Праваабарончы цэнтр «ВЯСНА»

Навіны за 25 траўня 2020

25.05.2020 Зноў чэргі. У Слуцку працягваецца збор подпісаў за вылучэнне Ціханоўскай

У Слуцку каля 17 гадзін працягнуўся збор подпісаў за вылучэнне кандыдаткай у прэзідэнты Святланы Ціханоўскай. Кіруе ініцыятыўнай групай блогер ютуб-канала "Страна для жизни" Сяргей Ціханоўскі.

25.05.2020 Павел Сапелка: "Сваю гуманістычную місію закон аб амністыі да канца не выканае"

Закон "Аб амністыі ў сувязі з 75-годдзем Перамогі ў Вялікай Айчыннай вайне 1941-1945 гадоў" уступіў у дзеянне 22 траўня. З гэтай амністыяй у перыяд пандэміі COVID-19 многія звязвалі надзеі на тое, што з месцаў пазбаўлення волі будуць вызваленыя найбольш уразлівыя катэгорыі зняволеных.

25.05.2020 Суды над удзельнікамі мірных акцый і сустрэч працягваюцца

У Беларусі працягваюцца суды над удзельнікамі сустрэч з блогерам Сяргеем Ціханоўскім і акцый па "кармленні галубоў".

25.05.2020 На пікеце каля Камароўкі выбаркам фіксаваў парушэнні пры зборы подпісаў. Што гэта было?

Як адзначаюць аналітыкі кампаніі "Праваабаронцы за свабодныя выбары", для таго, каб даць аб'ектыўную ацэнку правамернасці ўмяшання прадстаўніка выбарчай камісіі ў дзейнасць пікету па зборы подпісаў, неабходна пераканацца ў тым, ці вёўся фактычны збор подпісаў у падтрымку асобы, якая вылучаецца ў кандыдаты, ці не.

25.05.2020 Журналіст Аляксандр Буракоў-малодшы на волі!

Пасля адбыцця пакарання 10-ю суткамі арышту з ізалятара часовага ўтрымання УУС Магілёўскага аблвыканкама выйшаў на волю магілёўскі журналіст і праваабаронца Аляксандр Буракоў-малодшы.

25.05.2020 У Рэчыцы і Светлагорску з’явіліся першыя пікеты для збору подпісаў за прэтэндэнтаў у кандыдаты

Рэчыца стала першым горадам усходняга Палесся, дзе назіральнікі заўважылі пікеты для збору подпісаў за прэтэндэнтаў на кандыдатаў на прэзідэнта Беларусі.

25.05.2020 Фотафакт. У Слуцку збіраюць подпісы за Ціханоўскую каля новага дома мэра

У Слуцку ў панядзелак, 25 траўня, ў 12 гадзін распачаўся пікет за збор подпісаў за вылучэнне кандыдаткай у прэзідэнты Святланы Ціханоўскай. Пікет праходзіць на вуліцы Слуцкіх паясоў. Недалёка ад месца пікета будуецца новы дом мэра Слуцка.

25.05.2020 Суд адмовіў Уладзіміру Кацору ва ўключэнні ў Гомельскую абласную камісію

Суд не задаволіў скаргу сябры АГП з Гомеля Уладзіміра Кацоры на неўключэнне яго ў склад Гомельскай абласной камісіі па выбарах прэзідэнта.

25.05.2020 Гародня: Першая актыўнасць вылучэнцаў у кандыдаты Чэрачэня і Цапкалы

У першыя выходныя пасля пачатку збора подпісаў за вылучэнне кандыдатаў у прэзідэнты ў Гародні праявілі сваю актыўнасць два прэтэндэнты на гэты пост.

25.05.2020 На Статкевіча і Троцкага склалі пратаколы за ўскладанне кветак

На палітыка Мікалая Статкевіча складзены пратакол аб адміністрацыйным правапарушэнні за несанкцыянаваную акцыю, да якой прыраўнялі ўскладанне кветак 8 траўня да помніка савецкім салдатам на Вайсковых могілках.