Праваабарончы цэнтр «ВЯСНА»

Навіны за 6 жніўня 2012

06.08.2012 Сустрэчы салідарнасьці Алеся Бяляцкага: Алег Арлоў

Увосень 2009-га году Алесь Бяляцкі езьдзіў у Маскву на грамадзянскі працэс да кіраўніка праваабарончага цэнтру “Мемарыял” Алега Арлова, якога прэзідэнт Чачні Рамзан Кадыраў абвінаваціў у паклёпе, нагодай для чаго паслужылі заявы праваабаронцы ў сувязі з забойствам Натальлі Эсьцеміравай. А ў лістападзе 2011-га году ўжо Алег Арлоў прыязджаў у Менск на суд да Алеся Бяляцкага.

06.08.2012 На дырэктара брэсцкага ЦУМа пададзена яшчэ адна скарга

Віктар Валюшыцкі ў сваім службовым памяшканіі зладзіў некалькі сустрэч для асобаў, што прызнаныя адказнымі за жылыя дамы ў мікрараёне Рэчыца. Падчас сустрэч было выказана патрабаванне ўсяляк садзейнічаць кампаніі па зборы подпісаў выбаршчыкаў - жыхароў мікрараёна для вылучэння дырэктара ЦУМа кандыдатам у дэпутаты.

06.08.2012 Адміністрацыя універмагу «Гомель» спрабавала разагнаць пікет па зборы подпісаў

З нечаканай перашкодай сутыкнуліся 6 жніўня зборшчыкі подпісаў за вылучэнне кандыдатам у дэпутаты па Гомельскай-Цэнтральнай акрузе Міхаіла Бязносенкі, актывіста грамадзянскай кампаніі «Гавары праўду!». Пікет адбываўся ў дазволеным месцы.

06.08.2012 Праўладныя партыі вылучаюць сотні прадстаўнікоў ва УВК і - адзінкі кандыдатаў

Цэнтральная камісія па выбарах агучыла вынікі вылучэння прадстаўнікоў ва ўчастковых выбарчыя камісіі. Актыўна сябе праяўляюць праўладныя Беларуская аграрная партыя, Беларуская сацыяльна-спартыўная партыя, Рэспубліканская партыя працы і справядлівасці.

06.08.2012 “Вячэрні Мінск” дэзінфармуе выбаршчыкаў

На сайце газеты з’явілася інфармацыя, што ініцыятыўныя групы могуць распачынаць агітацыю за сваіх лідэраў.

06.08.2012 Віцебскі абласны суд не адмяніў штраф за ўлёткі пра байкот выбараў(+ відэа)

Актывісту "Маладога фронту" Яўгену Гуцалаву не ўдалося аспрэчыць рашэнне суддзі Кастрычніцкага райсуду Іны Грабоўскай, якая прысудзіла хлопцу штраф памерам у 24 базавыя велічыні. Яго абвінавацілі ў несанкцыянаваным пікетаванні за тое, што распаўсюджваў у Віцебску ўлёткі з заклікам да байкоту выбараў.

06.08.2012 На Віцебшчыне будзе 6 кандыдатаў ад "Справядлівага свету" і 4 ад Партыі БНФ

А вось актыўнасць у кампаніі "Гавары праўду" для старшыні Глыбоцкай раённай арганізацыі Партыі БНФ Яраслава Берніковіча прывяла да цалкам супрацьлеглага выніку. Партыйны з'езд большасцю галасоў адмовіў яму ў вылучэнні кандыдатам ад Партыі БНФ менавіта за актыўны ўдзел у гэтай кампаніі.

06.08.2012 Актывісты “Еўрапейскай Беларусі” правялі ў Бярозе акцыю за байкот (фота)

4 жніўня жыхары Бярозы ў шматлікіх месцах пабачылі ўлёткі з заклікамі да байкоту. У паштовых скрыньках бярозаўчан таксама з’явіліся ўлёткі пад назвай “БАЙКОТ такой уладзе!” і газеты “Выбар”. Як паведамілі актывісты, невялікая колькасць улётак была раздадзена жыхарам Пружан і Івацэвічаў.

