Праваабарончы цэнтр «ВЯСНА»

Навіны за 11 студзеня 2013

11.01.2013 Брэст: журналістаў не пусцілі на судовы працэс іх калегі

Суддзя Маскоўскага раёна Брэста Таццяна Ісаева, спаслаўшыся на абмежаваную колькасць месцаў, праігнаравала хадайніцтва, каб на слуханнях па справе фотакарэспандэнта Міланы Харытонавай маглі прысутнічаць журналісты і ўсе жадаючыя.

11.01.2013 Мытнікі не адказалі на скаргу сябра “Справядлівага свету” Ілоны Ткачовай

Сябра партыі “Справядлівы свет” са Жлобіна Ілона Ткачова не атрымала адказу ад начальніка пункта пропуску «Новая Гута» наконт скаргі на незаконнае затрыманне на мяжы яе сям’і 6 снежня 2012 года і канфіскацыю ноўтбука і фотаапарата.

Гомельскія ідэолагі: Пад выглядам «беларускасцi», хрысціянства і бардаўскай культуры падлеткаў заманьваюць у экстрэмісцкія арганізацыі

11.01.2013 Гомельскія ідэолагі: Пад выглядам «беларускасцi», хрысціянства і бардаўскай культуры падлеткаў заманьваюць у экстрэмісцкія арганізацыі

У Гомелі прайшоў абласны семінар-нарада, на якім абмеркавалі негатыўныя з'явы, пагражаючыя падлеткам. Ідэолагі, прадстаўнікі інспекцыі па справах непаўналетніх ды іншыя «зацікаўленыя асобы» шукалі адказы на пытанне: дзе «корань зла» ў падлеткавай злачыннасці. І знайшлі!

11.01.2013 У Салігорску працягваецца высечка гарадскога лесапарку

Абаронцы салігорскага лесу атрымалі чарговую паразу ў барацьбе за здаровы навакольны асяродак. З дазволу мясцовых уладаў мінскія забудоўшчыкі высеклі апошні кавалак салігорскага лесапарку у зялёным трохкутніку паміж вуліцамі Заслонава і Казлова.

11.01.2013 Арцём Пракапенка па-ранейшаму не збіраецца прасіць пра памілаванне

Палітвязень Арцём Пракапенка патэлефанаваў бацькам з Магілёўскай калоніі акурат на праваслаўнае Раство. Падчас размовы ён паведаміў, што схапіў прастуду, але з большага адчувае сябе нармальна.

11.01.2013 Начальніка інтэрнатаў “Магілёўаблсельбуда” патрабуюць прыцягнуць да адказнасці за незаконнае выкарыстанне працы рабочых

Павел Шышоў у працоўны час незаконна выкарыстоўваў працу рабочых для рамонту ўласнай кватэры, што знаходзіцца ў доме №24 па праспекце Шмідта ў Магілёве. Спроба ўзбудзіць крымінальную справу праз міліцыю не дала вынікаў. Пасля гэтага скарга былога рабочага прадпрыемства накіравана ў Генпракуратуру.

11.01.2013 У Свабодны тэатр зноў прыходзіла міліцыя

Увечары 10 студзеня супрацоўнікі міліцыі з’явіліся на спектакль «Родныя і блізкія».

11.01.2013 Закон аб альтэрнатыўнай службе могуць зрабіць жорсткім і фармальным

Аляксандр Лукашэнка зацвердзіў план падрыхтоўкі законапраектаў на 2013 год. Адзін з іх у беларускіх рэаліях цалкам можна назваць сенсацыйным - "Аб альтэрнатыўнай службе". Аднак ёсць рызыка, што і гэтая рэформа пройдзе без удзелу грамадзянскай супольнасці.

11.01.2013 Палітвязню Дзядку дазволена толькі адно спатканне і бандэроль на год

Ужо больш за месяц палітвязень Мікалай Дзядок утрымліваецца ў крытай турме горада Магілёва. Туды яго накіравалі са Шклоўскай калоніі нібыта за злоснае парушэнне рэжыму адбыцця пакарання.

11.01.2013 Лінкявічус: Палітвязні — перашкода ў адносінах Літвы з Беларуссю

"На пытанне, што важней: правы чалавека ці грузы ў Клайпедзе, — мы не павінны так схематычна ставіцца да сітуацыі. Усё важна", - адзначыў новы міністр замежных спраў Літвы.

11.01.2013 «Белпошта» пажадала «газеце Слонімскай» распаўсюджвацца самастойна

Такі па сутнасці адказ на калектыўны зварот, які падпісалі больш за 300 жыхароў Слонімшчыны, якія жадаюць атрымліваць выданне па падпісцы або набываць у кіёсках, дала намеснік гендырэктара РУП "Белпошта" А.А. Скрыпчык.

11.01.2013 Сябра "шпіёна" Гайдукова зноў дапыталі ў КДБ

Актывіст аргкамітэта па стварэнні БХД Ілля Багданаў з канца снежня мінулага году з'яўляецца другім падазраваным у крымінальнай справе за "здраду дзяржаве", распачатай супраць яшчэ аднаго наваполацкага актывіста Андрэя Гайдукова. Следчы Алег Барысевіч вырашыў, што паказанні хлопцаў разыходзяцца, і вырашыў дапытаць іх падчас вочнай стаўкі.

11.01.2013 Магілёўскі КДБ не жадае разбірацца ў справе правядзення “Славянскага марша”

Рашэнне пра дазвол праводзіць “Славянскі марш” - не наша кампетэнцыя. Такі адказ атрымаў намеснік старшыні Беларускай сацыял-дэмакратычнай партыі (Грамады) Ігар Барысаў ад намесніка начальніка УКДБ па Магілёўскай вобласці спадара Савенкі.

11.01.2013 Беларусы пабачаць першыя ў гісторыі Чэхіі ўсеагульныя выбары прэзідэнта

Сёння, 11 студзеня, група з 40 беларускіх назіральнікаў распачне назіранне за прэзідэнцкімі выбарамі ў Чэхіі. Місія па назіранні будзе праходзіць у межах праекту «Назіранне за выбарамі: тэорыя і практыка», што падтрымліваецца недзяржаўнай арганізацыяй Belarus Watch.