Праваабарончы цэнтр «ВЯСНА»

Навіны за 21 лютага 2013

21.02.2013 Віцебскіх актывістаў аштрафавалі за салідарнасць з палітвязнямі

Суддзя Кастрычніцкага райсуду Іна Грабоўская прысудзіла прыхільнікам стварэння БХД Станіславу Лаўрэнаву і Аляксею Кішчуку па 30 базавых велічынь штрафу, прызнаўшы іх вінаватымі ў правядзенні несанкцыянаванай акцыі. На факты парушэння правоў абодвух хлопцаў суддзя ўвагі не звярнула.

21.02.2013 Слонім: Сябры БХД патрабуюць вярнуць родную мову ў раёнку

З 1939 года Слонімская раённая газета заўсёды выходзіла па-беларуску. З прыходам у рэдакцыю рэдактара Ляшчанкі «Слонімскі веснік» амаль поўнасцю стаў выдавацца па-руску. На беларускай мове застаўся толькі загаловак газеты, і толькі адзін журналіст Васіль Афанасік піша на роднай мове.

21.02.2013 Апублікаваны гадавы агляд па свабодзе асацыяцыяў у Беларусі

Асамблея няўрадавых дэмакратычных арганізацыяў і Цэнтр прававой трансфармацыі выпусцілі гадавы агляд “Свабода асацыяцыяў і прававы стан некамэрцыйных арганізацыяў у Беларусі” за 2012 год.

21.02.2013 Бабруйскія актывісты павіншавалі палітвязняў з Днём роднай мовы вершамі

У лістах, дасланых у розныя куткі Беларусі, да палітвязняў паляцелі вершы такіх айчынных песняроў, як Уладзімір Караткевіч, Анатоль Сыс, Максім Багдановіч, Алесь Разанаў. Бабруйскія актывісты спадзяюцца, што ўсе лісты дойдуць да сваіх адрасатаў.

21.02.2013 Флэш-моб Геніка Лойкі ў Дзень роднай мовы скончыўся судом і арыштам на 5 сутак (дадаецца, фота)

17-50. Геніка Лойку абвінавацілі ва ўдзеле ў несанкцыянаваным мерапрыемстве (арт.23.34 КаАП РБ) і пакаралі арыштам на 5 сутак.

21.02.2013 Магілёў: зямля агульнага карыстання засталася за фермерам-дэпутатам

20 лютага суд Ленінскага раёна Магілёва спыніў вытворчасць па скарзе жыхара вёскі Нядашава-2 Магілёўскага раёна Зміцера Яўстратава, які, як і іншыя жыхары вёскі, хацеў аспрэчыць праз суд перадачу зямлі агульнага карыстання мясцоваму фермеру Юрыю Коршунаву.

21.02.2013 У Белаазёрску збіраюць подпісы супраць прапановы Тозіка

Сацыял-дэмакраты Берасцейскага рэгіёну выступілі супраць чарговай гучнай заявы намесніка прэм’ер-міністра РБ Анатоля Тозіка наконт платы за наведванне паліклінікі. Па словах сябра Сацыял-дэмакратычнай партыі (Грамада) Аляксандра Кузьміна з Белаазёрску, небяспечна тое, што гэтая ідэя ўжо падхоплена.

21.02.2013 У Полацку забаранілі музычную акцыю да Дня роднай мовы

Акцыя мусіла адбыцца 21 лютага каля памятнага знака літары "Ў".

21.02.2013 Журналістка з Брэста дамагаецца адмены папярэджання

Сябра ГА “БАЖ” Аліна Літвінчук накіравала скаргу Генеральнаму пракурору РБ Аляксандру Канюку наконт вынесенага ёй напрыканцы мінулага года афіцыйнага папярэджання аб недапушчальнасці парушэння закона.

21.02.2013 «Прэс-фота Беларусі» забралі ў КДБ?

Пра гэта ГА «БАЖ» паведамілі прадстаўнікі Ашмянскай мытні, куды прэс-служба арганізацыі патэлефанавала даведацца лёс альбомаў.

21.02.2013 Круглы стол па сітуацыі ў Беларусі пройдзе ў Вене ў рамках мерапрыемстваў сесіі ПА АБСЕ

Круглы стол па сітуацыі ў Беларусі пройдзе 22 лютага ў Вене ў рамках мерапрыемстваў зімовай сесіі Парламенцкай асамблеі АБСЕ.

21.02.2013 “Клапатлівая міліцыя” не дазволіла фотажурналістцы працаваць “дзеля яе бяспекі”

Фотакарэспандэнт газеты “Брестский курьер” Мілана Харытонава атрымала адказ наконт сваёй скаргі, што тычылася перашкодаў у выкананні прафесійных абавязкаў падчас футбольнай гульні, што адбылася 25 лістапада мінулага года. Патрабаванне не падыходзіць блізка “былі накіраваны на забеспячэння бяспекі” самой Харытонавай.

21.02.2013 Калегі, неабходна наша салідарнасць!

Міжнародная федэрацыя за правы чалавека (FIDH), якая не аднойчы выступала ў падтрымку беларускіх праваабаронцаў у рамках Абсерваторыі па абароне праваабаронцаў, звяртаецца да нас з заклікам падтрымаць Набіла Раджаба, нашага калегу з Бахрэйна, пазбаўленага волі за выступы ў абарону права на мірныя сходы.