Праваабарончы цэнтр «ВЯСНА»

Навіны за 6 верасьня 2015

06.09.2015 Баранавічы: праваабаронца падаў скаргу на датэрміновую агітацыю за дзеючага прэзідэнта

Праваабаронца Сяргей Гоўша 5 верасня накіраваў скаргу ў Цэнтральную выбарчую камісію, у якой указвае, што яшчэ не зарэгістраваны кандыдаы ў прэзідэнты, а ў Баранавічах ужо пачалася агітацыя за дзеючага прэзідэнта.

06.09.2015 Пракуратура Гродзенскай вобласці прызнала факт парушэння выбарчага заканадаўства чыноўнікамі аблвыканкаму (дакумент)

Гродзенскі праваабаронца Раман Юргель атрымаў адказ на свой зварот. Пракуратура адзначае, што прыняты меры рэагавання, праўда не паведамляе: якія і ў дачыненні да якіх службовых асоб.

06.09.2015 Салігорскія ўлады не бачаць праблем ва ўшчыльненні гарадской забудовы

Салігорскія ўлады не жадаюць ісці насустрач жыхарам горада і не збіраюцца адмаўляцца ад будаўніцтва шматпавярховіка на месцы школьнага стадыёна і зялёнай зоны па вуліцы Горкага.

06.09.2015 Прадстаўнікі місіі АБСЕ наведалі Слонім

У Слоніме пабывалі доўгатэрміновыя назіральнікі АБСЕ за выбарамі Адэлін Маркіс і Харалд Отта. Прадстаўнікі назіральніцкай міжнароднай місіі ў горадзе над Шчарай сустрэліся з актывістамі Слонімскага згуртавання дэмакратычных сіл, а таксама з сябрамі БХД, якія будуць назіраць за выбарамі.

06.09.2015 Жыхары Горак пратэстуюць супраць будаўніцтва гаражоў каля мемарыяла

Жыхары Горак пратэстуюць супраць будаўніцтва гаражоў каля мемарыяла “Смуткуючая маці”, дзе падчас Другой сусветнай вайны адбываліся расстрэлы мірных жыхароў і ваеннапалонных.

06.09.2015 Баранавічы: Міністэрства адукацыі прапанавала, якім чынам забяспечыць навучанне па-беларуску для жадаючых

З адказу намесніка міністра адукацыі вынікае, што міністэрства лічыць мэтазгодным не адчыняць новы беларускамоўны клас, а арганізаваць адукацыйны працэс Ясі Малашчанкі і Алісы Філіпчык у складзе аднаго класа. У такім класе адна група вучняў будзе вучыцца па-руску, а другая – па-беларуску.

06.09.2015 У Брэсцкай вобласці прызананы несапраўднымі ўсе подпісы за вылучэнне Віктара Цярэшчанкі

Брэсцкая абласная выбарчая камісія была апошняй у Беларусі, якая падсумавала вынікі этапу збору подпісаў у падтрымку асоб, якія вылучаюцца кандыдатамі ў прэзідэнты на сёлетніх выбарах.

06.09.2015 Слуцкі райвыканкам засакрэціў дакументы па фармаванні участковых выбаркамаў

У афіцыйным адказе назіральніку старшыня Слуцкага райвыканкаму Андрэй Янчэўскі абгрунтаваў сваю адмову тым, што панятак “маніторынг выбараў”, ажыцяўленнем якога займаецца БХК, Выбарчым кодэксам не прадугледжаны, як і азнаямленне грамадскасці з дакументамі па фарамаванні выбаркамаў.