Праваабарончы цэнтр «ВЯСНА»

Навіны за 13 красавіка 2015

13.04.2015 Салігорскія праваабаронцы завершылі працу над дакладам аб дыскрымінацыі беларускамоўных

Галоўная мэта зробленай працы - даць аб'ектыўную інфармацыю пра стан забеспячэння і выканання правоў беларускамоўных грамадзян і сумеснымі высілкамі грамадскасці, органаў выканаўчай і заканадаўчай улады распрацаваць і ажыццявіць належныя меры па яго паляпшэнні.

13.04.2015 Светлагорск: інвалід-калясачнік не здолеў патрапіць на судовае паседжанне па яго грамадзянскаму зыску

Актывіст не здолеў патрапіць на папярэдняе паседжанне, таму што кабінет суддзі – на другім паверсе. А «безбар'ерны асяродак» існуе часта толькі на паперы – у будынку суда няма ні пад'ёмніка, ні пандуса, трапіць на калясцы на другі паверх проста немагчыма.

13.04.2015 Актывістку Ніну Багінскую будуць судзіць за бел-чырвона-белы сцяг

Пра суд Ніна Багінская даведалася 13 красавіка, калі наведала РУУС Маскоўскага раёна, супрацоўнікамі якога была затрыманая ў мінулую пятніцу. Дату адміністратыўнага працэсу ёй пакуль не паведамілі.

13.04.2015 Палата прадстаўнікоў мае права адмяніць Дэкрэт “аб дармаедстве”

Хутчэй за ўсё дэпутаты разгледзяць яго ўжо ў траўні. Яны могуць ухваліць дакумент, унесці ў яго змены або наогул адмяніць яго дзеянне.

13.04.2015 Палітвязня Юрыя Рубцова з хіміі пераводзяць у CІЗА у Баранавічы

Гомельскі актывіст Юрый Рубцоў, які абвінавачваецца ва ўхіленні ад адбывання пакарання, вечарам 13 красавіка будзе дастаўлены ў следчы ізалятар у Баранавічах, паведаміла праваабаронца Анастасія Лойка.

13.04.2015 Міліцыя па-за законам (відэа)

Мы больш давяраем царкве і зусім не спадзяемся на міліцыю. Закрытасць праваахоўнай сістэмы і «міліцэйская салідарнасць» прымушаюць нас баяцца, а не спадзявацца на закон і справядлівасць. Нам кажуць пра «падзенне росту злачыннасці», пры гэтым замоўчваюць пра службовыя злоўжыванні.

13.04.2015 Гродна: 15 красавіка – суд над журналістамі Алесем Дзянісавым і Алесем Кіркевічам

Абодвух, паводле адміністрацыйных пратаколаў, вінавацяць у незаконным вырабе і распаўсюдзе інфармацыі (ч. 2 арт. 22.9 КаАП РБ). Справа датычаць матэрыялу, які быў паказаны тэлеканалам Белсат у пачатку сакавіка, а сюжэт датычыў адкрыцця выставы слуцкіх паясоў у Беларускім дзяржаўным музеі гісторыі рэлігіі.

13.04.2015 Запрашаем на прэс-канферэнцыю “2-гі раунд УПА для Беларусі: чаканні праваабарончай супольнасці”

15 красавіка ў офісе ПЦ “Вясна” адбудзецца прэс-канферэнцыя па выніках удзелу праваабаронцаў 8 – 10 красавіка ў прэ-сесіі ў Жэневе напярэдадні праходжання Беларуссю 2-га раунду Універсальнага перыядычнага агляду (УПА). Пачатак аб 11-й гадзіне.

13.04.2015 Наглядная скарга журналіста Віктара Парфёненкі не задаволена (дакумент)

Так і не атрымаўшы афіцыйнай акрэдытацыі карэспандэнта Беларускага Радыё Рацыя, на якую журналіст без станоўчага выніку з 2009-га году складаў паперы ў МЗС Рэспублікі Беларусі сем разоў, Парфёненка зараз імкнецца дамагчыся афіцыйнай акрэдытацыі праз судовую сістэму.

13.04.2015 Брэст: грамадскія актывісты просяць дэпутатаў парламента ініцыяваць зварот у Канстытуцыйны суд наконт “дэкрэта аб дармаедстве”

Прыхільнікі грамадзянскай ініцыятывы “Сацыяльны офіс” накіравалі лісты на адрас дэпутатаў Палаты прадстаўнікоў ад Брэста - Ларысе Багдановіч, Уладзіміру Базанаву, Віктару Валюшыцкаму і Валянціну Мілашэўскаму.