Праваабарончы цэнтр «ВЯСНА»

Навіны за 26 жніўня 2013

26.08.2013 Магілёўскі абласны суд пакінуў Алега Аксёнава на ўліку КДБ

Актывіст намагаўся праз суд абскардзіць прафілактычную размову, якую праводзілі з ім супрацоўнікі КДБ, сваю пастаноўку на прафілактычны ўлік у дадзенай установе, а таксама антыканстытуцыйнасць артыкула 193.1 Крымінальнага кодэкса “Аб дзейнасці ад імя незарэгістраванай арганізацыі.

26.08.2013 Бялынічы: адміністрацыйная справа Валерыя Вусіка разглядаецца паўторна

26 жніўня ў судзе Бялыніцкага раёна пачаўся паўторны разгляд адміністрацыйнай справы жыхара вёскі Лебедзянка Бялыніцкага раёна Валерыя Вусіка, які абвінавачваецца ў паклёпе на былога старшыню СВК “Лебедзянка” і незаконным распаўсюдзе незалежнай газеты “Магілёўскі Выбар”.

26.08.2013 Заўтра - разгляд касацыйнай скаргі Андрэя Гайдукова

Касацыйная скарга асуджанага за спробу ўсталяваць кантакты з прадстаўнікамі замежнай спецслужбы Андрэя Гайдукова будзе разгледжаная ў Вярхоўным судзе заўтра, 27 жніўня. Пачатак суду – у 9.30.

26.08.2013 Беларусь парушыла правы грамадзянкі Польшчы Вольгі Пічугінай

Камітэт прызнаў парушэнне пункта 3 артыкула 9 Міжнароднага пакта аб грамадзянскіх і палітычных правах – права быць дастаўленым да суддзі ў тэрміновым парадку для вырашэння пытання затрымання і рэкамендаваў беларускаму ўраду не паўтараць такіх памылак у будучым і кампенсаваць пацярпелай маральныя страты.

26.08.2013 Неспакойная раніца пасьля бяссоннай ночы

Працяг лістоў зняволенага праваабаронцы Алеся Бяляцкага, напісаных ім у бабруйскай калоніі. З блогу на “Беларуском партизане”.

26.08.2013 Суд у чарговы раз адмовіўся разглядаць скаргу родных расстралянага Уладзіслава Кавалёва

Суддзя Аксана Будоўская пагадзілася з высновамі суда Кастрычніцкага раёна Мінска аб тым, што разгляд дадзенага звароту не падведамасны агульным судам Беларусі. Па словах адваката Кавалёвай і Казяр Сяргея Галубка, у дадзеным выпадку парушана канстытуцыйнае права кожнага на судовую абарону.

26.08.2013 Працяг суду над Дзянісам Сахарам

У судзе Менскага раёна сёння ў 14-30 працягнецца разгляд адміністратыўнай справы актывіста нацыянал-бальшавісцкага руху Беларусі Дзяніса Сахара. Яго вінавацяць у непадпарадкаванні законным патрабаванням службовай асобы ( арт 23.4 КаАП РБ). Суддзя - Андрэй Бяліла.

26.08.2013 Флэш-моб супраць смяротнага пакарання ў Цурыху

Amnesty International (“Міжнародная амністыя”) зладзіла 24 жніўня ў Цурыху флэш-моб супраць смяротнага пакарання ў Беларусі.

26.08.2013 У Вілейскім раёне затрымана больш за 100 удзельнікаў фэсту Burning summer open air

Фестываль з удзелам metal-hardcore, punk і punk-hardcore-гуртоў праходзіў 24 жніўня каля вёскі Асіповічы. На яго з'ехаліся маладыя людзі з розных гарадоў Беларусі.

26.08.2013 У аператара БелаПАН Васіля Сямашкі ў міліцыі выдалілі адзняты відэаматэрыял

Відэааператара БелаПАН Васіля Сямашку адпусцілі з РУУС Кастрычніцкага раёна Мінска пасля затрымання падчас выканання службовых абавязкаў.

26.08.2013 Сёння Мінскі гарадскі суд разгледзіць скаргу родных Уладзіслава Кавалёва

26 жніўня Мінскі гарадскі суд разгледзіць скаргу маці і сястры Уладзіслава Кавалёва, аднаго з двух расстраляных па абвінавачанні ва ўчыненні тэракту ў мінскім метро, на дзеянні дзяржорганаў, якія адмаўляюцца раскрыць месца яго пахавання.

26.08.2013 30 актывістаў «Гавары праўду» затрымала міліцыя

24 жніўня ў сярэдзіне дня ўсіх, хто знаходзіўся ў менскім офісе кампаніі «Гавары праўду», затрымалі і адвезьлі для разьбіральніцтва ў Кастрычніцкі РУУС Менска.

26.08.2013 Камітэт ААН прызнаў парушэнне правоў чатырох жыхароў Брэста

Скаргу ў Камітэт па правах чалавека ААН накіроўвалі чатыры жыхара горада (Ірына Лаўроўская, Дзяніс Турчаняк, Валерый Фамінскі і Раман Кісляк). Нагодай для звароту стала тое, што мясцовыя ўлады забаранілі правядзення пікетаў па розных пытаннях, звязаных з усталяваннем помніка да 1000-годдзя Брэста.