Праваабарончы цэнтр «ВЯСНА»

Навіны за 18 верасьня 2013

18.09.2013 Аляксандр Кузьмін абскарджвае пракурорскае папярэджанне ў судзе

Актывіст кампаніі “Гавары праўду” Аляксандр Кузьмін з Белаазёрска абскарджае ў судзе папярэджанне, вынесенае яму за дзейнасць ад імя незарэгістраванай арганізацыі Бярозаўскай раённай пракуратурай (за подпісам Данілы Дзярабіна) і падтрыманае Брэсцкай абласной. У судзе Ленінскага раёна Брэста прайшоў першы судовы працэс.

18.09.2013 Бярозаўскі раён: санкцыя пракурора – толькі ў адносінах да самага актыўнага

З 17 вёсак, дзе павінны былі вынішчыць свіней, толькі да аднаго нязгоднага Валерыя Білібухі прыйшлі ветэрынарныя работнікі сельгасупраўлення Ірына Сычык і Андрэй Якімчук з санкцыяй пракурора Данілы Дзярабіна шукаць свіней у хлявах з мэтай “знайсці ў хлявах сляды адміністрацыйнага правапарушэння”.

18.09.2013 Суд перанёс перагляд справы Уладзіміра Лабковіча

Прычына - выкліканы ў якасці сведкі супрацоўнік міліцыі Смаляк, якім былі затрыманыя праваабаронцы падчас раздачы паштовак з інфармацыяй пра палітвязня Алеся Бяляцкага, так і не з'явіўся на судовае паседжанне. Наступнае паседжанне прызначана на 30 верасня, пачнецца ў 09:15.

18.09.2013 Малады фронт выставіць 40 кандыдатаў на 40 акругаў у Салігорску

Маладафронтаўцы абвясцілі пра ўдзел у палітычнай кампаніі 2014 года. На думку актывістаў, гэта шанец легальна збіраць подпісы і агітаваць людзей.

18.09.2013 Арганізатары семінару «Правы студэнтаў простай мовай» запрашаюць да ўдзелу

Вы жадаеце ведаць, што такое правы студэнтаў і чаму гэта важна? Падзяліцца сваімі студэнцкімі праблемамі і зразумець, як іх можна вырашыць? Прыходзьце 28 верасня на семінар «Правы студэнтаў простай мовай» у Мінску! Заяўкі на ўдзел прымаюцца да 25 верасня.

18.09.2013 Ціск на Мікалая Аўтуховіча не спыняецца

Мікалаю Аўтуховічу 4 верасня стала вядома, што турэмным кантралёрам 27 жніўня на яго быў складзены рапарт за парушэнне правілаў унутранага распарадку папраўчай установы. Але палітвязень прынцыпова выконвае рэжым. Праз месяц у дачыненні да яго павінны былі быць пагашаны ўсе спагнанні.

18.09.2013 Крычаў: “П’янству – бой” -- не для ідэолага

У мінулым месяцы трапіў у ДТЗ, знаходзячыся за рулём уласнага аўтамабіля ў нецвярозым стане, намеснік дырэктара па ідэалогіі мясцовага УКП “Камунальнік” А. Кніга. Па інфармацыі журналістаў газеты “Вольны горад”, А. Кніга не падпарадкаваўся патрабаванням супрацоўнікаў міліцыі і паспрабаваў збегчы.

18.09.2013 Рэха прадпрымальніцкіх страйкаў у Баранавічах: спачатку аштрафавалі, а зараз папярэдзіла пракуратура

Грамадскі актывіст Мікалай Чарнавус 17 верасня атрымаў афіцыйнае папярэджанне ад пракуратуры за арганізацыю несанкцыянаваных мітынгаў баранавіцкіх прадпрымальнікаў.

18.09.2013 Бабруйск: сябры СПБ судзяцца з адміністрацыяй завода за нявыплату прэмій

17 верасня суд Бабруйскага раёна працягнуў разгляд справы аб нявыплаце грашовых прэмій сябрам пярвічкі СПБ на заводзе Трактарных дэталяў і агрэгатаў. Працоўныя дамагаюцца выплаты квартальнай прэміі – за высокую культуру вытворчасці. Яе, як сцвярджаюць пазоўнікі, не атрымалі толькі сябры СПБ.

18.09.2013 У Гародні выкладчыкаў заклікаюць перайсці на расейскую мову навучання

Новы дэкан факультэта гісторыі, камунікацыі і турызмуАляксандар Нечухрын выступіў з прапановай перайсці сваім выкладчыкам, якія заўсёды вялі навучанне па-беларуску, на расейскую.

18.09.2013 Алкаеў: «Рэзэрв» мог начапіць Пцічкіну кайданкі, але ня мусіў зьбіваць яго ботамі

Сваякі Ігара Пцічкіна, які ў жніўні паводле афіцыйнай вэрсіі памёр на «Валадарцы» нібыта ад спыненьня сэрца, кажуць, што яго забілі ахоўнікі з гэтак званага «рэзэрву». Што думаюць пра такую вэрсію былыя вязьні і прафэсіяналы, якія працавалі на «Валадарцы»?