Праваабарончы цэнтр «ВЯСНА»

Навіны за 12 верасьня 2013

12.09.2013 Канстытуцыйны Суд адмовіўся разглядаць зварот па забаронах пікетаў у Салігорску

Канстытуцыйны Суд Рэспублікі Беларусь не прыyяў да разгляду зварот салігорскага грамадскага актывіста Уладзіміра Шылы. У звароце салігорац казаў аб неканстытуцыйнасці правапрымяняльнай практыкі органаў выканаўчай улады і судоў агульнай юрысдыкцыі краіны, а таксама аб адмове ў правядзенні масавых мерапрыемстваў.

12.09.2013 Гродна: пачатак разгляду скаргі праваабаронцаў на забарону пікету ў падтрымку Алеся Бяляцкага

У Гродне 12 верасня ў судзе Ленінскага раёна прайшлі папярэднія слуханні паводле скаргі гродзенскіх праваабаронцаў Віктара Сазонава, Уладзіміра Хільмановіча і Рамана Юргеля на рашэнне гарвыканкама аб забароне пікету ў падтрымку Алеся Бяляцкага. У выніку судовы разгляд грамадзянскай справы прызначаны на 23 верасня.

12.09.2013 Улады забаранілі Марш супраць абортаў

На марш было дабраславенне галоваў праваслаўнай і каталіцкай Цэркваў у краіне — мітрапалітаў Філарэта і Тадэвуша Кандрусевіча.

12.09.2013 На аўтара відэа пра МАЗ і Курасоўшчыну завялі крымінальную справу

Міліцыя Кастрычніцкага раёну Менску завяла крымінальную справу аб парушэньні парадку адбыцьця хатняй «хіміі» супроць Руслана Мірзоева, аўтара відэаролікаў пра МАЗ і менскі мікрараён Курасоўшчына.

12.09.2013 Віцебскі абласны суд не задаволіў касацыйную скаргу Ігара Пастнова

Рашэнне суддзі Віцебскага райсуду Тацяна Дзегцяровай, якая санкцыянавала для Пастнова прымусовае псіхіятрычнае лячэнне, абласны суд пакінуў без зменаў. Разгляд скаргі прайшоў у закрытым рэжыме: на яго не дапусцілі ні журналістаў, ні праваабаронцаў, ні давераную асобу Ігара Пастнова, ні ягонага адваката.

12.09.2013 Сістэмны блок, забраны па справе віруснай атакі на сайт “Нашай Нівы”, не вяртаюць

Грамадскай актывістцы з Ляхавіч Валянціне Панфіла брэсцкія супрацоўнікі міліцыі не вяртаюць сістэмны блок амаль 2 месяцы. Пры гэтым ужо неаднойчы абяцалі яго вярнуць пасля таго, як высветлілася, што да вірусных атак на рэдакцыйныя кампутары газеты “Наша Ніва” жанчына ніякага дачынення не мае.

12.09.2013 Брэст: скарга на дзеянні мясцовых ўладаў накіравана ва ўрад

Актывіст грамадскай кампаніі “Гавары праўду!” Ігар Маслоўскі накіраваў у Савет Міністраў скаргу на бяздзейнасць брэсцкіх уладаў, якія праігнаравалі калектыўны зварот з подпісамі больш чым 1100 чалавек.

12.09.2013 Мастакі Драздоў і Пушкін паскардзіліся ў ААН

Яны вінавацяць Беларусь у моўнай дыскрымінацыі.

12.09.2013 Беларусы пад катаваньнямі прызналіся ў забойстве, якога не рабілі

Беларускія будаўнікі, якія працавалі ў Маскоўскай вобласьці, пад катаваньнямі паліцыянтаў прызналіся ў забойстве, якога не рабілі. Чаму і ў Беларусі сьледчыя надалей ужываюць катаваньні?

12.09.2013 Еўрапарламент: Аднаўленне дыялогу з Беларуссю — толькі пры ўмове вызвалення палітвязняў

Еўрапарламент на сесіі ў Страсбургу вечарам 11 верасня абмеркаваў даклад аб сітуацыі ў Беларусі.

12.09.2013 На некаторых прадпрыемствах Гомельскай вобласці яшчэ не аддалі заробак за ліпень

На нарадзе ў старшыні Гомельскага аблвыканкаму была агучана інфармацыя, што ў рэгіёне тры прадпрыемствы да гэтага часу не выплацілі працаўнікам заробак за ліпень. Без заробку засталіся супрацоўнікі Гомельскага камбінату будаўнічых канструкцый, Жыткавіцкі камбінат бытавога абслугоўвання і Лоеўскі аграсервіс.

12.09.2013 Рашэнне суда: Леаніда Дубаносава звольнілі з парушэннем закону, але на працы не адновяць

З рашэння суда вынікае, што Дубаносава звольнілі з працы з парушэннем заканадаўства (за што вынесена прыватнае вызначэнне) і ён мае падставы патрабаваць кампенсацыю нанесенай маральнай шкоды. Акрамя таго, адміністрацыя “Граніта” мусіць сплаціць прафсаюзнаму актывісту матэрыяльную дапамагу памерам 1 мільён рублёў.

12.09.2013 Магілёвец праз суд хацеў дабіцца прыёма ў губернатара

11 верасня суд Ленінскага раёна Магілёва ў асобе суддзі Валянціны Тарасавай разгледзеў скаргу на дзейнасць службовых асобаў Магілёўскага аблвыканкаму з нагоды адмовы ў асабістым прыёме ў старшыні аблвыканкама Пятра Рудніка. Суддзя палічыла, што адмова ў прыёме была абгрунтаваная.