Праваабарончы цэнтр «ВЯСНА»

Навіны за 26 студзеня 2018

26.01.2018 Пракуратура палічыла збіццё Аляксея Лойкі АМАПам "законным і абгрунтаваным"

Пракуратура Першамайскага раёна г. Мінска лічыць адмову раённага Следчага камітэта ва ўзбуджэнні крымінальнай справы па факце збіцця юрыста ПЦ "Вясна" Аляксея Лойкі 25 сакавіка пры налёце міліцыі на офіс арганізацыі законнай і абгрунтаванай.

26.01.2018 Валанцёрка “Вясны”, якая трапіла ў спіс Forbes: Мару стаць прафесійнай праваабаронцай

На днях стала вядома, што валанцёрка ПЦ “Вясна” Анісія Казлюк трапіла ў спіс “30 да 30” часопісу Forbes у катэгорыі “Права і кіраванне”. Дзяўчына распавяла пра тое, чаму яна займаецца валанцёрскай дзейнасцю, а таксама пра свае далейшыя планы ў праваабарончай сферы.

26.01.2018 У Беларусі адшукаўся яшчэ адзін смяротнік

Па інфармацыі, якая стала вядома праваабаронцам, у Следчым ізалятары №1 Мінска знаходзіцца не шэсць, а сем асобаў, асуджаных да смяротнага пакарання. Яшчэ адзін прысуд быў вынесены, меркавана, Віцебскім абласным судом ў мінулым годзе.

26.01.2018 Праваабаронцы расцэньваюць блакіроўку “Хартыі'97” як далейшы наступ на свабоду слова ў Беларусі

Праваабарончы цэнтр “Вясна” ўстрывожаны тым, што апошнім часам адбываецца ў беларускай інфармацыйнай прасторы. Праваабаронцы лічаць, што блакіроўка сайта “Хартыя'97” з’яўляецца недапушчальным абмежаваннем права на свабоду выказвання. Гэта грубае парушэнне міжнародных абавязальніцтваў ў галіне свабоды слова і ўвогуле – правоў чалавека, якія дапускаюць беларускія ўлады.

26.01.2018 Праваабаронца Алег Мацкевіч: За высокім бетонным плотам масавае мерапрыемства не правядзеш

Праваабаронца звяртае ўвагу на тое, што змест такіх тэрмінаў, як мітынг, вулічнае шэсце, дэманстрацыя, пікетаванне, вызначаных ў арт. 2 Закону “О массовых мероприятиях в Республике Беларусь”, утрымлівае крытэрый публічнасці. Між тым, месца, усталяванае для правядзення масавых мерапрыемстваў рашэннем № 851 Барысаўскага райвыканкаму, крытэрыям публічнасці не адпавядае.