Праваабарончы цэнтр «ВЯСНА»

Навіны за 31 студзеня 2015

31.01.2015 Брэст: незалежны журналіст Алесь Ляўчук працягвае аспрэчваць вынесенае яму пакаранне ў выглядзе штрафа

Сябра ГА “Беларуская асацыяцыя журналістаў” Алесь Ляўчук рыхтуе скаргу на імя старшыні Брэсцкага абласнога суда пасля таго, як гэтая ўстанова пакінула без зменаў рашэнне суда Ленінскага раёна Брэста, што аштрафаваў журналіста на 6 мільёнаў рублёў.

31.01.2015 Журналіст абскарджвае немагчымасць прысутнічаць на адкрытых пасяджэннях Магілёўскага аблсавета

Магілёўскі журналіст інфармацыйнай кампаніі навін БелаПАН Уладзімір Лапцэвіч цэлы год спрабуе патрапіць на пасяджэнні Магілёўскага абласнога Савета дэпутатаў, аднак яму ўвесь час адмаўляюць у гэтым, спасылаючыся на рэгламент працы аблсавета, які нібыта дазваляе прысутнічаць на гэтых пасяджэннях толькі па спецыяльнаму запрашэнню.

31.01.2015 Грамадскасць і і СМІ змусілі арганізатараў змяніць непраўдзівыя ўмовы аўкцыёну

На 9 лютага Віцебскім абласным тэрытарыяльным фондам дзяржаўнай маёмасці прызначаны аўкцыён па продажы будынкаў па вул. Дзімітрава, з якіх два -- №10 і №12 , з'яўляюцца архітэктурнымі помнікамі. Аднак арганізатары на гэта "забыліся".

31.01.2015 Выселеныя з кватэр магіляўчане гатовы абвесціць галадоўку

У Магілёве былыя жыхары д.59 па вуліцы Ленінскай рыхтуюцца да галадоўкі. Яны заяўляюць, што іх калектыўныя звароты ніхто не чытае і чыноўнікі не разбіраюцца ў праблеме. Яны толькі перасылаюць іхныя лісты з адной інстанцыі ў другую.

31.01.2015 Упраўленне аховы здароўя не знайшло парушэнняў у «затрыманні» на пікеце жыхара Светлагорска медыкамі

У прымусовай дастаўцы грамадскага актывіста са Светлагорска, інваліда першай групы Юрыя Ляшэнкі, Упраўленне аховы здароўя Гомельскага аблвыканкама не знайшло парушэнняў.