Праваабарончы цэнтр «ВЯСНА»

Навіны за 10 жніўня 2012

10.08.2012 Участковыя выбаркамы сфармаваныя: рэгіянальны зрэз (дадаецца)

Паводле інфармацыі ад незалежных назіральнікаў з розных рэгіёнаў краіны, ва ўчастковыя выбарчыя камісіі, фармаванне якіх завершылася 8 жніўня, прайшлі адзінкі прадстаўнікоў дэмакратычных партый і грамадскіх аб'яднанняў.

10.08.2012 Баранавічы: старшыня гарадской арганізацыі АГП ідзе на выбары

Старшыня Баранавіцкай гарадской філіі АГП Анжаліка Камбалава 9 жніўня падала ў акруговую камісію заяву ад партыі на рэгістрацыю яе ў якасці кандыдата ў дэпутаты. Яна стала трэцім прэтэндэнтам па гэтай выбарчай акрузе.

10.08.2012 Баранавічы: акруговая камісія №6 не лічыць парушэннем прымусовы збор подпісаў у працоўны час

Прэтэндэнт у дэпутаты Палаты прадстаўнікоў Рыгор Грык скардзіўся ў акруговую камісію на тое, што за праўладнага вылучэнца Аляксандра Сцяцко збіраюць подпісы вахцёры інтэрната № 6 па вуліцы Кірава, д.73/2 у працоўны час, нават не пытаючыся пашпарт.

10.08.2012 Алесь Бяляцкі: “Я – злосны парушальнік!!!”

Яшчэ ў сярэдзіне чэрвеня зьняволены кіраўнік Праваабарончага цэнтру “Вясна” Алесь Бяляцкі ў лісце да калегі Валянціна Стэфановіча па-прароцку напісаў: “Здаецца, што спагнаньні, якія я атрымаў у калоніі – не апошнія”. Новыя весткі з Бабруйску, дзе адбывае пакараньне Алесь, цалкам падцвердзілі словы праваабаронцы.

10.08.2012 У магілёўскім інтэрнаце людзей двойчы падпісалі за праўладнага кандыдата

Камендант і выхавацелька інтэрната па вуліцы Касманаўтаў, 45 двойчы прымушалі жыхара інтэрната Мікалая Залознага падпісвацца за вылучэнне ў дэпутаты пракурора Магілёўскай вобласці Эдуарда Сянкевіча. Як аказалася, першы раз подпісы збіралі не сябры ініцыятыўнай групы.

10.08.2012 Слуцк: Рэдактару раёнкі загадана пісаць пра выбары

Старшыня Слуцкага райвыканкама Уладзімір Даманеўскі папрасіў рэдактара раённай газеты "Слуцкі край" Валянціну Ражанец пісаць пра выбары. Больш за тое - публікаваць нават крытычныя матэрыялы аб ходзе парламенцкай кампаніі.

10.08.2012 «Гомельскія ведамасці» пра ўтвораныя камісіі паведамілі яшчэ да іх утварэння

Паседжанні па фармаванні УВК ва ўсіх адміністрацыях Гомеля праходзілі 8 жніўня. Сур'ёзныя людзі засядалі, абмяркоўвалі, галасавалі. Аднак «Гомельскія ведамасці» яшчэ 7 жніўня, напярэдадні паседжанняў, інфармавалі чытачоў, што камісіі ўжо ўтвораны, прычым нават назвалі лічбу – колькі людзей увайшлі ў склад участковых камісій.

10.08.2012 Скаргу збітай міліцыянтамі жыхаркі Маладэчна Менскі абласны суд не задаволіў

Менскі абласны суд разгледзеў 10 жніўня скаргу жыхаркі Маладэчна Алесі Садоўскай на парушэньні ў пратаколе адміністрацыйнага правапарушэньня, нібыта здзейсьненага ёй напачатку года.

10.08.2012 Актывісты аспрэчваюць стварэнне ўчастковых камісій у Гарадоцкім раёне

У скаргах, накіраваных у суд Гарадоцкага раёну, адзначаецца, што зацвярджэнне складу камісій, у якія не ўключылі Леаніда Гаравога (БСДП (Грамада) і Вольгу Аўтухову (Партыя БНФ), адбылося з парушэннем нормаў выбарчага заканадаўства.

10.08.2012 Зміцер Дашкевіч: “Паедзем, пакатаемся і па іншых зонах”

Зміцер піша пра цяперашнюю сітуацыю ў краіне і коратка паведамляе пра сябе: “Сёння (то бок 3 жніўня) во закрывалі крымінальную справу – цягам месяца будзе суд. Паедзем, пакатаемся і па іншых зонах”.

10.08.2012 Полацк: кандыдат ад улады наведвае працоўныя калектывы ў складзе інфармацыйна-прапагандысцкай групы гарвыканкама

Наталля Гуйвік, старшыня Полацкага гарадскога савета дэпутатаў, зарэгістравала ініцыятыўную групу па зборы подпісаў для ўдзелу ў выбарах у Палату прадстаўнікоў, актыўна наведвае найбольш буйныя прадпрыемствы Полацка ў складзе інфармацыйна-прапагандысцкай групы гарвыканкама.

10.08.2012 Жлобінская раёнка паведаміла аб утварэнні УВК, рагачоўская - маўчыць

10 жніўня Жлобінская раённая газета “Новы дзень” апублікавала рашэнне аб утварэнні УВК, а таксама першы спіс складу ўчастковых выбарчых камісій, а ў Рагачоўскім “Свабодным слове” аналагічнага рашэння няма. Тым часам абодва выданні сведчаць пра візіты ў раёны міжнародных назіральнікаў з місіі СНД.

10.08.2012 У Салігорску пройдзе першы гарадскі фэстываль праваабарончага кіно

Апроч прагляду фільмаў, плануецца дыскусія з абмеркаваннем актуальных праблем парушэння правоў чалавека ў Беларусі і ў свеце. Да ўдзелу запрошаныя мясцовыя праваабаронцы, грамадскія актывісты і палітыкі. Запрашэнне атрымаюць і ўсе прэтэндэнты ў кандыдаты па салігорскіх выбарчых акругах.

10.08.2012 Мінск: Камісія Грушаўскай акругі не падтрымала прапанову зняць абмежаванні для перадвыбарчай агітацыі

На паседжанні 9 жніўня камісія разгледзела пытанне аб зацвярджэнні спісу месцаў, дазволеных для агітацыі. Прадстаўнік “Справядлівага свету” Сяргей Вазняк прапанаваў дазволіць агітацыю па ўсёй акрузе, за выключэннем асобных, забароненых заканадаўствам, месцаў.

10.08.2012 Алег Гулак: «Назіральнікі ад БХК не патрабавалі ад камісій нічога забароненага»

Старшыня Беларускага Хельсінкскага камітэта Алег Гулак назваў заявы ЦВК аб скаргах назіральнікаў «дзіўнымі». БХК рыхтуе адказ Цэнтрвыбаркаму, у якім выказвае сваю нязгоду з заявай Ярмошынай.