Праваабарончы цэнтр «ВЯСНА»

Навіны за 28 чэрвеня 2012

28.06.2012 Афіцыйны Мінск выступае супраць увядзення мандата спецдакладчыка ААН па Беларусі

Беларусь "возьме пад увагу" меркаванні, выказаныя падчас дыскусіі ў Савеце па правах чалавека ААН, заявіў па выніках сённяшняга абмеркавання пастаянны прадстаўнік краіны пры ААН у Жэневе Міхаіл Хвастоў.

28.06.2012 Брэст: апазіцыя вылучае сваіх актывістаў у выбаркамы

У Брэсцкай вобласці апазіцыйныя партыі вылучылі 32 прадстаўніка ў акруговыя выбарчыя камісіі па выбарах дэпутатаў Палаты прадстаўнікоў. Найбольшая колькасць вылучэнцаў належыць да Беларускай партыі левых “Справядлівы свет” - 13 чалавек, з якіх чатыры вылучаныя ў абласным цэнтры.

28.06.2012 Баранавічы: грамадскі актывіст прапануе дэмакратызаваць выбарчы працэс

Віктар Сырыца накіраваў пісьмовую заяву ў Баранавіцкі гарвыканкам. Ён прапануе: 1) дзяржаўнай тэлекампаніі “Інтэкс” стварыць тэлевізійную праграму “За справядлівыя і сумленныя выбары” з удзелам грамадскасці горада, дзеючых і кандыдатаў у дэпутаты; 2) адмовіцца ад стварэння ўчастковых выбарчых камісій па прынцыпу “дырэктар – падначаленыя”.

28.06.2012 Кандыдаты ў дэпутаты выступяць у прайм-тайм

Цэнтрвыбаркам паабяцаў, што прэтэндэнтам у народныя абраннікі прадаставяць самы рэйтынгавы эфірны час - з 17.00 да 20.00 гадзінаў. Сакратар ЦВК Мікалай Лазавік падчас нарады з прадстаўнікамі СМІ ўдакладніў, што ў розных абласцях час для выступаў можа адрознівацца ў залежнасці ад колькасці акруг і колькасці зарэгістраваных па іх кандыдатаў.

28.06.2012 Цэнтр прававой трансфармацыі адзначыў сваё 16-годдзе

Пачынаючы з 1996-га года Цэнтр некалькі разоў зачынялі, яго заснавальнікаў неаднаразова выклікалі ў Вярхоўны суд і Міністэрства юстыцыі, але юрысты працягвалі даваць прававыя кансультацыі беларускім грамадзянам і НДА.

28.06.2012 Пасланне Аун Сан Су Чжы ўсім палітычным зняволеным

«Вязьні сумленьня усяго свету, я б хацела сказаць: Ніколі не адступайцеся ад сваіх прынцыпаў! Павага да чалавецтва пачынаецца з павагі да саміх сабе. Маё пасланне вам вельмі простае: калі вы паважаеце саміх сябе, не адмаўляйцеся ад сваёй барацьбы. І не думайце, што вы адны".

28.06.2012 Амністыя ў замен на ўдзячнасць ПТВ?

У №69 газеты “Магілёўскія ведамасці” з’явіўся артыкул “На свободу с рабочей специальностью”, у якім распавядаецца, што 47 зняволеных напісалі калектыўны ліст удзячнасці філіялу Магілёўскага ПТВ №15 за тое, што ў зняволенні яны здолелі атрымаць новую працоўную спецыяльнасць.

28.06.2012 “Няўжо ў наш час магчыма такое дзікунства?!”

Маці затрыманага па падазрэнні ў крадзяжы Паўла Плаксы дамагаецца, каб прайшла паўнавартасная праверка па фактах катаванняў супрацоўнікамі міліцыі ў адносінах да яе сына.

28.06.2012 Гродзенскі аблвыканкам занепакоены “прымусовай беларусізацыяй” у рэгіёне

Начальнік упраўлення культуры Гродзенскага аблвыканкама Аляксандр Вярсоцкі пацвердзіў, што ў раённыя аддзелы культуры накіроўваліся лісты папярэджвальнага характару аб недапушчэнні прымусовай беларусізацыі.

28.06.2012 Жыхары Брэста выступаюць за роспуск гарадскога савета дэпутатаў

Бо мясцовыя ўлады, без уліку меркаванняў людзей, далі дазвол на будаўніцтва аптэкі на дваровай тэрыторыі ў мікрараёне "Кавалёва" – пры тым, што побач ужо знаходзяцца тры аптэкі. А "народныя выбраннікі", да якіх людзі звярнуліся па дапамогу, не сталі на абарону інтарэсаў сваіх выбаршчыкаў.

28.06.2012 Касацыйную скаргу па справе Свярдлова разгледзяць 29 чэрвеня

Разгляд скаргі прызначаны на 15.00 ў ў Мінскім гарадскім судзе. Нагадаем, што журналіста Еўрарадыё Паўла Свярдлова затрымалі ў мінулую пятніцу, каля 10-ай гадзіны раніцы ля пад’езду яго дома.

28.06.2012 Салігорск: Рок-салідарнасць з забароненымі музыкамі

Увечары 27 чэрвеня ў Салігорску ў межах кампаніі “Рок-салідарнасць” адбылася творчая сустрэча з Пітам Паўлавым і Алегам Дземідовічам, музыкамі вядомага нон-канфармісцкага гурта N.R.M. Ініцыятары сустрэчы адзначаюць, што мэта кампаніі -- падбадзёрыць забароненых беларускіх рок-музыкаў і засароміць чыноўнікаў.

28.06.2012 Мікалай Статкевіч змешчаны ў карцар

Як стала вядома вечарам 27 чэрвеня, экс-кандыдат у прэзідэнты, палітвязень Мікалай Статкевіч 27 чэрвеня змешчаны ў карцар Магілёўскай турмы №4, паведамляе statkevich.org

28.06.2012 Праваахоўнікі зацягваюць праверку аб незаконных затрыманнях падчас канцэрту “Ежа замест бомбаў”

Праваабарончы цэнтр “Вясна” і цэнтр прававой трансфармацыі Lawtrend звярнуліся ў Следчы камітэт і Мінскую пракуратуру, звяртаючы ўвагу дзяржаўных органаў на зацягванне праверкі па факце адвольных масавых затрыманняў у кавярні “Йо-ма-йо”.