Праваабарончы цэнтр «ВЯСНА»

Навіны за Сьнежань 2011

29.12.2011 Беларускую рэспубліканскую ЛГБТ-арганізацыю не зарэгістравалі

Заснавальнікі беларускай арганізацыі па абароне правоў геяў, лесбіянак, бісэксуалаў і трансгендараў атрымалі ліст з Міністэрства юстыцыі Рэспублікі Беларусь аб адмове ў дзяржаўнай рэгістрацыі моладзевага праваабарончага грамадскага аб’яднання.

29.12.2011 Баранавіцкі актывіст Мікола Чарнавус выкліканы ў міліцыю

Участковы наведаў грамадскага актывіста і прадпрымальніка Міколу Чарнавуса дома і паведаміў, што той павінен з’явіцца ў міліцыю з дакументамі Грамадскага аб’яднання ўкраінцаў “Кобзарь” нібыта ў сувязі са здзяйсненнем актывістам нейкага самаўпраўства адносна аб’яднання.

29.12.2011 Магілёўскі абласны суд не задаволіў скаргу Андрэя Падаляка

Сёння, 29 снежня, Магілёўскі абласны суд не задаволіў скаргу бабруйскага актывіста “Моладзі БНФ” Андрэя Падаляка. Нагадаем, што Ленінскі раённы суд прызнаў яго вінаватым у парушэнні грамадскага парадку. Судзя Станіслаў Шандаровіч пакараў хлопца штрафам у памеры 525 тысяч рублёў (15 базавых велічынь).

29.12.2011 Салігорск: Салідарнасць з палітвязнямі

Жыхары і грамадскія актывісты Салігорску працягваюць выказваць сваю салідарнасць з беларускімі вязнямі сумлення. У апошнія дні ў горадзе зноўку з’явіліся партрэты палітыкаў і грамадскіх актывістаў, кінутых за краты за палітычных матывах.

29.12.2011 «Свабоду Статкевічу» -- на доце пад Наваполацкам (фота)

На доце пад Наваполацкам з’явіўся бел-чырвоны надпіс “Свабоду Статкевічу”, які добра відаць з бліжэйшай дарогі.

28.12.2011 У Бабруйску будуць збіраць подпісы за адмену смяротнага пакарання

Ужо ў пачатку студзеня ў Бабруйску пачнецца збор подпісаў за адмену смяротнага пакарання. Каардынаваць працэс будзе малады сябра БХД Максім Рыжкевіч. МБХД вырашылі пачаць збор подпісаў за мараторый на смяротнае пакаранне каб данесці да ўладаў, што насмрэч шмат беларусаў выступаюць за пазітыўныя змены ў заканадаўстве.

28.12.2011 Год таму была створана Міжнародная назіральная місія

27 сьнежня споўніўся год з моманту стварэння Міжнароднай назіральнай Місіі Камітэту міжнароднага кантролю за сітуацыяй з правамі чалавека ў Беларусі.

28.12.2011 Адмовіўся ад дактыласкапіі - плаці штраф

700 тысяч рублёў штрафу за адмову ад дактыласкапіі атрымаў жыхар горада над Бугам Віталь Казакоў. Ён адмовіўся ад такой працэдуры з рэлігійных перакананняў.

28.12.2011 БХК звярнулася ў камісію па пытаннях памілавання пры Прэзідэнце

Старшыня РПГА «Беларускі Хельсінкскі камітэт» Алег Гулак звярнуўся ў Камісію па пытаннях памілавання пры Прэзідэнце Рэспублікі Беларусь з просьбай аб запрашэнні прадстаўніка БХК на паседжанне Камісіі.

28.12.2011 Брэст: віншаванні для палітвязняў

Як паведаміў старшыня абласной арганізацыі АГП Мікалай Коўш, акрамя віншаванняў у лістах гучаць словы салідарнасці, падзякі і падтрымкі да гэтых мужных людзей. “У гэтых віншаваннях жыхары Брэста выказваюць упэўненасць, што 2012 год будзе годам вызвалення не толькі палітвязняў, але і свабоды для ўсяго беларускага народа”, - паведаміў Коўш.

28.12.2011 Кіраўнік незалежнай прафсаюзнай суполкі аспрэчвае забарону пікета

У судзе Ленінскага раёна Брэста прайшло папярэдняе судовае паседжанне, падставай для якога была скарга кіраўніка рэгіянальнай суполкі Свабоднага прафсаюза Беларускага Валянціна Лазарэнкава на дзеянні мясцовага гарвыканкама, які забараніў пікет пад дэвізам “За годную працу!”

28.12.2011 Салігорцы збіраюцца мітынгаваць за хрысціянскія каштоўнасці

Заяўка на правядзенне мітынгу ў абарону хрысціянскіх каштоўнасцяў у сталіцы шахцёраў пададзена мясцовым актывістам БХД Уладзімірам Шылам. Па словах заяўніка, на мітынгу плануецца знайсці адказ на пытанне “чым ёсць хрысціянскія каштоўнасці ў жыцці беларуса” і выказаць сваё стаўленне да крывадушша дзяржавы ў адносніх да гэтых каштоўнасцяў.

28.12.2011 Крэсла з выявай Алеся Бяляцкага на прэзентацыі ў Баку (ФОТА, ВІДЭА)

27 сьнежня падчас прэзентацыі штогадовай справаздачы за 2011 год Абсерваторыі па абароне праваабаронцаў у Баку прадстаўнікі Праваабарончага Цэнтра Азербайджана выставілі сімвалічнае крэсла з выявай арыштаванага віцэ-прэзідэнта FIDH і старшыні Праваабарончага Цэнтра «Вясна» Алеся Бяляцкага.

27.12.2011 Справу збітай міліцыянтамі пенсіянеркі-“хуліганкі” Менгарсуд накіраваў на новы разгляд

Праваабаронцы лічаць, што накіраваная на новы разгляд адміністратыўная справа жыхаркі Менску Святланы Вяргейчык будзе спыненая, аднак раяць ёй па-ранейшаму патрабаваць прыцягнення да адказнасці супрацоўнікаў міліцыі.

27.12.2011 Каму, насамрэч, «уезд забаронены» ў Сінявокую?

З кожным годам усё большую частку тых, каму забаронены уезд у Беларусь, складаюць не тэрарысты і злачынцы, а тыя, хто крытыкуе існуючы рэжым, альбо можа данесьці іншаму свету дакладную інфармацыю пра становішча з правамі чалавека ў нашай краіне. Гэта вельмі выразна заўважна цягам апошняга году,