Праваабарончы цэнтр «ВЯСНА»

Навіны за 6 верасьня 2013

06.09.2013 Беларусь – самая праблемная па свабодзе СМІ сярод краін Усходняга партнёрства

Гэта вынікае з пілотнага Індэкса свабоды медыя Усходняга партнёрства, вынікі якога былі абнародаваныя ў офісе ГА “БАЖ” 6 верасня, напярэдадні Міжнароднага дня салідарнасці журналістаў. З вынікамі даследавання знаёмяць журналістаў старшыня ГА "БАЖ" Жанна Літвіна і намеснік старшыні Андрэй Бастунец.

06.09.2013 Штраф за ўтрыманне свінней у пяцікіламетровай зоне абскарджаны ў судзе

Святлана Ліпецкая абскардзіла ў судзе Магілёўскага раёна пастанову адміністрацыйнай камісіі Магілёўскага райвыканкаму ад 30 жніўня 2013 года, паводле якой жанчыну аштрафавалі на 1,5 мільёны рублёў.

06.09.2013 Для чаго Гомельскі гарвыканкам прыняў новае рашэнне аб масавых мерапрыемствах?

Пасля прыняцця новага рашэння «з мэтай пашырэння пераліку месцаў» у Гомелі будзе дзве пляцоўкі для пікетаў і мітынгаў. Але калі ранейшая адзіная пляцоўка была хоць у некалькіх кіламетрах ад цэнтру Гомеля, гэтыя ж пляцоўкі наогул размешчаны ў такіх месцах, што цяжка і на мапе знайсці. Напэўна, гарвыканкам здзекуецца, калі піша, што рашэнне прынятае з мэтай удасканалення ўзаемадзеяння арганізатараў і органаў улады.

06.09.2013 Ігар Пастноў не давярае віцебскім медыкам і просіць перавесці яго ў Мінск

Паводле віцебскіх праваабаронцаў, якія апошнімі днямі наведалі Ігара Пастнова ў абласным цэнтры псіхіятрыі і наркалогіі, ён напісаў ужо дзьве заявы наконт пераводу ў Рэспубліканскі цэнтр псіхічнага здароўя. Але адказу Пастнову пакуль не далі.

06.09.2013 Агенцтва нацыянальнай бясьпекі ЗША можа ўзламваць пратаколы абароны інфармацыі

Паведамленьне пра гэта апублікавалі New York Times, брытанская Guardian і некамэрцыйны сайт навінаў ProPublica.

06.09.2013 Мікалай Аўтуховіч заклікае праваабаронцаў заняцца справай Аліхвера

Палітзняволены прадпрымальнік з Ваўкавыску Мікалай Аўтуховіч заклікае праваабарончыя арганізацыі ініцыяваць працэс супраць следчага па сваёй першай справе Мікалая Аліхвера. Аліхвер зараз жыве ў ЗША.

06.09.2013 Размеркаванне зямлі пад забудову аддаюць пад кантроль КДБ

Урад Беларусі ўнёс змяненні ў парадак прадастаўлення зямлі інвестарам і заключэння з імі адпаведных дамоваў. Цяпер за размеркаваннем зямлі будзе прыглядаць КДБ.

06.09.2013 Хоцімск: пададзена паўторная заяўка на правядзенне пікету супраць замежных вайсковых баз

Фармальнай падставай для забароны першага пікету каля мясцовага раённага Цэнтра культуры паслужыла тое, што да заяўкі на правядзенне пікетавання нібыта не было прыкладзена абавязальніцтва па правядзенні пікетавання ў вышэй указаным месцы.

06.09.2013 У Баранавічах збіраюць подпісы за вяртанне шыльды ў гонар кіраўніка Мілавідскай бітвы

Яшчэ 20 гадоў таму Мілавідскай сярэдняй школе (Баранавіцкі раён) было прысвоена імя Аляксандра Лянкевіча – кіраўніка аб’яднанымі атрадамі паўстанцаў 1863 года. На будынку школы была вывешана адпаведная шыльда, але цяпер яе чамусьці няма.

06.09.2013 У Магілёве забарона пікета праваабаронцаў прызнана законнай

Такое рашэнне вынес суд Ленінскага раёна Магілёва 3 жніўня 2013 года ў асобе суддзі Андрэя Юрчанкі. Праз суд праваабаронца Барыс Бухель хацеў аспрэчыць забарону пікета, а таксама прызнаць рашэнне гарвыканкама аб адзіным вызначаным месцы для правядзення масавых мерапрыемстваў у горадзе незаконным.