Праваабарончы цэнтр «ВЯСНА»

Навіны за 11 чэрвеня 2014

11.06.2014 Беларускія праваабаронцы азнаёміліся са швецкай сістэмай абароны правоў чалавека

У пачатку чэрвеня сябры Праваабарончага цэнтра “Вясна” Віктар Сазонаў з Гродна, Алесь Капуцкі з Маладзечна, Тамара Шчапёткіна з Бярозы і Святлана Лапіцкая з Жодзіна наведалі Стакгольм, каб азнаёміцца са швецкай сістэмай абароны правоў чалавека і працай швецкіх калег.

11.06.2014 Гомельскі абласны суд праігнараваў пратэст Генеральнай пракуратуры

Прэзідыум Гомельскага абласнога суда прызнаў непераканаўчымі довады намесніка генеральнага пракурора Аляксея Стука аб наяўнасці віны адміністрацыі Беларускага металургічнага завода. Адміністрацыя прамысловага гіганту каля чатырох гадоў «забывала» паведаміць прыбіральшчыцы Марыі Міраеўскай аб тым, што яна можа выходзіць на пенсію.

11.06.2014 Спартоўцаў з магілёўскага валейбольнага клубу “Тэхнапрыбор” хочуць пакінуць без заробкаў і грашовых выплат

Існуе верагоднасць таго, што ў бліжэйшы час пачнецца ліквідацыя клуба і яго прызнаюць банкрутам. Такім чынам, ніхто са спартоўцаў не атрымае ні капейкі. Адзначым, што заснавальнікамі валейбольнага клубу “Тэхнапрыбор” з’яўляюцца 10 арганізацый горада, сярод якіх магілёўскія гарвыканкам і аблвыканкам.

11.06.2014 Андрэй Палуда: вельмі важна інфармаваць людзей па тэме смяротнага пакарання

"Пытанне адмены смяротнага пакарання ў Беларусі не павінна вырашацца нейкімі штучнымі, паскоранымі тэмпамі. Грамадства "павінна да гэтага саспець", - заявіў у інтэрв`ю міністр замежных спраў Беларусі Уладзімір Макей.

11.06.2014 Працэс над журналістам Андрэем Мялешкам расцягваецца

11 чэрвеня ў судзе Кастрычніцкага раёну Гродна прайшло чарговае паседжанне па адміністрацыйнай справе ў дачыненні да журналіста-фрылансера Андрэя Мялешкі, якога вінавацяць у незаконным вырабе і распаўсюдзе інфармацыйнай прадукцыі.

11.06.2014 У Горадні судзяць за псэўданім

Судзьдзя Кастрычніцкага суду Горадні Дзьмітры Кедаль, заслухаўшы сёньня ў судзе сьведку — начальніка аддзелу прафіляктыкі Кастрычніцкага РАУС Андрэя Ганчарова, паведаміў, што суд не атрымаў даведкі з пракуратуры вобласьці, паводле якой выносілася папярэджаньне журналісту Андрэю Мялешку, і таму ня можа прыняць рашэньня.

11.06.2014 Журналіста Максіма Хлябца папярэдзілі за супрацу з замежнымі СМІ

Незалежнага журналіста Максіма Хлябца папярэдзілі за супрацу з замежнымі CМІ без акрэдытацыі. У Берасцейскай абласной пракуратуры яму паведамілі, што падставай для папярэджання сталі два артыкулы, якія з’явіліся на сайце беларускага радыё “Рацыя”.