Праваабарончы цэнтр «ВЯСНА»

Навіны за 23 студзеня 2014

Міклашэвіч: У 2013 годзе да нас не паступалі скаргі ад грамадзян праз упаўнаважаныя органы аб неканстытуцыйнасці тых ці іншых нарматыўных актаў

23.01.2014 Міклашэвіч: У 2013 годзе да нас не паступалі скаргі ад грамадзян праз упаўнаважаныя органы аб неканстытуцыйнасці тых ці іншых нарматыўных актаў

Старшыня Канстытуцыйнага суда звязвае гэта з недастатковым прававым рэгуляваннем механізму ўскоснага доступу да канстытуцыйнага правасуддзя.

23.01.2014 Жыхарка Клімавіцкага раёна просіць пакараць участковага міліцыянера за паклёп

Процістаянне законапаслухмянай спадарыні Марчанкі з мясцовымі ўладамі пачалося пасля таго, як Алена Марчанка выступіла супраць знішчэння сваіх свіней у сувязі з небяспекай распаўсюджання афрыканскай чумы свіней.

23.01.2014 Уладзімір Караленка: Над адкрытай магілай расстрэльвалі ў патыліцу без цырымоній

Пасля рэвалюцыі 1917 года пісьменнік Уладзімір Караленка працягнуў выступаць супраць смяротнага пакарання, якое асуджаў і ў лістах да Анатоля Луначарскага. Пісьменнік не атрымаў ніводнага адказу на свае шэсць лістоў да наркама асветы.

23.01.2014 Калінкавіцкія начальнікі зноў ідуць у дэпутаты

Варта заўважыць, што раённыя газеты вельмі сціпла і сцісла асвятляюць выбарчую кампанію, часта па прынцыпу «ніякіх прозвішчаў, лічбаў, канкрэтыкі». Так, сайты Брагінскай, Лоеўскай, Нараўлянскай, Чачэрскай і Хойніцкай раённых газет сцісла перадаюць афіцыйную агульнарэспубліканскую інфармацыю пра выбары са спасылкамі на ЦВК і БелТА.

23.01.2014 Камітэт па абароне журналістаў: Нападзенне на журналістаў пад час пратэстаў ва Украіне

Тысячы грамадзян Украіны сабраліся на цэнтральнай плошчы Кіева ў знак пратэсту супраць драконаўскіх законапраектаў, якія, разам з іншымі захадамі, забараняюць публічныя пратэсты, уводзяць крымінальную адказнасць за паклёп і абмяжоўваюць свабоду слова ў Інтэрнэце.

23.01.2014 Бабруйск: Старшыня свабоднага прафсаюза мае намер абвясціць галадоўку

На бабруйскім заводзе ТДіА (трактарных дэталяў і агрэгатаў) адносіны паміж адміністрацыяй і Свабодным прафсаюзам Беларускім не змяняюцца да лепшага. Суды, у якіх “свабодаўцы” адстойваюць свае правы, нярэдка становяцца на бок прафсаюзнікаў, але кіраўніцтва завода працягвае ціснуць на сябраў СПБ, сцвярджае Міхаіл Кавалькоў.

23.01.2014 На Піншчыне выбарчая кампанія пакуль адбываецца без удзелу партый

У Пінску за два тыдні рэгістрацыі ініцыятыўных груп для збору подпісаў, заявы падалі ўсяго 10 чалавек. Пададзеныя дакументы былі складзеныя адпаведна выбарчаму заканадаўству, таму Пінская гарадская тэрытарыяльная выбарчая камісія зарэгістравала ўсе атрыманыя заявы. Па Пінску сфармавана 32 выбарчыя акругі, таму кандыдатаў у дэпутаты павінна быць не менш гэтай лічбы.

23.01.2014 Брэст: дэпутаты ігнаруюць звароты выбаршчыкаў

Актывісты грамадзянскай ініцыятывы “Сацыяльны офіс” у Брэсце так і не дачакаліся адказу ад кіраўніка гарадскога Савета дэпутатаў Генадзя Масько нават пасля 15 дзён, на працягу якіх (згодна закона аб зваротах грамадзян) упаўнаважаная асоба мусіць адказаць на пытанні.

23.01.2014 Ігар Пастноў падаў заяву ў суд за абразу гонару і годнасці

Ён лічыць, што Кастрычніцкая раённая адміністрацыя абразіла яго, забараніўшы праводзіць пікет супраць міліцэйскага гвалту. Віцебскі "ўрач-праўдаруб" абвясціў, што хоча спагнаць з чыноўнікаў тры тысячы еўра за маральную шкоду, і ў выпадку перамогі ў судзе абяцае перадаць гэтыя грошы дзіцячаму дому.

23.01.2014 Тысяча дзён у няволі - акцыя салідарнасці з Міколам Статкевічам у Катавіцах

Акцыя салідарнасці з Міколам Статкевічам пройдзе ў Катавіцах. "Улады ў Беларусі баяцца галоснасці і сілы волі людзей, якіх трымаюць за кратамі, даказваюць, што ўсе пра іх забыліся. Мы не можам гэтага дазволіць", - кажа еўрадэпутат Марэк Мігальскі, які ў чацвер ладзіць акцыю салідарнасці: