Ірану Шырын Эдабі (Shirin Edabi).

У працы Кангрэса прымаў удзел юрыст Праваабрончага цэнтру “Вясна” Валянцін Стэфановіч, які пасьля вяртаньня ў Беларусь адзначыў: “Для “Вясны” уступленьне ў FIDH мае вялікае значэньне. Перадусім гэта ацэнка нашай актыўнай працы. Нас прынялі, нягледзячы на тое, што арганізацыя наша ліквідаваная судом, а па Статуце FIDH сябрам Федэрацыі можа быць толькі зарэгістраваная арганізацыя, але для нас зрабілі выключэньне, улічваючы сітуацыю, якая склалася з закрыцьцём недзяржаўных арганізацый у Беларусі”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international