Праваабарончы цэнтр «ВЯСНА»

Навіны за 17 чэрвеня 2016

17.06.2016 Бабруйск: у гарадскіх акругах выбаршчыкаў стала болей, у сельскай -- паменела

Як і падчас мінулых выбараў у ПП НС, колькасць выбаршчыкаў у Ленінскай і Першамайскай выбарчых акругах значна павялічылася, а на тэрыторыі Сельскай выбарчай акругі - традыцыйна зменшылася.

17.06.2016 У Брэсцкай вобласці істотна змянілася колькасць выбаршчыкаў па акругах

У чатырох з 16-ці выбарчых акругаў у Брэсцкай вобласці колькасць выбаршчыкаў павялічылася ў параўнанні з мінулымі парламенцкімі выбарамі. У той жа час у Баранавіцкай сельскай акрузе №7 колькасць выбаршчыкаў зменшылася на 7282 чалавек.

17.06.2016 Гомельскі актывіст АГП правёў больш за тры гадзіны ў пастарунку з-за майкі «За Беларусь без Лукашэнкі»

На яго склалі пратакол адміністрацыйнага затрымання, у якім запісана, што прычынай затрымання было ўстанаўленне асобы. Але хто і на якіх падставах затрымаў - не сказана. Уладзіміра Няпомняшчых адпусцілі з пастарунку пасля таго, як Лукашэнка з'ехаў з Гомеля.

17.06.2016 Мінскі гарадскі суд адправіў справы за Дзень волі на новы разгляд

17 чэрвеня Мінскі гарадскі суд разгледзіў скаргі на пастановы суда Савецкага раёна аб прыцягненні да адміністрацыйнай адказнасці Наталлі Саматыя, Рыгора Кастусёва і Мікалая Казлова за ўдзел у шэсці на День волі.

17.06.2016 Двух анархістаў адпусцілі з-пад варты ў статусе падазраваных

Двух актывістаў анархісцкага руху, затрыманых у сувязі з акцыяй супраць БТ, адпусцілі з-пад варты пад абавязальніцтва аб яўцы. Зараз яны знаходзяцца ў статусе падазраваных па справе, узбуджанай па ч. 2 арт. 339 Крымінальнага кодэксу "Хуліганства, здзейсненае паўторна, альбо групай асобаў".

17.06.2016 Праваабаронцы "не так зразумелі" паклёп прэзідэнта

У Бішкеку хуткаплынна скончыўся працэс па пазове праваабаронцаў Талекан Ісмаілавай і Азізы Абдзірасулавой да прэзідэнта Кыргызстана. Няхай зыход суда быў даволі прадказальны, але сам факт падобнага судовага разбіральніцтва для Беларусі ў прынцыпе немагчымы.

17.06.2016 Суд не падтрымаў Судаленку і стаў на бок “Белорусской военной газеты”

Як паведамляе "Беларуская асацыяцыя журналістаў", 17 чэрвеня суд Цэнтральнага раёна Мінска адхіліў пазоў праваабаронцы Леаніда Судаленкі да “Белорусской военной газеты”.