Праваабарончы цэнтр «ВЯСНА»

Навіны за 16 ліпеня 2013

16.07.2013 Заява Праваабарончага цэнтра “Вясна” з нагоды крымінальнага пераследу В. Парфянкова і У. Яроменка

Васілю Парфянкову і Уладзіміру Яроменка пагражае да году пазбаўлення волі. У выпадку прызнання іх вінаватымі і асуджэння да фактычнага пазбаўлення волі, яны будуць прызнаны палітычнымі зняволенымі.

16.07.2013 Начальнік упраўлення унутраных спраў Брэсцкага аблвыканкама прынёс прабачэнні за “непрафесійныя дзеянні міліцыі”

Гаворка ідзе пра здарэнне, што адбылося 7 ліпеня ў Пінску, дзе мясцовыя міліцыянеры з асаблівай жорсткасцю правялі “зачыстку” вулічных гандляроў каля міні-рынку “Заходні”. Усяго, па сведчаннях відавочцаў, было затрымана каля 10 чалавек.

16.07.2013 З даклада еўрадэпутата Палецкіса: Сітуацыя з правамі чалавека ў Беларусі выклікае асцярогі

Сітуацыя з правамі чалавека ў Беларусі "застаецца сумнай і выклікае асцярогі". Пра гэта гаворыцца ў справаздачы, якую дакладчык дэлегацыі Еўрапарламента (ЕП) па Беларусі Юстас Палецкіс падрыхтаваў для Савета ЕС, Еўракамісіі і Службы знешніх дзеянняў.

16.07.2013 Васіль Сарочык працягвае змагацца зь міліцыяй

Вартаўнік аўтастаянкі Васіль Сарочык рыхтуе ў Менскі гарадзкі суд скаргу на адмову ў завядзеньні крымінальнай справы на міліцыянтаў Ленінскага РУУС Менску за катаваньні.

16.07.2013 МУС: галоўным фактарам, які правакуе рэцыдыў, з'яўляецца адсутнасць дастатковага матэрыяльнага забеспячэння

Праведзенае МУС Беларусі анкетаванне тых, хто зноў учыніў злачынства, калі выйшаў на волю, і тых, хто выправіўся, паказала, што сярод фактараў, якія правакуюць рэцыдыў, галоўнай з'яўляецца адсутнасць дастатковага матэрыяльнага забеспячэння. Так лічаць 34% апытаных.

16.07.2013 У Гомелі заяўлена вулічнае шэсце ў падтрымку Алеся Бяляцкага

15 ліпеня ў Гомельскі гарвыканкам пададзена калектыўная заяўка на правядзенне 4 жніўня ў абласным цэнтры вулічнага шэсця ў падтрымку палітычна зняволенага праваабаронцыАлеся Бяляцкага.

16.07.2013 Зміцера Каспяровіча затрымалі на мяжы

Зміцера затрымалі на мяжы па дарозе ў Вільню і пасля адвезлі ў аддзяленне міліцыі Савецкага раёна Мінску. Зміцер Каспяровіч сказаў, што пазней яго збіраюцца адправіць у ЦІП на Акрэсціна. Супрацоўнікі міліцыі паведамілі яму, што ён павінен адбыць адміністрацыйнае пакаранне, да якога быў аысуджаны некалькі гадоў таму.

16.07.2013 Суд па справе Някляева прызначаны на 25 ліпеня

Суд па справе экс-кандыдата ў прэзідэнты Уладзіміра Някляева прызначаны на 25 ліпеня. Як паведаміў Някляеў, раніцай 16 ліпеня ён атрымаў позву. Пасяджэнне пачнецца ў 10 раніцы ў судзе Ленінскага раёна Мінска.

16.07.2013 На Уладзіміра Яроменка завялі крымінальную справу

Сёння, 16 ліпеня, Уладзіміру Яроменку прад’явілі пастанову аб узбуджэньні крымінальнай справы па артыкуле 421 “Парушэньне прэвентыўнага нагляду”, датаваную 24 траўня

16.07.2013 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: крокі салідарнасці беларускіх праваабаронцаў у межах Міжнароднай акцыі ў падтрымку Дома правоў чалавека ў Варонежы і першыя рэакцыі на іх з боку варонежскіх уладаў. "Асоба. Дзяржава. Грамадства": госць рубрыкі - ініцыятар і актывіст кампаніі “За альтэрнатыўную грамадзянскую службу ў Беларусі” Міхась Пашкевіч.