Праваабарончы цэнтр «ВЯСНА»

Навіны за 21 сьнежня 2012

21.12.2012 Далучыся да віншавання палітвязняў!

Майстар народных рамёстваў, аўтар работ-выцінанак “Усеагульная дэкларацыя правоў чалавека” Вольга Бабурына запрашае наведаць дабрачынны майстар-клас па выразанні з паперы розных нескладаных узораў —сняжынак, ялінак, вазонаў, вожыкаў і іншага і па вырабе самаробных калядных паштовак. Ён адбудзецца ў суботу, 22 снежня, у 16.30 на сядзібе Партыі БНФ па адрасе: Мінск, вул.Чарнышэўскага, 3.

21.12.2012 Звольнены віцебскі лекар публічна звярнуўся да кіраўніка вобласці

Атрымаўшы дакумент пра звальненне, Ігар Пастноў запісаў відэазварот да Аляксандра Косінца. Але ў ім няма просьбы пра заступніцтва ці чагосці падобнага: звольнены лекар гаворыць пра бяспраўе медычных работнікаў, якіх можна выгнаць "як сабаку".

21.12.2012 Свіслач: працягваюцца суды і складанне пратаколаў за ўдзел у Дні памяці паўстанцаў

Працягваецца “свіслацкая карная эпапея” за ўдзел у традыцыйным Дні памяці паўстанцаў 1863 году, які прайшоў у Свіслацкім раёне 27 кастрычніка. Найбольш абсурдна выглядае сітуацыя з Валерам Кісялём, на якога складзены пратакол паводле артыкулу “незаконны ўдзел у масавым мерапрыемстве”, але якога ўвогуле не быў на фэсце ў Свіслачы і які знаходзіўся ў гэты дзень у Мінску.

21.12.2012 Брэст: беларускамоўны клас атрымаў падарункі ад дырэктара беларускай службы радыё “Свабода”

Навучэнцы беларускамоўнага 2 “Б” класа пачатковай школы № 34 горада Брэста атрымалі перад Калядамі і Новым годам ад дырэктара беларускай службы Радыё “Свабода” Алеся Лукашука падарункі -- беларускамоўныя дзённікі на будучы навучальны год, фламасцеры і іншыя вучнёўскія прыналежнасці.

21.12.2012 Дэпутат Аляксандр Юркевіч ад сустрэчы з рабочымі ўхіліўся

Не дачакаліся сустрэчы з дэпутатам Палаты прадстаўнікоў Аляксандрам Юркевічам рабочыя Адкрытага акцыянернага аб’яднання “Бярозабуд”. Больш за месяц таму яны напісалі яму зварот, дзе прасілі прыехаць на сустрэчу, каб разам з кіраўнікамі прадпрыемства і раёна, рабочымі за круглым сталом абмеркаваць далейшы лёс прадпрыемства і калектыва.

21.12.2012 У Берліне прайшла акцыя салідарнасці з беларускімі палітвязнямі

Нагодай стала два гады са дня мінулых прэзідэнцкіх выбараў. Менавіта 19 снежня 2010 адбылося масавае парушэнне правоў чалавека - на мірнай акцыі было затрымана каля 700 чалавек, дзясяткі актывістаў былі жорстка збітыя міліцыянтамі.

21.12.2012 Знакавае рашэнне ААН: зняволенне Алеся Бяляцкага прызнана адвольным, ААН патрабуе яго вызвалення і выплаты кампенсацыі

У ходзе 64 сесіі Рабочая група ААН па адвольных затрыманнях (WGAD) вынесла рашэнне, апублікаванае 23 лістапада, у якім сцвярджаецца, што заключэнне Алеся Бяляцкага, старшыні Праваабарончага цэнтра "Вясна" і віцэ-прэзідэнта Міжнароднай Федэрацыі за правы чалавека (FIDH), адвольнае і «супярэчыць артыкулу 20, параграфу 1, Усеагульнай дэкларацыі правоў чалавека [UDHR] і артыкулу 22 Міжнароднага пакта аб грамадзянскіх і палітычных правах (ICCPR)».

21.12.2012 Ідэолагі Магілёўшчыны пераконваюць, што карупцыя зніжаецца

20-га снежня ў Магілёўскай вобласці адбыўся чарговы “адзіны дзень інфармавання насельніцтва”. На гэты раз сярод тэмаў, якія асвятлялі ідэолагі шэраговым грамадзянам Магілёўскай вобласці, асноўнае месца займала “Аб стане і прымаемых мерах па процідзеянню карупцыі”.

21.12.2012 Папярэджанні і затрыманні журналістаў у 2012 годзе

ГА “БАЖ” падлічыла выпадкі, пра якія арганізацыі стала вядома на працягу года.

21.12.2012 Брэст: забароненыя пікеты за спрыянне малому памежнаму руху з Польшчай

Брэсцкі гарвыканкам адмовіў у правядзенні акцый, удзельнікі якіх мелі намер выступіць за больш хуткую рэалізацыю пагаднення аб малым памежным руху з суседняй краінай. Як паведаміў адзін з ініцыятараў пікетаў Ігар Маслоўскі, ладзіць гэтыя мерапрыемствы планавалася 21, 22 і 23 снежня каля цэнтральнага ўнівермага ў абласным цэнтры.

21.12.2012 Бялыніцкія актывісты павіншавалі палітвязняў з надыходзячымі святамі

Бялыніцкія дэмакратычныя актывісты 21 снежня адаслалі па пошце віншавальныя паштоўкі з надыходзячымі святамі Божага Нараджэння і Новага года, а таксама і лісты са словамі падрымкі ўсім беларускім палітвязням.

21.12.2012 Рубінаў: У дэкрэце № 9 няма ні парушэнні Канстытуцыі, ні элементаў прыгоннага права

20 снежня члены Савета Рэспублікі прынялі да ведама неадназначна ўспрыняты ў грамадстве дэкрэт кіраўніка дзяржавы № 9 ад 7 снежня 2012 года «Аб дадатковых мерах па развіццю дрэваапрацоўчай прамысловасці». За прагаласавалі 51 з 53 дэпутатаў, якія прысутнічалі ў зале парламентарыяў, двое не галасавалі.

21.12.2012 АГП: Дапаможам дзецям Крысціны Шацікавай, збор падарункаў

Аб’яднаная грамадзянская партыя просіць усіх неабыякавых людзей дапамагчы дзецям актывісткі АГП Крысціны Шацікавай, якая памерла 21 верасня 2012 г.

21.12.2012 Статкевіч даслаў ліст пра Плошчу: «Аднаго не магу дараваць сабе…»

Жонка Мікалая Статкевіча Марына Адамовіч размясціла пісьмо ў сацыяльных сетках.

21.12.2012 У Празе прайшла акцыя салідарнасці з беларускімі палітвязнямі (фота)

Акцыя салідарнасці з беларускімі палітвязнямі была прымеркаваная да другой гадавіны Плошчы 2010 года. Яна прайшла 20 снежня, удзел прынялі ўдзел некалькі дзясяткаў чалавек.