Праваабарончы цэнтр «ВЯСНА»

Навіны за Красавік 2012

30.04.2012 У чаканні выбараў: крытыка апазіцыі ўсё часцей з’яўляецца ў рэгіянальных дзяржСМІ

“Бярэзінская панарама” змясціла артыкул Варвары Краскінай “Ціск па патрабаванні”. Чытачы даведваюцца аб гуманнасці беларускіх законаў, згодна з якімі за спробу дзяржаўнага перавароту апазіцыянеры атрымалі ўсяго 4 гады.

30.04.2012 З’яўленне і знікненне палітычных графіці ў Магілёве (фотафакт)

Надпіс “Свабоду беларускім анархістам” быў зроблены напярэдадні Радаўніцы і здолеў пратрымацца рэкордныя некалькі дзён, пасля чаго быў замаляваны камунальнікамі.

30.04.2012 У Магілёве будуць пікетаваць “За сумленныя выбары без Лукашэнкі!”

У якасці пачатку кампаніі “За сумленныя выбары без Лукашэнкі!” актывісты Аб’яднанай грамадзянскай партыі падалі две заяўкі на пікеты ў мясцовы гарвыканкам. Сярод месцаў для правядзення пікетаў пазначаны Савецкая плошча і пляцоўка каля Дыягнастычнага цэнтра.

30.04.2012 У Бярозаўцы міліцыя канфіскавала газеты “Новы час”

27 красавіка ў горадзе Бярозаўка міліцыянты затрымалі мясцовых актывістаў Партыі БНФ і Руху "За Свабоду" Сяргея Трафімчыка і Вітольда Ашурка. У іх забралі 800 асобнікаў газеты “Новы час”. Актывістаў завезлі ў мясцовы пастарунак і склалі акт пра канфіскацыю накладу газеты.

30.04.2012 Невядомыя ўзламалі электронную скрынку рагачоўскага актывіста і рассылаюць ад яго імя палітычны спам

27 красавіка на электронныя скрынкі гомельскіх апазіцыянераў, праваабаронцаў і журналістаў прыйшоў ліст ад нібыта рагачоўскага грамадскага актывіста Дзяніса Дашкевіча. У лісце быў чарговы паклёп на гомельскіх апазіцыянераў.

30.04.2012 У Оршы распачаты збор звестак пра ахвяраў сталінскіх рэпрэсій

Расстрэлы і пахаванне ахвяраў у 30-я гады адбываліся пад Оршай ва ўрочышчы Кабыляцкая Гара. Паводле краязнаўцаў, на тым месцы, якое яшчэ называюць аршанскімі Курапатамі, знаходзяцца парэшткі да 5000 чалавек, але дакладных звестак не існуе, бо паўнавартасныя даследванні на той тэрыторыі ніколі не праводзіліся.

30.04.2012 Ігар Сімбіроў на Акрэсьціна абвясьціў галадоўку

Актывіст грамадзянскай кампаніі «Гавары праўду», музыка з Асіповічаў Ігар Сімбіроў у цэнтры ізаляцыі правапарушальнікаў, што ў Менску на вуліцы Акрэсьціна 26, абвясьціў галадоўку.

29.04.2012 На сустрэчы з Мядзведзевым гаварылі пра Бяляцкага

Беларуская праблематыка закраналася на пасяджэнні Савета па правах чалавека пры прэзідэнце РФ 28 красавіка. Прэзідэнт Расіі заявіў аб непрымальнасці пераследу палітычных апанентаў.

29.04.2012 Савет пры прэзідэнце па правах чалавека просіць Мядзведзева спрыяць вызваленню праваабаронцы Алеся Бяляцкага

28 красавіка на сустрэчы з прэзідэнтам РФ Дзмітрыем Мядзведзевым у падмаскоўнай рэзідэнцыі Горкі сябры Савета па правах чалавека перадалі яму ліст з просьбай выкарыстоўваць увесь свой уплыў, каб спрыяць вызваленню ў Беларусі праваабаронцы Алеся Бяляцкага. Пад лістом паставілі свой подпіс 15 сябраў Савета.

28.04.2012 Ушанаванне ахвяраў Чарнобыля ў Магілёве (відэа)

26 красавіка грамадскія актывісты ўшанавалі памяць ахвяраў чарнобыльскай катастрофы ў Магілёве. Нажаль, сёлета падобныя акцыі па ўсёй краіне не вылучаліся значнай колькасцю удзельнікаў.

27.04.2012 Віленская прабежка Уладзіміра Малея – за свабоду Бяляцкаму (відэа)

Уладзімір Малей, праваабаронца і нястрымны марафонец з Берасця, ужо не адну дыстанцыю прабег з заклікам “Свабоду Бяляцкаму!”

27.04.2012 Сябры перадалі музычнае віншаванне Алесю Бяляцкаму да 16-годдзя “Вясны” (аўдыё)

Сёння “вясноўцы” павіншавалі свайго нязменнага кіраўніка з 16-ай гадавінай дзейнасці заснаванай ім арганізацыі. Песню пра вясну для Алеся перадалі праз "Радыё Магілёў", што вяшчае online і на хвалях 96,4 FM. У адным з сваіх лістоў Алесь напісаў сябрам, што гэтую радыёхвалю слухаюць у бабруйскай калоніі.

27.04.2012 МЗС лічыць беларусаў дастаткова абароненымі ад гвалтоўных знікненняў

МЗС лічыць, што Беларусі няма неабходнасці далучацца да Міжнароднай канвенцыі па абароне ўсіх асоб ад гвалтоўных знікненняў, паколькі яе палажэнні рэалізаваны ў заканадаўстве РБ. МЗС адзначае таксама, што крымінальнае заканадаўства РБ і практыка яго прымянення базуецца на строгім захоўванні гарантыі абароны ад крадзяжу людзей, за якім наступае іх знікненне.

27.04.2012 Справаздача па назіраньні за масавым мерапрыемствам 26 красавіка 2012 г. “Чарнобыльскі шлях”

“Чарнобыльскі шлях” насіў мірны характар, нягледзячы на праявы гвалту з боку невялікай колькасьці яго ўдзельнікаў. Таксама з боку міліцыі мелі месца беспадстаўныя затрыманьні ўдзельнікаў акцыі. Гэта з’яўляецца недапушчальным і сведчыць, што падчас акцыі незаконна абмяжоўвалася права грамадзян на мірныя сходы.

27.04.2012 Суды за “Чарнобыльскі шлях”

Уладзімір Яроменак атрымаў 7 сутак арышту. Зміцер Крэмянецкі запатрабаваў адваката. Суд перанесены на 28 красавіка. Суддзя Дзмітрый Паўлючэнка пакараў яго арыштам таксама на 7 сутак. Рамана Васільева вярнулі са шпіталю і асудзілі на 15 сутак. Мікола Дземідзенка асуджаны на 15 сутак арышту. Суддзя Дзмітрый Паўлючэнка. Міхаіл Мускі - суддзя Аксана Рэлява, 15 сутак арышту.