Праваабарончы цэнтр «ВЯСНА»

Навіны за 13 траўня 2021

13.05.2021 Заява аб прызнанні Васіля Пільца палітычным зняволеным

Заява праваабарончай супольнасці Беларусі ў сувязі з асуджэннем Васіля Пільца па ч. 1 арт. 339 КК

13.05.2021 Ваеннага пенсіянера, які ўдарыў кантралёра і абразіў прэзідэнта, асудзілі на тры месяцы арышту

Суд Кастрычніцкага раёна г. Мінска 13 траўня вынес прысуд па крымінальнай справе ў дачыенне да ваеннага пенсіянера Міхаіла Рудко, якога вінавацілі па ч. 1 арт. 366 і ч. 1 арт. 368 Крымінальнага кодэкса. На дадзены момант, гэта самы доўгі крымінальны працэс па палітычных матывах, які цягнуўся больш за пяць месяцаў.

13.05.2021 Мужчыну асудзілі на тры гады "хатняй хіміі" за тое, што на акцыі схапіўся за дубінку амапаўца

У судзе Фрунзенскага раёна прайшоў разгляд крымінальнай справы супраць 55-гадовага Анатоля Пятроўскага, абвінавачанага па артыкуле 364 Крымінальнага кодэкса за гвалт у дачыненні да супрацоўніка міліцыі на акцыі пратэсту. Справу разглядала суддзя Наталля Бугук. Яна прысудзіла мужчыне тры гады "хатняй хіміі".

13.05.2021 Пенсіянера, які абараніў жанчыну на маршы ў Гродне, замест "хатняй хіміі" адправяць у калонію

13 траўня ў Гарадзенскім абласным судзе адбыўся перагляд крымінальнай справы ў дачыненні да 63-гадовага жыхара Гародні Юзэфа Нямеры, абвінавачанага паводле двух артыкулаў Крымінальнага кодэкса - 342 КК (Арганізацыя або актыўны ўдзел у групавых дзеяннях, якія груба парушаюць грамадскі парадак) і 364 КК (Гвалт альбо пагроза ўжывання гвалту ў дачыненні да супрацоўніка органаў унутраных спраў). Вынесенае паўгода таму пакаранне - 2,5 гады "хатняй хіміі" - замянілі на 1,5 года пазбаўлення волі.

13.05.2021 "Падбіраюць" астатніх - палітыкаў і журналістаў: хроніка пераследу 13 траўня

Праваабарончы цэнтр "Вясна" працягвае збіраць факты палітычнага пераследу. Беларусаў і беларусак забіраюць з дому, затрымліваюць на працы, адбываюцца вобшукі і допыты. Улады ўзмацняюць розныя формы ціску і рэпрэсій на людзей за іх актыўную грамадзянскую пазіцыю і незадаволенасць дзеяннямі ўладаў.

13.05.2021 У Мінску працягваецца суд над графіцістамі, якія размалявалі трансфарматарную будку

У судзе Партызанскага раёна г. Мінска 12 траўня працягваўся разгляд крымінальнай справы па абвінавачванні 37-гадовага Дзмітрыя Таратуна і яго 23-гадовай знаёмай Дзіяны Казак па ч. 2 артыкула 339 (злоснае хуліганства).

13.05.2021 Да 6 гадоў калоніі асудзілі палітзняволенага барабаншчыка Аляксея Санчука

У судзе Маскоўскага раёна Мінска амаль месяц судзяць 30-гадовага палітзняволенага барабаншчыка Аляксея Санчука. Сёння, 13 траўня, па справе быў абвешчаны прысуд.