viasna on patreon

Гомель: Пракурор запрасіла два гады абмежавання волі за "звяржэнне" дзяржаўнага сцяга

2020 2020-11-23T17:47:35+0300 2020-11-23T17:55:11+0300 be https://spring96.org/files/images/sources/vasilenka-prysud.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Судаленка і Андрэй Васілеўскі ў судзе.

Леанід Судаленка і Андрэй Васілеўскі ў судзе.

У судзе Цэнтральнага раёна Гомеля 23 лістапада працягваўся разгляд крымінальнай справы аб «звяржэнні» дзяржаўнага сцяга. Следчыя ў справе абралі некалькі іншую тактыку: замест звыклай артыкула 370 КК (абраза дзяржаўных сімвалаў) ўжылі частка 2 артыкула 339 КК (хуліганства).

Такое правапарушэнне кваліфікуецца як злоснае хуліганства і караецца арыштам, абмежаваннем волі на тэрмін да 3 гадоў або пазбаўленнем волі на тэрмін ад 1 года да 6 гадоў.

Справу разглядае суддзя Сяргей Салоўскі, абвінавачванне прадстаўляе пракурор Жураўская. На лаве падсудных - мясцовы жыхар, 29-гадовы гамяльчанін Андрэй Васілеўскі. Яго абараняе адвакатка Ганна Паўлюк.

Прысутны ў судзе праваабаронца Леанід Судаленка адзначыў, што абвінавачаны раней не судзімы, даглядае хворага бацьку, віну сваю прызнаў, таму можа разлічваць на прысуд, не звязаны з пазбаўленнем волі. Да суда абвінавачаны знаходзіўся пад падпіскай аб нявыездзе і пад заклад двух чалавек.

Як паведамляе "Гомельская Вясна", сёння ў судзе былі зачытаныя матэрыялы крымінальнай справы, пракурор Жураўская прасіла суд прыцягнуць маладога чалавека на 2 гады абмежавання волі з накіраваннем ва ўстанову адкрытага тыпу (хімія). Адвакат прасіла суд прызначыць пакаранне, не звязанае з пазбаўленнем волі.

Апошняе слова абвінавачанага і абвяшчэнне прысуду суддзя Сяргей Салоўскі прызначыў на 14.30 26 лістапада.

Нагадаем, 16 жніўня на цэнтральнай плошчы Леніна Георгій Васіленка спусціў з флагштоку дзяржаўны сцяг і падняў, як піша следчы А. Салаўёў, «сімвал, які не з'яўляецца атрыбутам улады», а менавіта бел-чырвона-белы сцяг. Літаральна праз дзень следчыя ўстанавілі яго асобу.

Працягваюцца суды за восеньскі сцягапад у Беларусі: сёння - Гомель, Берасце і Івацэвічы

У судзе Цэнтральнага раёна Гомеля 17 ліпеня пачаўся разгляд яшчэ адной крымінальнай справы за “звяржэнне” дзяржаўнага сцяга. На гэта раз следчыя абралі крыху іншую тактыку: замест звыклага артыкула 370 Крымінальнага кодэксу (Знявага дзяржаўных сімвалаў) прымянілі ч. 2. арт 339 КК (Хуліганства).

Апошнія навіны

Партнёрства

Сяброўства