Праваабарончы цэнтр «ВЯСНА»

Навіны за 17 студзеня 2018

17.01.2018 Баранавіцкі назіральнік скардзіцца на ўтойванне звестак пра пасады сябраў УВК

Сяргей Гоўша накіраваў скаргу ў ЦВК. У ёй назіральнік выказвае сваё абурэнне адносна таго, што баранавіцкі гарвыканкам не друкуе на сваім сайце і ў газетах інфармацыю аб месцах працы і пасадах сябраў выбарчых камісій.

17.01.2018 Магілёўскі абласны суд не ўбачыў правакацыяў у дачыненні да палітвязня

Прынцыповая адмова палітвязня Міхаіла Жамчужнага ісці ў атрад для асоб з “нізкім статусам” каштавала яму 5 сутак у ШЫЗА.

17.01.2018 Незалежны назіральнік у гомельскай ТВК: заўваг да працы камісіі няма

Прадстаўніку кампаніі "Правабаронцы за свабодныя выбары" ў Гомелі Леанід Судаленка дазволілі прысутнічаць 16 студзеня на паседжанні працоўнай групы Гомельскага гарадскога выбаркама пры праверцы подпісаў выбаршчыкаў і дакументаў асоб, якія вылучаюцца кандыдатамі ў дэпутаты ў Гомельскі гарадскі Савет дэпутатаў.

17.01.2018 У Бярозе назіральнікаў дапусцілі да праверкі подпісаў. Але на справе не абышлося без праблем

Большасць сябраў РВК прагаласалі за тое, каб дазволіць назіральнікам Тамары Шчапёткінай і Сяржуку Русецкаму, што звярнуліся з адпаведнымі заявамі ў РВК, назіраць працэс праверкі, але без фатаграфавання і аўдыязапісу.

17.01.2018 Пётр Іваноў: “У СІЗА мяне збівалі да паўсмерці”

На судзе Пётр Іваноў заявіў, што 9 студзеня накіраваў заяву аб катаваннях у пракуратуру, але ці выйшла тая заява за межы СІЗА, ён не ведае. Напрыканцы паседжання прасіў правесці мэдэкспэртызу. Паводле слоў Іванова, апошнія 37 сутак ён правёў у карцэры.

17.01.2018 Выбарчыя камісіі не зацікаўленыя ў празрыстасці працэсу праверкі подпісаў вылучэнцаў у кандыдаты

Да шэрагаў назіральнікаў кампаніі “Праваабаронцы за свабодныя выбары”, якім адмоўлена ў магчымасці прысутнічаць пры праверцы подпісаў і дакументаў па рэгістрацыі кандыдатаў у дэпутаты, далучыліся салігорскі назіральнік Леанід Мархотка і назіральніца з Мінску Валянціна Свяцкая.