Праваабарончы цэнтр «ВЯСНА»

Навіны за 30 красавіка 2020

30.04.2020 Адміністрацыйны пераслед у красавіку ў графіках і лічбах (інфаграфіка)

У красавіку 2020 года вялікая частка грамадска-палітычнага жыцця Беларусі перайшла ў анлайн-рэжым. У прыватнасці ў Мінску не адбылося шэсце “Чарнобыльскі шлях”, якое традыцыйна праводзілася 26 красавіка – у гадавіну аварыі на Чарнобыльскай АЭС. Але пры гэтым узмацніліся пратэстныя настроі ў Брэсце, на якія ўлады ўпершыню за два гады акцый супраць завода АКБ адрэагавалі даволі жорстка – арыштамі на доўгія тэрміны. Акрамя таго, у краіне працягваецца адміністрацыйны пераслед журналістаў-фрылансераў на Гомельшчыне і Магілёўшчыне.

30.04.2020 "Вясна" просіць ААН разабрацца з канвеернымі судамі над удзельнікамі акцыяў супраць інтэграцыі

Праваабарончы цэнтр "Вясна" праінфармаваў двух спецыяльных дакладчыкаў ААН аб "канвеерным правасуддзі" падчас разгляду адміністрацыйных справаў удзельнікаў мірных пратэстаў супраць паглыбленай інтэграцыі Рэспублікі Беларусь і Расійскай Федэрацыі ў снежні 2019 – студзені 2020 года.

30.04.2020 "Пандэмія – гэта выклік для любой дэмакратыі". Праваабаронцы абмеркавалі свабоду сходаў са спецдакладчыкам ААН

29 красавіка адбылася анлайн-сустрэча са спецыяльным дакладчыкам ААН па свабодзе мірных сходаў і асацыяцый Клеманам Ньялетсосі Вулем, арганізаваная Фондам Дамоў правоў чалавека.

30.04.2020 Валанцёрская служба запрашае на анлайн-сустрэчу з псіхалагіняй Таццянай Палхоўскай

Валанцёрская служба "Вясны" запрашае на анлайн-сустрэчу з псіхалагіняй, сямейнай псіхатэрапеўткай, бізнэс-трэнеркай Таццянай Палхоўскай. Мерапрыемства адбудзецца ў ZOOM 2 траўня ў 18 гадзін.

30.04.2020 Алесь Бяляцкі: "Прашу праявіць сацыяльную салідарнасць!"

У стасунку з пандэміяй каранавірусу старшыня Праваабарончага цэнтра “Вясна” Алесь Бяляцкі выступіў з відэазваротам, у якім заклікае праявіць сацыяльную салідарнасць і менш кантактаваць паміж сабой, асабліва пад час доўгіх выход

30.04.2020 Кожныя тры месяцы – 15 млн гвалтаў. ААН распавяла пра ценявы бок каранціну для жанчын

Праз каранцін, у якім перабываюць чатыры мільярды чалавек у 90 краінах, расце небяспека гвалту ў дачыненні да жанчын, заяўляе Фонд ААН у галіне народанасельніцтва (ЮНФПА) па выніках новага даследавання, піша belsat.eu.

30.04.2020 Прапановы па канцэпцыі Закона аб доступе да інфармацыі аб дзейнасці судоў накіраваныя ўладам

Шэраг няўрадавых арганізацый Беларусі накіравалі ўладам сумесныя прапановы па канцэпцыі Закона Рэспублікі Беларусь “Аб доступе да інфармацыі аб дзейнасці судоў агульнай юрысдыкцыі”.