Праваабарончы цэнтр «ВЯСНА»

Навіны за 13 ліпеня 2012

13.07.2012 Праваабаронцы абвяшчаюць конкурс

Спяшайцеся! Усяго тры месяцы адведзена на тое, каб прадэманстраваць сваю дасведчанасць у галіне правоў чалавека і стварыць шляхам мастацкага асэнсавання гэтай ідэі мастацкую рэч. З 15 ліпеня па 15 кастрычніка ПЦ “ Вясна” ладзіць конкурс сярод моладзі (і не толькі) на прадукцыю візуальнага характару - hand-made паштоўкі для палітвязняў, а таксама ілюстрацыі, калажы, фотаздымкі, відэаролікі ды слоганы на праваабарончую тэматыку.

13.07.2012 У Яраслава Берніковіча не прынялі дакументы на рэгістрацыю ініцыятыўнай групы

13 ліпеня Яраслаў Берніковіч звярнуўся ў акруговую камісію Наваполацкай выбарчай акругі №25, каб зарэгістраваць ініцыятыўную групу па зборы подпісаў для свайго вылучэння на кандыдата ў дэпутаты парламента. Але высветлілася, што камісія нават не завяла яшчэ журналу для рэгістрацыі, і дакументы ў яго не прынялі.

13.07.2012 Прафсаюзу РЭП адмоўлена ў разглядзе скаргі на вынікі фармавання акруговых камісій

Скарга была накіравана ў суд у сувязі з тым, што ў камісіі не былі ўключаны чатыры прадстаўнікі незалежнага прафсаюза – у той час як ад праўладных прафсаюзаў прайшлі ўсе вылучэнцы.

13.07.2012 Магілёўскія ўлады запэўніваюць у высокай яўцы на выбарах

Са словаў начальніка ўпраўлення арганізацыйна-кадравай працы Магілёўскага аблвыканкама Аляксандра Сіваева, насельніцтва вобласці заўсёды дэманстравала на выбарах высокую культуру і дакладную выбарчую пазіцыю, што будзе і на гэтых выбарах.

13.07.2012 Барысаў: У новыя акруговыя камісіі - старым складам

У акруговыя камісіі Барысаўскай гарадской выбарчай акругі № 62 і Барысаўскай сельскай выбарчай акругі № 63 ўвайшлі людзі, якія амаль у поўным складзе працавалі ў тэрытарыяльнай камісіі на прэзідэнцкіх выбарах 2010 года.

13.07.2012 Жлобінская раёнка называе толькі кіраўніцтва акруговай камісіі

Жлобінская раённая газета “Новы дзень” у нумары за 13 ліпеня паведаміла пра склад камісіі па Жлобінскай выбарчай акрузе №40 - былі названыя старшыня, намеснік і сакратар сфармаванай камісіі. Пра астатніх сябраў ніякай інфармацыі не падаецца.

13.07.2012 Спявачка Ларын – Алесю Бяляцкаму: “Трымайцеся свайго сэрца і розуму!” (фота)

Пераможца “Еўрабачання-2012” шведская спявачка Ларын 13 ліпеня ў Менску сустрэлася з жонкай палітвязня Алеся Бяляцкага, праваабаронцам з “Вясны” Валянцінам Стэфановічам і незалежнымі журналістамі - каб больш даведацца пра лёс беларускіх палітвязняў і сітуацыю ў Беларусі.

13.07.2012 Школьных настаўнікаў прымусова запісваюць у праўладныя партыі

Такім чынам мінскіх педагогаў рыхтуюць да вылучэння ў назіральнікі за парламенцкім выбарамі.

13.07.2012 Супрацоўнікі ААТ «Гроднажылбуд» страйкуюць, патрабуючы павялічыць заробак

Сёння з 7 гадзін раніцы спыніліся некаторыя цэхі на будаўнічым прадпрыемстве «Гроднажылбуд». Людзі, якія атрымалі ўчора заробак, адмовіліся працаваць і запатрабавалі павысіць аклады.

13.07.2012 Мінск: хто прадстаўляе інтарэсы "грамадзянаў" у акруговых камісіях?

Біяграфіі сябраў камісій “ад групы грамадзянаў” сведчаць, што большасць з іх належыць да праўладных грамадскіх арганізацыяў ці кіраўніцтва адміністрацыі раёнаў. Яны і раней удзельнічалі ў выбарчых камісіях. Праўда, тады падавалі заяўкі ад арганізацыяў, а сёлета ўжо ад групы грамадзянаў шляхам збору подпісаў.

13.07.2012 У Магілёве адмовілі ў правядзенні пікета ў падтрымку праваабаронцы Алеся Бяляцкага

Нагодай для адмовы стала тое, што месца, дзе хацелі правесці пікет праваабаронцы, не вызначана мясцовай уладай для правядзення масавага мерапрыемства.

13.07.2012 Зацішша – на абласным узроўні

Ніводнага матэрыялу пра выбары ў Палату прадстаўнікоў не размясціў сайт абласной дзяржаўнай газеты “Гомельская праўда”. Аналагічная сітуацыя на сайтах большасці іншых дзяржаўных газет па абласцях Беларусі. Між тым, пасля абвяшчэння выбараў прайшло ўжо больш за тры тыдні.

13.07.2012 Магілёўскага актывіста Уладзіміра Трызунова прымушаюць звольніцца з працы

Актывіст дэмакратычнага руху працуе простым грузчыкам на заводзе №4 РУПП “Магілёўхлебрам”, аднак ужо меў дзве сустрэчы з ідэолагам прадпрыемства спадаром Драздом, які параіў яму звольніцца па ўласным жаданні.

13.07.2012 Хоцімскі прэтэндэнт у кандыдаты заяўляе пра ціск на сваю ініцыятыўную групу

Прэтэндэнт на вылучэнне ў кандыдаты ў дэпутаты Палаты прадстаўнікоў кардынатар кампаніі “Гавары праўду” па Хоцімскім раёне Валерый Каранкевіч кажа пра тое, што на сябраў яго ініцыятыўнай групы аказваецца ціск з боку супрацоўнікаў праваахоўных органаў і мясцовых уладных структур.

13.07.2012 Дзе будуць забароненыя пікеты па зборы подпісаў: рэгіянальны зрэз (дадаецца)

У параўнанні з прэзідэнцкай кампаніяй 2010 года, месцаў для збору подпісаў у сталіцы стала менш. Так, у спісе забароненых месцаў: тэрыторыі галоўных гарадскіх плошчаў: Кастрычніцкай, Прывакзальнай, плошчы Незалежнасці і плошчы Перамогі