Праваабарончы цэнтр «ВЯСНА»

Навіны за 6 чэрвеня 2012

06.06.2012 Горадня: сем прысудаў за адзін дзень

У судзе Ленінскага раёну Горадні 6 чэрвеня адбыліся суды над васьмю ўдзельнікамі несанкцыянаванага пікета супраць расейскамоўных клясаў у школе з польскай мовай навучаньня. Прысуды вынесены сямі ўдзельнікам, яшчэ адно рашэньне павінны абвясьціць заўтра.

06.06.2012 Барысаў: «Мы не пячорныя людзі, мы абараняем сваё права на нармальнае жыццё» (відэаадказ)

На нядаўняй прэс-канферэнцыі старшыня Мінаблвыканкама Барыс Батура назваў пратэст жыхароў вёскі Пчэльнік Барысаўскага раёна супраць будаўніцтва смеццеперапрацоўчага завода «жаданнем жыць пры першабытнаабшчынным ладзе». Настроі і дзеянні жыхароў вёскі каментуе актывіст Алег Лыско.

06.06.2012 Ідэолаг параіла журналістам не пісаць дыскрымінацыйных матэрыялаў пра цыганоў

«Галоўным упраўленнем ідэалагічнай работы аблвыканкаму дадзены рэкамендацыі рэдакцыям рэгіянальных друкаваных СМІ вобласці аб недапушчальнасці выхаду матэрыялаў, якія носяць дыскрымінацыйны характар у адносінах да цыганскага этнасу. Дзякуем Вам за праяўленую актыўную грамадзянскую пазіцыю».

06.06.2012 У Бярозаўскім раёне толькі 17 % працаздольнага насельніцтва -- здаровае

На чарговай сесіі Бярозаўскага раённага Савета дэпутатаў было разгледжана пытанне пра стан медыцынскага абслугоўвання ў раёне. Афіцыйна высветлілася, што толькі 17 % працаздольнага насельніцтва лічыцца здаровым, не хапае 21 спецыяліста. Цікава, што прычыну цякучасці кадраў дэпутаты ўбачылі ў недапрацоўцы ідэалагічнага аддзела з маладымі спецыялістамі.

06.06.2012 Віктар Сідарэнка распавядае пра наведванне Алеся Бяляцкага ў калоніі (відэа)

Магчымасць наведаць бабруйскую калонію і асуджанага праваабаронцу з’явілася ў Віктара Сідарэнкі ў сувязі з тым, што ён з’яўляецца старшынём грамадскай назіральнай камісіі пры Галоўным упраўленні юстыцыі Магілёўскага аблвыканкама па наглядзе за месцамі пазбаўлення волі ў Магілёўскай вобласці.

06.06.2012 Незалежная суполка “Граніта”: мы – не “пятая калона”

Незалежная суполка “Граніта” не прымае ўдзелу ў палітыцы. Такі зварот у беларускія СМІ накіравалі сябры незалежнай суполкі на прадпрыемстве “Граніт” у Мікашэвічах. Справа ў тым, што дзяржаўныя сродкі масавай інфармацыі прадстаўляюць рабочых незалежнай суполкі як “пятую калону” і амаль агентамі замежных разведак.

06.06.2012 У Гародні зноў запрацаваў судовы канвеер

Першай была асуджана журналістка Гражына Шалкевіч – сумнавядомая суддзя Наталля Козел аштрафавала яе на 50 базавых велічынь (на сёння гэта 5 мільёнаў рублеў) за нібыта ўдзел у несанкцыянаванай акцыі. Сёння разглядаюцца справы яшчэ 7 чалавек, у тым ліку грамадскага актывіста Эдварда Дмухоўскага і журналісткі-аператаркі Юліі Каляды.

06.06.2012 Брэсцкая раённая “Белая Русь” нацэлена на выбары

Сябры арганізацыі ўвойдуць ў выбарчыя камісіі, будуць вылучаць і падтрымліваць сваіх кандыдатаў, у офісах “Белай Русі” будуць арганізаваны грамадскія прыёмныя для сустрэч кандыдатаў з выбаршчыкамі.

06.06.2012 Барысаў: актывіст АГП падаў у суд на Барысаўскі райвыканкам

Старшыня Барысаўскай гарадской арганізацыі Аб'яднанай грамадзянскай партыі Міхаіл Васільеў падаў пазоў у суд на Барысаўскі райвыканкам у сувязі з забаронай на правядзенне пікетаў “За сумленныя выбары без Лукашэнкі”. У Барысаве падавалася 4 заяўкі на правядзенне 15 мая пікетаў, і на ўсе атрыманыя адмовы.

06.06.2012 У Маларыце ўлады забаранілі пікет і пацікавіліся крыніцамі яго фінансавання (дакумент)

Праваабаронца Уладзімір Малей, які падаваў у Маларыцкі райвыканкам заяву на правядзенне на гэтым тыдні пікета “За сумленныя выбары без Лукашэнкі”, атрымаў адмоўны адказ ад уладаў. У лісце за подпісам намесніка старшыні райвыканкаму Вадзіма Шпетнага гаворыцца, што “у заяве неабходна указаць крыніцу фінансавання масавага мерапрыемства”.