Праваабарончы цэнтр «ВЯСНА»

Навіны за 13 чэрвеня 2014

13.06.2014 “Кіруючыя прынцыпы абароны праваабаронцаў”: спрыяць і не перашкаджаць законнай дзейнасці праваабаронцаў

На канферэнцыі Бюро па дэмакратычных інстытутах і правах чалавека АБСЕ ў Берне некалькі дзён таму быў прадстаўлены адмысловы дакумент – Кіруючыя прынцыпы абароны праваабаронцаў (Guidelines on the Protection of Human Rights Defenders).

13.06.2014 У Глыбокім змагаюцца за вяртанне права на правядзенне мітынгаў і пікетаў

Чатыры дзясяткі жыхароў райцэнтру падпісаліся пад калектыўным лістом у Савет Міністраў, дзе выкладзена просьба аб ініцыяванні звароту ў Канстытуцыйны суд з мэтай ацэнкі рашэння Глыбоцкага райвыканкаму №167 "Аб вызначэнні месцаў для правядзення мітынгаў і пікетавання" на адпаведнасць Асноўнаму закону.

13.06.2014 Аўтары індывідуальнага паведамлення, пададзенага у КПЧ ААН ад імя Алеся Бяляцкага, звярнуліся з адкрытым лістом

Аўтары індывідуальнага паведамлення, пададзенага ў Камітэт па правах чалавека ААН ад імя Алеся Бяляцкага, старшыні ПЦ "Вясна", віцэ-прэзідэнта Міжнароднай Федэрацыі за правы чалавека (FIDH), звярнуліся ў Камітэт па правах чалавека з адкрытым лістом. Антуан Бернар, Генеральны дырэктар Міжнароднай Федэрацыі за правы чалавека (FIDH), і Наталля Пінчук, жонка палітвязня Алеся Бяляцкага, просяць аб больш хуткім разглядзе Камітэтам пададзенай два гады таму скаргі.

13.06.2014 Баранавічы: прадпрымальнікі 3 ліпеня збіраюцца на Кастрычніцкую плошчу ў Мінску

На Баранавіцкім кааператыўным рынку з’явіўся план мерапрыемстваў індывідуальных прадпрымальнікаў. У ім паведамляецца, што на 30 чэрвеня а 10-й раніцы запланавана падача нулявой справаздачы ў мясцовую падатковую інспекцыю, а 1 ліпеня – наведванне гарвыканкама, на наступны дзень – біржы працы, 3 ліпеня – Кастрычніцкая плошча ў Мінску.

13.06.2014 Эксперымент. Праз колькі часу інвалід-вазочнік спыніць машыну?

Сумесна з валанцёрамі ПЦ «Вясна» вырашылі правесці эксперымент. На трасу па чарзе выйшлі тры чалавекі: дзяўчына, хлопец і інвалід-вазочнік. Колькі часу кожнаму з іх спатрэбілася, каб спыніць машыну?

13.06.2014 Брэст: чыноўнікі не адказваюць, ці будзе вырашана праблема дрэннага стану дарог

З двух атрыманых адказаў ад гарадскіх уладаў жыхары Брэста так і не даведаліся, калі вырашыцца «вечная» праблема якасці дарожнага пакрыцця каля СШ № 10. З адказаў вынікае, што згаданая дарога знаходзіцца на балансе горада як “бясхозная”, і рамонт яе -- гэта пытанне “спрыяльных умоў надвор'я”.