Праваабарончы цэнтр «ВЯСНА»

Навіны за 22 лютага 2013

22.02.2013 ААН пачала кампанію за бяспеку журналістаў

22 лютага Генеральны сакратар ААН Пан Гі Мун заклікаў забяспечыць бяспеку журналістаў і абвясціў пра кампанію «Дзень без навінаў», закліканую прыцягнуць увагу да журналістаў, якія церпяць ад запалохванняў, арыштаў і перасьледу.

22.02.2013 Раіса Міхайлоўская атрымала ўзнагароду "Рыцар году"

Такім чынам грамадскі рух «Абаронцы Айчыны» адзначыў дзейнасць праваабаронцы, а менавіта - арганізацыю грамадскай абароны затрыманых і асуджаных па палітычных меркаваннях, захаванне гістарычнай і юрыдычнай спадчыны беларусаў.

22.02.2013 Генеральная пракуратура: справу аб перадачы зямлі агульнага карыстання дэпутату-фермеру павінен разглядаць суд

Сваім адказам Генеральная пракуратура яшчэ больш заблытала няпростую справу, у якой вяскоўцы супрацьстаяць фермеру і просяць вярнуць назад, выдадзеную яму са шматлікімі парушэннямі мясцовай уладай у пажыццёвую арэнду, зямлю.

22.02.2013 Удзельнік Плошчы-2010 Андрэй Пазняк вызвалены ад адбыцця пакарання

Суд Фрунзенскага раёна Менска 21 лютага разгледзеў пытаньне пра умоўна-датэрміновае вызваленьне ўдзельніка Плошчы 2010 Андрэя Пазняка і вызваліў яго ад адбыцьця пакараньня. 26 траўня 2011 года Ленінскім судом Менска ён быў асуджаны да 2 гадоў “хіміі” без накіравання ў папраўчыя ўстановы.

22.02.2013 Акцыя ў падтрымку зняволеных кіраўнікоў FIDH

Наваполацкія актывісты правялі акцыю ў падтрымку міжнароднай кампаніі ў абарону Набіла Раджаба, намесніка генеральнага сакратара Міжнароднай федэрацыі за правы чалавека (FIDH), асуджанага ў Бахрэйне на два гады пазбаўлення волі за выступы ў абарону права на мірныя сходы.

22.02.2013 Мікалай Аўтуховіч: “Вельмі хочацца на мора!”

Па звестках, якія атрымалі праваабаронцы “Вясны”, палітвязень Мікалай Аўтуховіч яшчэ ў кастрычніку мінулага году атрымаў вымову нібыта за тое, што не рэагаваў на заўвагі кантралёра. Сам Аўтуховіч сцвярджае, што яму ніхто заўваг не рабіў.

22.02.2013 ЗБС правёў акцыю ў дзень роднай мовы

Для Задзіночаньня Беларускіх Студэнтаў 21 лютага не застаецца не заўважаным. Гэтым зімовым днём ЗБСаўцы выйшлі на вуліцу, каб распавесці грамадзянам пра дзень роднай мовы.