Праваабарончая праграма "Вясна" на Беларускім Радыё Рацыя

2021 2021-08-24T16:55:59+0300 2021-09-03T20:58:26+0300 be http://spring96.org/files/images/sources/spring-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кожны аўторак у 20:05 (паўтор у суботу ў 7:00) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека. 

Прэм'еру ў эфіры анлайн можна паслухаць праз інтэрнэт тут альбо тут.

Анонс праграмы на 24 жніўня:

Хроніка: Працяг зачысткі грамадзянскай супольнасці: закрыццё ці працяг працы ў выгнанні?

Крымінальны пераслед: Жыхарка Ліды Дар’я Чайко пакараная на два з паловай гады “хіміі” з накіраваннем. Яе абвінавацілі па двух папулярных палітычна матываваных артыкулах: 342 і 293 КК РБ. Усё — за пару каментароў, пакінутых у мясцовым тэлеграм-чаце ў дачыненні да мясцовага следчага, які потым зняў з Дар’і ўсе прэтэнзіі. У рубрыцы падрабязна паглядзім, як можа выглядаць крымінальны пераслед — ад першага візіту міліцыянта да апеляцыі і падрыхтоўкі да “хіміі”— на прыкладзе гісторыі Дар’і Чайко.

Па-за межамі: Цяпер бадай што адзіная магчымасць публічна гаварыць пра рэпрэсіі — гэта па-за межамі Беларусі. У рубрыцы пачуем гісторыі, якія распавядалі ўдзельнікі нядзельнай акцыі ў Варшаве: праваабаронца Наталля Гарачка-Басалыга трымае ў руках партрэт сваёй зняволенай дачкі, чатырохгадовая дзяўчынка віншуе свайго сямігадовага брата з днём народзінаў, а іх бабулі цяжка растлумачыць, за што сядзяць іх бацькі — палітзняволеныя Антаніна Канавалава і Сяргей Ярашэвіч.

У музычных паўзах — кампазіцыі ў выкананні нямецкіх гуртоў, якія далучыліся да кампаніі салідарнасці #FreeIrdorath: Corvus Corax, Mr. Hurley & Die Pulveraffen, Coppelius і Faun.

Аўдыёзапіс выпуску:

http://spring96.org/wp-content/uploads/2018/10/2021-08-24_Eva_VIASNA_AN.mp3

Апошнія навіны

Партнёрства

Сяброўства