Праваабарончы цэнтр «ВЯСНА»

Навіны за 23 кастрычніка 2013

23.10.2013 У Менску «знікаюць» нацболы і знаходзяцца ў судах (адноўлена)

Яўгена Контуша даставілі ў суд Маскоўскага раёна Менска. На яго складзены пратакол па арт. 17.1 КаАП за нібыта дробнае хуліганства. Справу разглядае суддзя Юрый Сезін.

23.10.2013 Мікалай Аўтуховіч: “Я лічу дні. Засталося 176 дзён…”

Бялыніцкі журналіст Барыс Вырвіч атрымаў чарговы ліст ад палітвязня Мікалая Аўтуховіча. Перад гэтым да Барыса Вырвіча на мінулым тыдні дайшоў з вялікім спазненнем яшчэ адзін ліст ад Мікалая, у якім палітвязень паведаміў, што ён ужо адчувае сябе больш-менш нармалёва пасля нанясення сабе цялесных пашкоджанняў.

23.10.2013 Рэха летняга “свінога бунту”: улады спрабуюць ціснуць на “адмаўленца”

Аляксандр Аліхвер з Бярозы, актыўны праціўнік знішчэння свіней у Бярозаўскім раёне, пасля летніх “свіных бунтаў” быў абвінавачаны ў парушэнні санітарна-ветэрынарных нормаў. На яг быў складзены пратакол адміністрацыйнага правапарушэння, якое заключаецца ў тым, што ён нібыта не меў права ўтрымліваць свіней.

23.10.2013 Бабруйск: Судовае пасяджэнне перанесена

23 кастрычніка суддзя Наталля Чарапуха мусіла працягнуць разглядаць справу бабруйскага блогера Алега Жалнова, які судзіцца з супрацоўнікамі ДАІ, але пасяджэнне не адбылося. Перашкодай стаў недапрацаваны пратакол.

23.10.2013 Цэнтрвыбаркам не прадаставіў законапраект аб зменах у Выбарчы кодэкс прадстаўнікам БДІПЧ АБСЕ

Пра гэта стала вядома падчас сустрэчы замежных экспертаў з беларускімі праваабаронцамі. Праваабаронцаў насцярожвае таемнасць прыняцця закона, заўтра адбудзецца ўжо другое чытанне ў парламенце, аднак дакумент закона дагэтуль не прадастаўлены грамадскасці.

23.10.2013 Брэст: на аблвыканкам падалі ў суд

Адбыліся папярэднія судовыя слуханні ў справе, дзе адказчыкам выступае Брэсцкі аблвыканкам, які прыняў рашэнне пра высяленне жыхароў дома №10 па вуліцы Астроўскага. Позву ў суд падалі жыхары гэтага дома, якія лічаць незаконнымі дзеянні мясцовых чыноўнікаў.

23.10.2013 Пракурорскае папярэджанне за дзейнасць ад імя незарэгістраванай арганізацыі Аляксандру Кузьміну не адменена

Скарга грамадскага актывіста Аляксандра Кузьміна з Белаазёрска на дзеянні пракурора Бярозаўскага раёна і пракурора Брэсцкай вобласці ў абласным судзе задаволена не была. Суддзя Алена Кавальчук падтрымала рашэнне пракурораў, якія вынеслі яму папярэджанне за дзейнасць ад імя незарэгістраванай апганізцыі -- кампаніі “Гавары праўду”.

23.10.2013 Cям’я еўрапейскіх краінаў разглядае Беларусь як частку Еўропы

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.Першыя лісты-успаміны з гэтай серыі былі напісаныя ў верасні 2012 года, апошнія – у чэрвені 2013:

23.10.2013 Пракуратура Брэсцкай вобласці падтрымала свайго баранавіцкага калегу

Сябра Руху “За свабоду” Віктар Сырыца атрымаў ліст за подпісам намесніка пракурора Брэсцкай вобласці А.Ц. Тачко, у якім паведамляецца, што парушэнняў заканадаўства пры разглядзе яго звароту ў Баранавіцкую міжраённую пракуратуру не было дапушчана.

23.10.2013 У Магілёве адбыўся суд супраць адзінага месца для масавых мерапрыемстваў

22 кастрычніка ў судзе Ленінскага раёну г. Магілёва пад старшынством суддзі Валянціны Лапацінай адбыўся разгляд скаргі магілёўскіх праваабаронцаў Барыса Бухеля і Аляксея Колчына на рашэнне Магілёўскага гарвыканкаму “Аб масавых мерапрыемствах у горадзе Магілёве”.

23.10.2013 Літоўскі МЗС прайграў беларускаму антыядзернаму актывісту

Грамадска-палітычны актывіст з Астравеччыны Мікола Уласевіч атрымаў паведамленне ад свайго адваката з Літвы. Вышэйшая судовая інстанцыя гэтай краіны не задаволіла касацыйную скаргу Міністэрства замежных спраў Літвы на пастанову адміністрацыйнага суда Вільні, які сваім рашэннем прызнаў незаконнымі дзеянні адпаведных органаў Літвы па забароне Уласевічу ўезду ў Літву на тры месяцы.

23.10.2013 Экспэрты БДІПЧ цікавяцца зьменамі ў Выбарчы кодэкс

У Менску зь візытам знаходзяцца экспэрты Бюро па дэмакратычных інстытутах і правах чалавека АБСЭ. Яны правядуць сустрэчы з прадстаўнікамі Цэнтравыбаркаму і апазыцыі.

23.10.2013 Андросенка: Супраць «Эўрабачаньня» ідзе хваля гістэрычнай гамафобіі

Байкатаваць «Эўрабачаньне-2014» і забараніць трансьляцыю гэтага конкурсу ў Беларусі з-за ўдзелу ў ім Канчыты Вурст, якая прадстаўляе Аўстрыю, заклікаў у пэтыцыі на сайце сhange.org 26-гадовы Арцём Кірашоў з Барысава.