06.08.2012 Сустрэчы салідарнасьці Алеся Бяляцкага: Натальля Эсьцемірава

Сустрэча Алеся Бяляцкага з Натальляй Эсьцеміравай, якая зьяўлялася супрацоўніцай прадстаўніцтва Праваабарончага цэнтру “Мемарыял” у Грозным, адбылася падчас семінару FIDH па міжнародным правасуддзі, што праходзіў у Тбілісі ў лістападзе 2008-га году. 15 ліпеня 2009 году вядомая праваабаронца і журналістка была выкрадзеная ў Грозным і знойдзеная забітай на тэрыторыі Інгушэціі.

06.08.2012 Cправаздача па выніках назірання: 30 ліпеня – 5 жніўня

З боку ўладаў на асобных кандыдатаў у дэпутаты, сябраў ініцыятыўных груп і назіральнікаў аказваецца ціск. Зафіксаваны перашкоды ініцыятыўным групам дэмакратычных кандыдатаў з боку афіцыйных асоб, а таксама выкарыстанне адміністрацыйнага рэсурсу ў падтрымку праўладных кандыдатаў.

06.08.2012 У Пінску подпісы збіралі пад перавернутым дзяржаўным сцягам (фота)

Два пікеты па збору подпісаў у падтрымку дзеючага дэпутата ПП НС Зінаіды Мандроўскай правялі сябры яе ініцыятыўнай групы. Уважлівыя пінчукі адразу ж заўважылі, што на стале, які выкарыстоўваўся на пікеце, стаіць перавернуты дзяржаўны сцяг Беларусі.

06.08.2012 З трох ініцыятыўных груп подпісы збірае толькі адна

У Магілёўскай сельскай выбарчай акрузе № 88 зарэгістраваны тры ініцыятыўныя групы па збору подпісаў у падтрымку вылучэння кандыдатаў у дэпутаты прадстаўнікоў. Фактычна ж збіраюць подпісы ў падтрымку толькі аднаго прэтэндэнта ў кандыдаты.

06.08.2012 Суд Маскоўскага раёна Мінска адмовіўся разгледзець скаргу праваабаронцы Алега Волчака аб закрыцці ЦІП ГУУС Мінгарвыканкама

Суддзя суда Маскоўскага раёна горада Мінска Вольга Гусакова вынесла рашэнне аб адмове ва ўзбуджэнні справы. Суддзя паказала на тое, што справа знаходзіцца не ў кампетэнцыі суда. На яе думку, ўтрыманне ў ЦІП вызначаецца правіламі ўнутранага распарадку спецыяльных устаноў органаў унутраных спраў, якія выконваюць адміністрацыйнае спагнанне ў выглядзе адміністрацыйнага арышту, зацверджаныя пастановай МУС Рэспублікі Беларусь.

06.08.2012 Барысаў: суд над Марголіным і Васільевым перанесены (дадалося відэа)

Сёння адбылося паседжанне суду над прэтэндэнтам у кандыдаты ў дэпутаты ПП НС пятага склікання па Барысаўскай гарадской выбарчай акрузе № 62 Львом Марголіным і сябрам яго ініцыятыўнай групы Міхаілам Васільевым.

06.08.2012 Пінск: Супраць кандыдата ад Партыі БНФ выкарыстоўваюць элементы чорнага піяру

Нейтральны матэрыял выклікаў незразумелую буру эмоцыяў у каментарах пад артыкулам. Невядомыя “тролі” за кароткі час пакінулі больш за 80 каментароў, у якіх вылілі тоны бруду на кандыдата ад БНФ. Акрамя таго, на імя Аляксандра Рамановіча зарэгістравана адмысловая старонка ў “Фэйсбуку”, на якой выкладзеныя кампраметуючыя яго фотаздымкі.