Праваабарончы цэнтр «ВЯСНА»

Навіны за 22 сакавіка 2014

22.03.2014 ПЦ «Вясна» прэзентуе штогадовы агляд-хроніку парушэнняў правоў чалавека

Кніга “Сітуацыя з правамі чалавека ў Беларусі ў 2013 годзе” ўключае аналіз важнейшых падзеяў, якія ўплывалі на стан правоў чалавека ў краіне цягам мінулага года, а таксама найбольш яўныя і характэрныя факты парушэнняў.

22.03.2014 “Слонімскі веснік” заняўся антыпіярам

"Кто-то срывает со стендов, дверей подъездов сведения только о кандидатах, не являющихся активистами оппозиционных структур. Красуются лишь лица и биографии представителей местной организации БНФ, кампаний «Говори правду» и «За свободу»".

22.03.2014 Бяроза: пікет 25 сакавіка забаранілі за распальванне нацыянальнай варожасці (дакументы)

20 сакавіка пасля званка з райвыканкаму арганізатары пачалі рыхтавацца да пікета, а 21 сакавіка атрымалі дазвол за подпісам выконваючага абавязкі старшыні райвыканкама Міхаіла Крэйдзіча простым лістом. Але нечакана раніцай 22 сакавіка зраніцы было дастаўлена іншае рашэнне, якое адмяняла папярэдняе.

22.03.2014 Справаздача па выніках назірання за этапам перадвыбарчай агітацыі кандыдатаў у дэпутаты мясцовых Саветаў дэпутатаў

Назіранне за выбарамі дэпутатаў мясцовых Саветаў дэпутатаў Рэспублікі Беларусь дваццаць сёмага склікання ажыццяўляецца актывістаміРПГА «Беларускі Хельсінкскі камітэт» і ПЦ «Вясна» ў рамках кампаніі «Праваабаронцы за свабодныя выбары».

22.03.2014 Віталь Гуляк аспрэчвае забарону шэсця і пікета

19 сакавіка Ваўкавыскі раённы суд адмовіў Гуляку ў задавальненні скаргі на дзеянні службовай асобы Ваўкавыскага райвыканкама – намесніка старшыні райвыканкаму Уладзіміра Захарчука па дзвюх ранейшых заяўках на правядзенне шэсця і пікету. Заявы падаваліся Гуляком на 25 студзеня і на 19 лютага 2014 года. Па абедзвюх былі атрыманыя адмовы.

22.03.2014 Мінскі абласны суд разгледзіць скаргу на забарону ў Салігорску пікета да Дня правоў чалавека

Касацыйная скарга салігорскага грамадскага актывіста Уладзіміра Шылы на забарону мясцовымі ўладамі пікета да Дня правоў чалавека будзе разгледжана Мінскім абласным судом 3-га красавіка.

22.03.2014 У Бабруйску на выбары заклікаюць вулічныя агітбрыгады (фота)

Напярэдадні асноўнага дня выбараў на цэнтральных вуліцах Бабруйска можна заўважыць "мабільныя атрады" з дзесятка маладых людзей. Яны нясуць ў руках чырвона-зялёны сцяг, сцяг з надпісам "БРСМ" і "Белая Русь".

22.03.2014 У Гарадку назіральніка выдалілі з участка

Пра пазбаўленне акрэдытацыі спадара Гаравога папярэдзілі ўвечары 21 сакавіка. А 22-га ён даведаўся, ўто ягоныя правіны – гэта "знаходжанне каля стала, дзе выдаюць бюлетэні, каля кабінаў для галасавання", а таксама тое, што ён замінаў працы камісіі.

22.03.2014 Баранавічы: суд адмовіўся разглядаць скаргу кандыдата

Мікалай Чарнавус скардзіўся на тое, што выбарчая камісія зрабіла ўсё, каб свядома не дапусціць яго выступ на баранавіцкім радыё. Ён адзначыў, што тройчы -- 24, 6 і 7 сакавіка сустракаўся са спадарыняй Антонавай, і як стала яму вядома, старшыня ВК наўмысна не ўнесла яго прозвішча ў спіс кандыдатаў для выступу.

22.03.2014 Галіну Каржанеўскую пазбавілі акрэдытацыі

Каардынатар аргкамітэту па стварэнні партыі "Беларуская Хрысціянская Дэмакратыя" па Менску Галіна Каржанеўская пазбаўленая акрэдытацыі на выбарчым участку № 53 Чыгуначнай акругі № 20, дзе яна назірала ў межах кампаніі "Права выбару".

22.03.2014 Незалежнага журналіста з Берасця выклікалі ў пракуратуру

Незалежнага журналіста Яўгена Скрабца апыталі ў гарадской пракуратуры Берасця. Як распавёў Яўген, супрацоўнікаў пракуратуры цікавіла ці супрацоўнічае ён з Беларускім Радыё Рацыя: