Праваабарончы цэнтр «ВЯСНА»

Навіны за 2 студзеня 2014

02.01.2014 Мазыр: раённая камісія створана з чыноўнікаў, начальнікаў і дэпутатаў

Мазырская раённая выбарчая камісія створана па прынцыпу «усе – свае людзі». Калі глянуць няўзброеным вокам на спіс камісіі – дык ніякіх там начальнікаў ці чыноўнікаў няма, спрэс прадстаўнікі «ад грамадзян», «прафсаюзу», грамадскіх аб'яднанняў. Калі ж разабрацца – дык адны начальнікі, працаўнікі выканкаму ды нават і два дэпутаты раённага Савету!

02.01.2014 Брэст: у судзе будзе разгледжана скарга наконт фармавання гарадской выбарчай камісіі

“Пасля паседжання мы запыталі, чаму наш вылучэнец не быў уключаны ў склад камісіі, - распавяла Дзенісенка. – У адказ пачулі, што сябра нашай партыі ўжо быў у выбаркаме падчас мінулых выбараў у мясцовыя Саветы і зараз вырашылі аддаць перавагу іншым кандыдатурам".

02.01.2014 Бяроза: Сябра Партыі БНФ застаўся за бартом выбарчай камісіі

Суд Бярозаўскага раёна адмовіў грамадзянам у задавальненні скаргі на адмову ва ўключэнні ў склад раённай выбарчай камісіі сябра Партыі БНФ Ігара Меншыкава. На судзе прысутнічаў прадстаўнік райвыканкама -- юрыст Яўген Кашталян, які сам абраны ў выбарчую камісію, і пракурор Бярозаўскага раёна Даніла Дзярабін.

02.01.2014 У Шклоўскім райсавеце будзе 35 дэпутатаў

Колькасць выбаршчыкаў у кожнай выбарчай акругі складае ад 565 да 659 выбаршчыкаў. Раней у склад Шклоўскага райсавета папярэдніх скліканняў абіралася па 40 дэпутатаў. Зараз колькасць народных абраннікаў паменшыцца на пяць чалавек.

02.01.2014 Старшыня Брэсцкага абласнога суда не задаволіў скаргу грамадскага актывіста

Грамадскі актывіст Віктар Сырыца 2 студзеня атрымаў ліст з Брэсцкага абласнога суда за подпісам старшыні суда Тамары Сучок, у якім паведамляецца аб адмове ў задавальненні скаргі па справе Мілавідскага фэсту.

02.01.2014 Лідзія Ярмошына: новых выбараў не будзе

Старшыня ЦВК Лідзія Ярмошына адмовілася праводзіць новыя выбары дэпутата Палаты прадстаўнікоў НС РБ у Крычаўскай выбарчай акрузе № 83. Падставай для адмовы паслужыла тое, што паўнамоцты Уладзіміра Краўцова, абранага дэпутатам Палаты прадстаўнікоў ад гэтай выбарчай акругі, не спынены.

02.01.2014 Брэст: пададзена заяўка на правядзенне пікета супраць ўвядзення пошліны на аўтамабілі

З гэтай ініцыятывай да мясцовых уладаў звярнуліся брэсцкія сябры Аб'яднанай грамадзянскай партыі. Сам пікет плануецца правесці 12 студзеня на плошчы Леніна каля галоўнай елкі горада. У пікеце мяркуюць браць удзел каля 20 чалавек.