Праваабарончы цэнтр «ВЯСНА»

Навіны за 18 чэрвеня 2014

18.06.2014 Алесь Бяляцкі і Мікалай Статкевіч адказалі на віншавальныя лісты баранавіцкіх актывістаў

Найперш палітвязні дзякуюць за вялікодныя і травеньскія віншаванні, за маральную падтрымку і падрабязны аповяд пра грамадска-культурніцкае жыццё ў Баранавічах. Мікалай Статкевіч асабліва падзякаваў за падтрымку яго бацькі. Алесь Бяляцкі ўзрадаваўся, што у Баранавічах адчыніліся беларускамоўныя курсы “Мовананова”.

18.06.2014 Спэцдакладчык ААН: беларускія ўлады адмаўляюцца ад супрацоўніцтва

«Парушэньні правоў чалавека ў Беларусі носяць сыстэматычны характар», — заявіў 18 чэрвеня спэцдакладчык ААН па правах чалавека ў БеларусіМіклаш Харасьці на пасяджэньні Рады па правах чалавека ААН.

18.06.2014 Камітэт ААН па правах чалавека прыняў да разгляду скаргу Віктара Сазонава

Камітэт ААН па правах чалавека прыняў да разгляду скаргу гарадзенца Віктара Сазонава. Падставай да звароту ў Камітэт стала адміністрацыйная справа, паводле якой летась праваабаронцы “Вясны” ды Беларускага Хельсінкскага камітэту Уладзімір Хільмановіч, Віктар Сазонаў ды Раман Юргель атрымалі буйныя штрафы. Толькі за тое, што сфатаграфаваліся з партрэтам зняволенага праваабаронцы Алеся Бяляцкага.

18.06.2014 Валянцін Стэфановіч: у 1996 годзе, калі праводзіўся рэферэндум, у Беларусі не было пажыццёвага зняволення

Чаму Беларусь захоўвае такую меру пакарання як смяротная кара? Намеснік старшыні Праваабарончага цэнтра "Вясна" упэўнены, што прычыну варта шукаць у савецкім мінулым. У СССР смяротнае пакаранне было мерай пакарання, якую выкарыстоўвалі па шырокаму спектру злачынстваў.

18.06.2014 У Бялыніцкім раёне ўлады прыхоўваюць інфармацыю пра афрыканскую чуму свінняў?

За апошнія тыдні выпадкі падзяжу свінняў ад невядомай хваробы былі зафіксаваныя ў аграгарадках Цяхцін і Вялікая Машчаніца, а таксама і ў вёсцы Лебедзянка Бялыніцкага раёна. Ва ўсіх такіх выпадках на месца здарэнняў выязджалі спецыялісты Бялыніцкай райветсанцыі, якія закопвалі загінуўшую жывёлу і праводзілі маштабную дэзінфекцыю.

18.06.2014 Дуня Міятавіч заклікала беларускія ўлады скасаваць патрабаванні акрэдытацыі для журналістаў

Прадстаўніца АБСЕ па пытаннях свабоды СМІ Дуня Міятавіч выказала занепакоенасць з нагоды павелічэння колькасці штрафаў беларускім журналістам за працу без акрэдытацыі. Пра гэта гаворыцца ў прэс-рэлізе, распаўсюджаным АБСЕ 17 чэрвеня.

18.06.2014 «Апошні золак»: беларускія музыкі супраць смяротнага пакарання (відэа)

Прэзентацыя праекта беларускіх музыкантаў «Апошні золак» прайшла ў клубе «Графіці» 17 чэрвеня. Такім чынам, шэраг вядомых музыкаў, сярод якіх Ганна Хітрык, Аляксандр Памідораў, Зміцер Вайцюшкевіч, Наста Шпакоўская, Віктар Рудэнка, Лявон Вольскі, выказаліся супраць смяротнага пакарання.

18.06.2014 Бабруйск: супрацоўнікі міліцыі сканфіскавалі ў актывісткі подпісы за "Народны рэферэндум"

Вечарам 17 чэрвеня супрацоўнікі міліцыі затрымалі і адвезлі ў аддзяленне бабруйскую актывістку кампаніі "Гавары праўду" Яніну Аўсянік. Яна збірала подпісы за правядзенне "Народнага рэферэндума".

18.06.2014 У Бабруйску затрымалі актывістку «Гавары праўду»

У Бабруйску затрымалі валянтэрку кампаніі «Гавары праўду» Яніну Аўсянік. Пра зьняволеньне яна пасьпела паведаміць іншай актывістцы кампанііАлене Мядзьведзевай. Паводле Мядзьведзевай, Аўсянік затрымалі, калі тая зьбірала подпісы ў падтрымку «Народнага рэфэрэндуму».