Праваабарончы цэнтр «ВЯСНА»

Навіны за 6 ліпеня 2016

06.07.2016 Старшыня БАЖ: У асвятленні выбараў у Беларусі няма галоўнага — выбару

“Рытуальныя размовы пра тэхнічнае забяспячэнне выбарчага працэсу закрываюць сабой уласна выбар паміж ідэямі, шляхамі і асобамі”, — рэзюмуе Андрэй Бастунец, распавядаючы пра берлінскую канферэнцыю на тэму свабоды СМІ і выбараў, у якой брала удзел старшыня ЦВК.

06.07.2016 Вылучэнцу ад АГП Мікалаю Казлову адмовілі ў рэгістрацыі ініцыятыўнай групы

Лідару мінскай гарадской арганізацыі Аб’яднанай грамадзянскай партыі Мікалаю Казлову адмовілі ў рэгістрацыі ініцыятыўнай групы па вылучэнні кандыдатам у дэпутаты Палаты прадстаўнікоў шостага склікання.

06.07.2016 Назіральнікі прапаноўваюць Лідзіі Ярмошынай стварыць беларускамоўную версію сайта ЦВК

Гэты антыдыскрымінацыйны крок асабліва важны, паколькі суб’екты выбарчага працэсу актыўна карыстаюцца беларускай мовай, лічыць аўтар звароту Валянцін Стэфановіч.

06.07.2016 Барысаўскі назіральнік патрабуе, каб усе пытанні, датычныя выбарчага працэсу, разглядаліся камісіяй на паседжаннях

Пасля разгляду запланаваных пытанняў старшыня АВК заявіў: «Паседжанне скончанае, усе свабодны». А пасля секунднай паўзы: «Сябраў камісіі прашу застацца, будзем вырашаць арганізацыйныя пытанні».

06.07.2016 На сябраў ініцыятыўнай групы Марыны Хоміч аказваюць ціск

Марына Хоміч, якая вылучаецца кандыдатам у дэпутаты ад БХД па Кальварыйскай выбарчай акрузе №104, паведаміла, што на сябраў яе ініцыятыўнай групы аказваецца ціск з боку выбарчай камісіі.

06.07.2016 Салігорскія і слуцкія СМІ па-ранейшаму ігнаруюць выбарчую тэматыку

Амаль месяц мінуў са старта парламенцкай выбарчай кампаніі, аднак салігорскія і слуцкія СМІ на гэтую буйнейшую грамадска-палітычную падзею ўвагі дагэтуль не звярнулі.

06.07.2016 Рэгістрацыя ініцыятыўных груп у Гродне, Мазыры, Слоніме, Кобрыне: “конкурс” на выбарах прадбачыцца амаль паўсюль

Алесь Мех яшчэ напярэдадні запатрабаваў, каб паседжанне вялося на беларускай мове. Але старшыня камісіі, дырэктар сш №3 Аляксандр Лесік вытрымаў толькі першыя 5 хвілін. Потым, спаслаўшыся на закон “Аб дзьвюхмоўі”, перайшоў на рускую.

06.07.2016 Міліцыя забрала кампутар і тэлефон берасьцейскага блогера, які сабраўся ў дэпутаты

Да прэтэндэнта ў кандыдаты ў дэпутаты парлямэнту Сяргея Пятрухіна, які балятуецца ў Берасьці, прыйшлі міліцыянты і забралі яго мабільны тэлефон і ноўтбук.

06.07.2016 Валанцёрская служба «Вясны» запрашае на кiнапрагляд і дыскусію 7 ліпеня

У фільме распавядаецца пра калонію Дыгнiдад - працоўнае селішча, якое заснаваў кіраўнік нямецкай секты Паўль Шэфер, што хутка пераўтварылася ў палітычную турму, якую таемная паліцыя Чылі выкарыстоўвала для катаванняў і забойстваў людзей.