Праваабарончы цэнтр «ВЯСНА»

Навіны за Кастрычнік 2014

27.10.2014 Магілёўскія журналісты просяць пракуратуру разабрацца з паклёпніцкімі матэрыяламі

Магілёўскія журналісты Ігар Барысаў і Алесь Буракоў напісалі скаргі на размяшчэнне ў інтэрнэце пра іх паклёпніцкіх матэрыялаў. Адпаведныя заявы былі накіраваны ў міліцыю і пракуратуру горада. Усе публікацыі размешчаны на сайце http://voskresinfo.com.

27.10.2014 Магілёў: матывіровачную частку пастановы суда журналіст атрымаў з вялікай пратэрміноўкай

Магілёўскі журналіст Алесь Буракоў паскардзіўся на затрымку з выдачай яму матывіровачнай часткі пастановы суда. Адпаведны запіс ён пакінуў сёння, 27 кастрычніка, у кнізе скаргаў і прапановаў Ленінскага раённага суда Магілёва.

27.10.2014 Бяроза: праваабаронцы абскардзілі рашэнне суда па справе забароны пікета

Бярозаўскія праваабаронцы накіравалі скаргу рашэнне Бярозаўскага суда, які прызнаў забарону пікета 25 жніўня абгрунтаванай, у касацыйную інстанцыю – Брэсцкі абласны суд. У скарзе праваабаронцы просяць адмяніць рашэнне ад 14 кастрычніка, а справу перадаць на паўторны разгляд у суд Бярозаўскага раёна іншаму суддзі.

27.10.2014 У Бабруйску на моўных курсах абмяркоўвалі тэму інваліднасці

Бабруйчане абмеркавалі праблемы людзей з інваліднасцю на занятках моўных курсаў. Азнаёміліся з этыкетам, парадамі па ўзаемадзеянні, падрыхтаванымі Офісам па правах людзей з інваліднасцю .

27.10.2014 Кніга Вацлава Гавэла «Жыццё ў праўдзе» прыйшла ў Беларусь

Кнігу былога прэзыдэнта Чэхіі і дэсідэнта Вацлава Гавэла «Жыццё ў праўдзе» на беларускай мове прэзентавалі ў Менску 24 кастрычніка.

27.10.2014 Мікалай Дзядок ў турме сам сябе лечыць

Мікалай Дзядок у турме шмат чытае і займаецца спортам, каб быць у лепшай фізычнай форме, калі праз 4 месяцы выйдзе на волю.

26.10.2014 Пракуратура не задаволіла скаргу Уладіміра Шылы

Пракуратура Салігорскага раёна разгледзела скаргу мясцовага дэмакратычнага актывіста Уладзіміра Шылы на дзеянні супрацоўнікаў міліцыі падчас правядзення так званага агляду ў яго прыватным доме.

25.10.2014 Актывіст скардзіцца на прыніжаючыя ўмовы ўтрымання ў салігорскім ІЧУ

Уладзімір Лемеш накіраваў скаргу ў пракуратуру на ўмовы ўтрымання пад вартай у Салігорскім ізалятары часовага ўтрымання. Гэтыя ўмовы актывіст лічыць прыніжаючымі чалавечую годнасць.

25.10.2014 Салігорскія ўлады аднаўляюць планы па высечцы лесапарку

Актывісты салігорскай экалагічнай ініцыятывы “Абаронім лес” зноўку б’юць трывогу. Прадстаўнікам ініцыятывы стала вядома аб аднаўленні мясцовымі ўладамі планаў па высечцы гарадскога лесапарку па вуліцы Лясной.

25.10.2014 Алена Дубаносава выйграла справу ў Лунінецкім судзе

Пасля выбараў у мясцовыя саветы, у якіх прымаў удзел Леанід Дубносаў, раптоўна працадаўца Алены абвінаваціў яе ў растраце грошай і ўзводзе ў зман пакупнікоў. На Алену Дубаносаву была заведзена крымінальная справа.

25.10.2014 Уладзімір Малей: “Праца праваабаронцаў ніколі не была лёгкай”

"Аказваўся не толькі ціск на нас, але і распаўсюджвалася розная інфармацыя, якая ганьбіла нашу дзелавую рэпутацыю. Але якія б жорсткія ўмовы для працы ні былі, праваабаронцы дзейнічаюць у Беларусі ёсць ва ўсіх абласцях".

24.10.2014 Бяляцкі: Беларусь і Азербайджан абменьваюцца досведам пераследу актывістаў

Праваабаронца распавёў Еўрарадыё, як падвойныя стандарты краін ЕС у дачыненні да Азербайджана могуць распаўсюдзіцца і на Беларусь.

24.10.2014 У Свіслачы памёр сябра Праваабарончага цэнтру “Вясна” Віктар Дзясяцік. Шчырыя спачуванні родным

У Свіслачы пасля інсульту памёр Віктар Дзясяцік, шчыры беларускі патрыёт, сябра Праваабарончага цэнтру "Вясна", адзін з арганізатараў традыцыйнага штогадовага фэсту Дзень памяці паўстанцаў 1863 году. Віктару Дзясяціку было 55 гадоў.

24.10.2014 Прэзентацыя ў Гродна: да Марціновіча прэтэнзіяў няма, але ці будуць наступствы для святара і выдаўца?

У святара айца Андрэя Крата, прадстаўніка выдавецтва Міраслава Лазоўскага і самога пісьменніка Віктара Марціновіча былі ўзяты пісьмовыя тлумачэнні.

24.10.2014 «Карусель пікетаў» працягнецца ў судах

Ніводны з 20 жадаючых правесці пікет у падтрымку Украіны, у тым ліку і намеснікі старшыні Руху «За Свабоду», так і не атрымалі дазволу ад Мінгарвыканкаму. Але «Карусель пікетаў» працягнецца, бо ёсць магчымасць аспрэчыць забарону ў судах, паведамляе сайт Pyx.by