viasna on patreon

У Гародні вынеслі прысуд за падпал апорнага пункта міліцыі

2021 2021-04-09T10:59:55+0300 2021-04-09T10:59:56+0300 be https://spring96.org/files/images/sources/krasnicki-02.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аляксандр Красніцкі. Скрыншот з відэа МУС.

Аляксандр Красніцкі. Скрыншот з відэа МУС.

Гарадзенца Аляксандра Красніцкага 2 красавіка асудзілі за падпал апорнага пункта міліцыі ў лістападзе 2020 года.

Яго судзілі па ч. 1 арт. 339 КК «хуліганства». Ён прызнаў сваю віну і патлумачыў дзеянні "крыўдай".

Справа  разглядалася ў судзе Ленінскага раёна Гародні.

Аляксандру Красніцкаму - 41 год, у яго сярэдне-спецыяльная адукацыя. У апошні час працаваў у Расеі. Разведзены, адзін выхоўвае 14-гадовага сына. Цяпер сын жыве з бабуляй, пісала аб пачатку разгляду справы 29 сакавіка «Свабода».

Аказалася, што раней Красніцкі быў судзімы і ўхіліўся ад пакарання. У 2018 годзе суд Ленінскага раёна Гродна за пагрозу гвалту над супрацоўнікам АУС прызначыў яму два гады "хатняй хіміі" - ён размахваў нажом перад сілавікамі.

Таму гарадзенца яшчэ асудзілі і па арт. 415 КК «Ухіленне ад адбыцця пакарання».

Паводле двух артыкулаў Красніцкага  чакаюць два гады і адзін месяц пазбаўлення волі ў калоніі агульнага рэжыму.

Наконт падпалу Красьніцкі расказаў, што выйшаў на шпацыр 3 лістапада. Убачыў, як чалавек запраўляе аўтамабіль, і папрасіў яго прадаць яму крыху паліва.

«У мяне ўспыхнула крыўда, што мяне несправядліва асудзілі паводле артыкулу 364. Хацеў „нагадзіць“ на дзверы апорнага пункта, проста запэцкаць іх», — расказаў ён.

Шкода, нанесеная Красніцкім - 83 рублі 17 капеек

Увечары 3 лістапада невядомыя падпалілі дзверы пункта аховы правапарадку на вуліцы Боліна, паведамляў тады Hrodna.life. Узгаранне было ліквідавана сіламі супрацоўнікаў праваахоўных органаў. 41-гадовага Красніцкага затрымалі праз некалькі гадзін. 

"...наўмысна, з хуліганскіх меркаванняў, груба парушаючы грамадскі парадак і выказваючы відавочную непавагу да грамадства, беспадстаўна, выкарыстоўваючы ў якасці прылады злачынства лёгкаўзгаральную вадкасць, здзейсніў падпал уваходных дзвярэй грамадскага пункта аховы правапарадку адміністрацыі Ленінскага раёна г. Гродна ", - сказана ў паведамленні на сайце Вярхоўнага суда»

На відэа пасля затрымання ён казаў, што рашэнне было спантанным і не звязаным з палітычнай сітуацыяй у краіне.

Апошнія навіны

Партнёрства

Сяброўства