Праваабарончы цэнтр «ВЯСНА»

Навіны за 3 красавіка 2013

03.04.2013 У "шпіёнскай справе" стала на аднаго падазраванага меней

Наваполацкі сябар аргкамітэту па стварэнні партыі БХД Ілля Багданаў паведаміў, што ў справе "аб здрадзе дзяржаве" ён зноў мае статус сведкі, а не падазраванага, як раней. У незаконных кантактах з замежнымі спецслужбамі вінавацяць земляка Багданава, 23-гадовага аператара прадпрыемства "Нафтан" Андрэя Гайдукова.

03.04.2013 Міністэрства юстыцыі ліквідуе «Добрую волю»

1 красавіка Вярхоўны суд пачаў разглядаць іск Міністэрства юстыцыі супраць міжнароднага грамадскага аб’яднання «Добрая воля». «Спачатку вынеслі папярэджванне, потым прыпынілі дзейнасць арганізацыі, а цяпер ліквідуюць», — расказаў «Нашай Ніве» старшыня арганізацыі Леанід Скарабагаты.

03.04.2013 Праваабаронца Сяргей Гоўша накіраваў наглядную скаргу Генпракурору

Праваабаронца Сяргей Гоўша 3 красавіка накіраваў наглядную скаргу Генеральнаму Пракурору на вызначэнне суддзі Маскоўскага р-на г. Мінска ад 31мая 2010 г. і вызначэнне судовай калегіі па грамадзянскіх справах Мінскага гарадскога суда ад 5 жніўня таго ж году.

03.04.2013 Іван Бедка і Іван Шэга тлумачэнні ў міліцыі пісаць адмовіліся

Сёння ў 11 гадзін Слонімскі РАУС наведалі сябры Слонімскага згуртавання дэмакратычных сіл Іван Бедка і Іван Шэга. У міліцыю іх запрасілі па позвах, якія ўручылі ўчора: Івану Шэгу на працы, а Івану Бедку прынеслі дамоў.

03.04.2013 Суд над Валерыем Вусікам: вынясенне прысуду зноў перанесенае

2 красавіка ў судзе Бялыніцкага раёна суддзя Аксана Загорская працягнула разгляд справы аб адміністрацыйным правапарушэнні ў адносінах Валерыя Вусіка, якое быццам бы ён здзейсніў падчас наведвання са здымачнай групай тэлежурналістаў фермы СВК “Лебедзянка”.

03.04.2013 Слонім: за Дзень Волі – у міліцыю

Кіраўніку Слонімскага згуртавання дэмакратычных сіл доктару Івану Шэгу 2 красавіка прынеслі проста на працу позву ў мясцовы аддзел унутраных спраў. Ён павінен з’явіцца ў міліцыю 3 красавіка ў 11 гадзін.

03.04.2013 На скаргу незалежнай журналісткі з Генеральнай пракуратуры адказалі адпіскай

Журналістка з Брэста Аліна Літвінчук атрымала адказ на сваю скаргу Генеральнаму пракурору РБ Аляксандру Канюку наконт вынесенага ёй напрыканцы мінулага года афіцыйнага папярэджання аб недапушчальнасці парушэння закона.