Праваабарончы цэнтр «ВЯСНА»

Навіны за 3 чэрвеня 2020

03.06.2020 Міліцыя працягвае пераследваць актывістаў па ўсёй Беларусі

З розных гарадоў Беларусі паведамляецца, што супрацоўнікі міліцыі працягваюць пераследваць актывістаў і ўдзельнікаў легальных пікетаў па зборы подпісаў за вылучэнне альтэрнатыўных кандыдатаў.

03.06.2020 У ЦВК адказалі на "шматлікія звароты" з-за выказванняў Лукашэнкі наконт жанчын

Цэнтральная выбарчая камісія 3 чэрвеня размясціла ў сябе на сайце адказ на "шматлікія звароты аб нязгодзе з выказваннямі Аляксандра Лукашэнкі, які вылучаецца кандыдатам у прэзідэнты".

03.06.2020 "Я раскайваюся ў сваім учынку". Магілёўцы адклікаюць свае подпісы ў падтрымку Лукашэнкі

У рэдакцыю часопіса MSPRING.ONLINE даслалі заявы двух жыхароў аднаго з інтэрнатаў, паводле якіх яны вырашылі адклікаць свае подпісы за дзеючага прэзідэнта Рэспублікі Беларусь.

03.06.2020 Як сабраць 7 мільёнаў подпісаў і нават не здаць іх у выбарчыя камісіі?

Кампанія па выбарах Прэзідэнта Рэспублікі Беларусь падносіць усё новыя і новыя сюрпрызы. Пра адзін з іх, які тычыцца здачы подпісаў выбаршчыкаў за вылучэнне прэтэндэнтаў у кандыдаты ў тэрытарыяльныя выбарчыя камісіі, распавядае каардынатар кампаніі “Праваабаронцы за свабодныя выбары” Уладзімір Лабковіч.

03.06.2020 “Прапагандуе дыскрымінацыю жанчын”. Праваабаронца просіць ЦВК і пракуратуру прыняць меры з-за выступу Лукашэнкі

Праваабаронца “Вясны” Алена Маслюкова падала заяву ў Цэнтрвыбаркам і пракуратуру на дзеючага прэзідэнта Аляксандра Лукашэнку за выказванне "Канстытуцыя не пад жанчыну" на МТЗ.

03.06.2020 «Дайце шанец выправіцца». Родныя асуджаных на смерць братоў Косцевых звярнуліся да Лукашэнкі

Калегія крымінальных спраў Вярхоўнага суду разгледзела 22 траўня апэляцыйную скаргу жыхароў Чэрыкава Станіслава і Іллі Косцевых і пакінула прысуд абодвум без зменаў.

03.06.2020 "Ты хочаш працаваць?" Збор подпісаў за Лукашэнку ў дзіцячай паліклініцы ў Рэчыцы

Супрацоўніца дзіцячай паліклінікі ў Рэчыцы зняла відэа збору подпісаў за вылучэнне кандыдатам на выбарах прэзідэнта дзейнага кіраўніка дзяржавы Аляксандра Лукашэнкі, паведамляе "Палеская Вясна".

03.06.2020 Блог Паўла Сапелкі: Класік у фарбе

У чарговым выпуску блога "Слова аб праве" ў "Белгазеце" юрыст Праваабарончага цэнтра "Вясна" Павел Сапелка аналізуе ход крымінальнай справы Філіпа Шаўрова, ацэнку яго дзеянняў некаторымі журналістамі і пазіцыю праваабаронцаў.

03.06.2020 Беларусы прапанавалі ЦВК правесці выбары анлайн. Што ім адказалі?

У Цэнтральнай выбарчай камісіі краіны разгледзелі прапанову беларусаў аб мэтазгоднасці правядзення галасавання праз інтэрнэт.

03.06.2020 "Пастаяў на плошчы некалькі хвілін". Судовы канвеер у Гомелі

Другога чэрвеня гамельчука Дзмітрыя Канеўскага пакаралі штрафам у 5 базавых велічынь за нібыта актыўны ўдзел у несанкцыянаваным пікеце сёмага траўня на плошчы Леніна. Пакаралі і іншых "удзельнікаў".

03.06.2020 За плакат на перадвыбарчым пікеце Алену Радзькову будуць судзіць

У Наваполацку ў дачыненні да Алены Радзьковай, сябры ініцыятыўнай групы Сяргея Чэрачня, распачаты адміністрацыйны працэс па ч. 3. арт. 23.34 КаАП.

03.06.2020 На вылучэнца Лукашэнку пададзеная ўжо трэцяя заява ў ЦВК

Аб’яднаная грамадзянская партыя (АГП) запатрабавала ад Цэнтравыбаркаму вынесці папярэджанне Аляксандру Лукашэнку, які балатуецца на шосты тэрмін, «за арганізацыю правакацый» і адмовіць яму ў рэгістрацыі кандыдатам у прэзыдэнты.

03.06.2020 АБСЕ заклікае ўлады Беларусі праявіць стрыманасць

Парламенцкая асамблея АБСЕ пракаментавала затрымання актывістаў падчас пікетаў па зборы подпісаў за прэтэндэнтаў на прэзідэнцкае крэсла.

03.06.2020 Блогера Шэрага ката і лідара АГП асудзілі за акцыю салідарнасці з Ціханоўскім

У Цэнтральным судзе Мінска 3 чэрвеня працягнуліся суды над удзельнікамі акцыі ў падтрымку блогера Сяргея Ціханоўскага. На гэты раз судзілі палітыка, лідара АГП Мікалая Казлова і youtube-блогера Дзмітрыя Казлова (Шэрага ката). Абодвух судзілі за акцыю шостага траўня ля Нямігі - калі неабыякавыя грамадзяне сабраліся разам, каб выказаць недавольства тады яшчэ першаму затрыманню Ціханоўскага.

03.06.2020 «У разгоне ўдзельнічаў сваяк з АМАПу». Гродзенка распавяла, як на пікеце 29 траўня затрымлівалі яе хлопца

Сяргея Калмыкова затрымалі 29 траўня на Савецкай плошчы. Цяпер ён знаходзіцца ў ізалятары часовага ўтрыманні ў Мінску. Яго дзяўчына Ірына кажа, што ён невінаваты. Падчас затрыманняў на плошчы быў сваяк Сяргея з АМАПа.