Праваабарончы цэнтр «ВЯСНА»

Навіны за 24 ліпеня 2020

24.07.2020 “Аб’яднаны штаб” Ціханоўскай наведаў Віцебшчыну

24 ліпеня аб’яднаны штаб, у які ўваходзіць кандыдат у прэзідэнты Святлана Ціханоўская, яе паплечніцы Марыя Калеснікава з каманды Віктара Бабарыкі і Вераніка Цапкала, наведаў Глыбокае, Наваполацк і Віцебск.

24.07.2020 У Полацку правялі інструктаж, як абмежаваць допуск на выбарчыя ўчасткі незалежным назіральнікам

Чытач TUT.BY даслаў у рэдакцыю запіс, у якім распавядаюць, як абмежаваць магчымасць незалежным назіральнікам патраплення на выбарчыя ўчасткі.

24.07.2020 Затрыманых па арт. 342 КК РБ Лук'янава і Колікаву вызвалілі

Затрыманых па крымінальнай справе па ч. 1 арт. 342 КК РБ (Арганізацыя ці актыўны ўдзел у групавых дзеяннях, якія груба парушаюць грамадскі парадак) Сяргея Лук’янава і Алену Колікаву вызвалілі ў ізалятара часовага ўтрымання ў Мінску. Лук'янава - пад падпіску аб нявыездзе, Колікаву - з абавязацельствам аб яўцы па выкліку.

24.07.2020 Чаму ўчастковыя камісіі пагарэлі на тых, хто вылучаўся ад грамадзянаў шляхам збору подпісаў?

Аналітык кампаніі "Праваабаронцы за свабодныя выбары" Павел Сапелка на прыкладах, апублікаваных у СМІ, разбірае сітуацыю падробкі подпісаў пры вылучэнні ў члены ўчастковых камісій ад грамадзянаў шляхам падачы заявы.

24.07.2020 Кампанія салідарнасці працягваецца. “Хросныя” з’явіліся ў Статкевіча, Севярынца і Ушака

У межах кампаніі салідарнасці #WeStandBYyou, арганізаванай швейцарска-нямецкай правабарончай арганізацыяй Libereco, яшчэ тры дэпутаты сталі “хроснымі” беларускіх палітвязняў.

24.07.2020 За катанне на роварах – штрафы і выклік у Інспекцыю па справах непаўналетніх

Дзве мінчанкі — Алеся Жыгадла і Паліна Чарняўская — атрымалі штрафы ў 20 і 25 базавых велічынь адпаведна за "ўдзел у несанкцыянаваным масавым мерапрыемстве" (арт. 23.34 КаАП) — гэтым суд палічыў катанне на ровары 8 ліпеня. Судовыя паседжанні над імі прайшлі 24 ліпеня ў судзе Цэнтральнага раёна горада Мінска.

24.07.2020 Ужо дакладна. 9 жніўня інфацэнтра ЦВК для журналістаў не будзе

Цэнтрвыбаркам не будзе запускаць у дзень выбараў, 9 жніўня, традыцыйны вялікі Інфацэнтр для прадстаўнікоў СМІ ў малой зале Палаца рэспублікі.

24.07.2020 Еўрасаюз заклікаў Беларусь вызваліць ўсіх палітычных актывістаў

Еўропа занепакоеная сітуацыяй з правамі чалавека ў Беларусі і заклікае вызваліць палітычных актывістаў.

24.07.2020 «Да Севярынца не падпускаюць». Затрыманы раварыст — пра ўмовы на Акрэсціна

Павел Севярынец ужо паўтара месяца адбывае арышт у ізалятары на Акрэсціна. Жонка і паплечнікі палітыка чакалі, што яго выпусцяць 22 ліпеня, але гэтага не здарылася. Адзіная магчымасць даведацца хоць што-небудзь — пагаварыць з іншымі затрыманымі, якія перасякаліся з палітыкам у ЦІП або ІЧУ.

24.07.2020 Гомель: на выбарчых участках небывалы наплыў назіральнікаў

Доўгатэрміновы назіральнік кампаніі "Праваабаронцы за свабодныя выбары", акрэдытаваны ў Савецкім раённым выбаркаме Гомеля Леанід Судаленка паспрабаваў атрымаць акрэдытацыю на ўчастку для галасавання

24.07.2020 Смаргонь: магчымасці агітацыі за Лукашэнку і іншых кандыдатаў — у розных вагавых катэгорыях

Калі параўнаць магчымасці агітацыі за кандыдата ў прэзідэнты Аляксандра Лукашэнку і астатніх кандыдатаў, то яны, кажучы на спартовай тэрміналогіяй, заходзяцца ў розных вагавых катэгорыях. У гэтым упэўнены назіральнік кампаніі “Праваабаронцы за свабодныя выбары” са Смаргоні Алесь Дзергачоў. Ён прааналізаваў, як праходзіць агітацыя за розных кандыдатаў у горадзе.

24.07.2020 Дзявяты ў спісе. Як гарадзенскія назіральнікі рэгістраваліся ва ўчастковыя камісіі

Як толькі ЦВК пастанавіла, што ў дзень галасавання на выбарчых участках будзе не больш пяці назіральнікаў, і прыярытэт будзе ў тых, хто раней зарэгістраваўся, гарадзенскія назіральнікі з кампаніі “Праваабаронцы за свабодныя выбары” вырашылі адразу падаць паперы ў камісіі, каб патрапіць у гэтую пяцёрку.

24.07.2020 Пераслед актывістаў і журналістаў у Гродне, Барысаве і Мінску

У розных гарадах Беларусі, у тым ліку ў тых, дзе праходзілі агітацыйныя пікеты кандыдаткі ў прэзідэнты Святланы Ціханоўскай, 23 ліпеня адбыліся затрыманні актывістаў і журналістаў. У Гродне і Барысаве былі затрыманыя сем актывістаў і актывістак "Народнай Грамады" і "Еўрапейскай Беларусі".

24.07.2020 Суд-абсурд. У Магілёве анлайн засудзілі Сяргея Ціханоўскага за пікет двухмесяцовай даўнасці

Суддзя Ленінскага суда Алена Літвіна 23 ліпеня правяла працэс над блогерам Сяргеем Ціханоўскім, паведамляе mspring.online. На думку ўладаў, лідэр каманды «Краіна для жыцця» зладзіў несанкцыянаванае масавае мерапрыемства прама падчас законнага пікету па зборы подпісаў за вылучэнне Святланы Ціханоўскай кандыдаткай у прэзідэнты Рэспублікі Беларусь 27 траўня перад ГЦ «Атрыум» у Магілёве.