Праваабарончы цэнтр «ВЯСНА»

Навіны за 25 студзеня 2018

25.01.2018 Фрунзенская выбарчая камісія паскардзілася на апазіцыйнага кандыдата. Міліцыя праводзіць праверку

25 студзеня Мікіту Семяненку, кандыдату ў дэпутаты Мінскага гарадскога Савету, патэлефанавалі з Фрунзенскага РУУС. Яго запрасілі на “размову” з нагоды таго, што актывіст нібыта парушыў грамадскі парадак падчас наведвання 18 студзеня Фрунзенскай раённай выбарчай камісіі.

25.01.2018 Праваабаронцу Аюба Ціціева не даставілі ў суд для разгляду скаргі на меру стрымання

Як паведамляе Праваабарончы цэнтр "Мемарыял", 25 студзеня ў Вярхоўным судзе Чачэнскай Рэспублікі павінна было адбыцца пасяджэнне па разглядзе апеляцыйнай скаргі Аюба Ціціева на абранне меры стрымання. Аднак, па невядомых прычынах праваабаронца не быў дастаўлены ў суд.

25.01.2018 Блог Валянціна Стэфановіча: Схаванае сэрца

Апошнія песні на вершы Міхала я слухаў у выканнні вясёлага гурта IQ48. Песня “Схаванае сэрца” асабліва хапала за жывое. Мне падаецца, што так пра родны Менск ніхто больш не пісаў і не спяваў. Прычым цікава, што пры ўсім сваім велізарным укладзе ў сучасную беларускую культуру сам Міхал заставаўся асобай непублічнай і вельмі сціплай.

25.01.2018 Маладэчна: Назіральнік аналізуе магчымасці для правядзенння выбарчай агітацыі

Назіральнік з Маладэчна Аляксандр Капуцкі параўнаў рашэнне раённага выканаўчага камітэта аб месцах, вызначаных для правядзення агітацыйнай кампаніі па выбарах у раённы Савет дэпутатаў, з рашэннем папярэдняй выбарчай кампаніі ў мясцовыя Саветы.

25.01.2018 Праваабаронцу Барыса Бухеля ўключылі ў грамадскую камісію пры абласным упраўленні юстыцыі

Сябра «Магілёўскага праваабарончага цэнтра» Барыса Бухеля ўключылі ў склад абласной грамадскай назіральнай камісіі (ГНК) пры галоўным Упраўленні юстыцыі Магаблвыканкама. Па словах праваабаронцы, ён не чакаў такога рашэння.