Праваабарончы цэнтр «ВЯСНА»

Навіны за 16 студзеня 2015

16.01.2015 У Брэсце АМАП затрымаў грамадскага актывіста ў тралейбусе

Жонка мяркуе, што гэта можа быць звязана з акцыямі ў падтрымку палітвязняў.

16.01.2015 Гомельскую журналістку выклікаюць у міліцыю

16 студзеня афіцыйную позву ў Светлагорскі РАУС атрымала гомельская сябра ГА “БАЖ” Ларыса Шчыракова. Яна мусіць з’явіцца ў міліцыю ў якасці сведкі 19 студзеня, – паведаміла прэс-службе ГА “БАЖ” спн. Шчыракова.

16.01.2015 У Азербайджане пачаўся суд над праваабаронцам Расулам Джафаравым

Разгляд крымінальнай справы ў дачыненні да праваабаронцы Расула Джафарова пачаўся ў Бакінскім судзе па цяжкіх злачынствах 15 студзеня. Слуханні па сутнасці справы прызначаны на 27 студзеня.

16.01.2015 Кніга “Кому нужна смертная казнь” стала даступная ў PDF-версіі

Кніга даследчыка праблемы адмены смяротнага пакарання ў Беларусі Валерыя Філіпава “Кому нужна смертная казнь” стала даступная для наведвальнікаў сайта spring96.org ў электронным выглядзе. Кніга ўяўляе сабой зборнік матэрыялаў і гісторый, а таксама ўключае статыстычную інфармацыю адносна прымянення смяротнага пакарання ў Беларусі.

16.01.2015 Гродна: аднаўляецца практыка ўзмоцненай праверкі грамадска-палітычных актывістаў на мяжы

Віктар Сазонаў яшчэ з двума грамадска-палітычнымі актывістамі Гродна вяртаўся ў Беларусь з Польшчы. Яго машыну загналі ў ангар і ўчынілі праверку. Таксама скрупулёзна і па некалькі разоў правяралі асабістыя рэчы гродзенцаў. Асаблівую ўвагу службоўцы надавалі паперам.

16.01.2015 Справа супраць ахоўніка, які перашкаджаў распаўсюджваць газету "Новы час", спыненая

15 студзеня адбылося трэцяе пасяджэнне суда па справе супраць ахоўніка крамы "777" Прохарава, які перашкаджаў актывісту Віктару Чаравухіну распаўсюджваць газету "Новы час".

16.01.2015 Месца для святаў – не месца для пікетаў?

У Астраўцы забаронены пікет за адстаўку ўлады, вінаватай у эканамічным крызісе, бо гэта не свята.

16.01.2015 Савет Рэспублікі лічыць нармальным, калі сваякам пакараных смерцю не выдаюць цела для пахавання

Маці пакаранага смерцю жыхара Гомеля Аляксандра Грунова – Вольга Грунова атрымала першыя адказы на запыты аб неабходнасці змены заканадаўства, якое забараняе сваякам пахаваць целы пакараных смерцю.