Праваабарончы цэнтр «ВЯСНА»

Навіны за 27 кастрычніка 2011

27.10.2011 У Малчанава прайшоў другі ператрус за суткі

27 кастрычніка да шасці вечара працягваўся другі за суткі ператрус у доме Аляксандра Малчанава. Першы міліцыянты правялі ноччу, адразу пасля затрымання былога палітвязня. А другі, санкцыянаваны пракурорам, праводзіўся ўжо пасля таго, як Барысаўскі суд вынес рашэнне аб дзесяці сутках арышту для Аляксандра.

27.10.2011 На Віцебшчыне квітнее махлярства, а міліцыянты нічога не робяць

Да такой высновы прыйшоў памочнік Прэзідэнта, галоўны інпектар па Віцебскай вобласці Мікалай Дамашкевіч. Ён прыязжаў на прыём грамадзянаў, і людзі распавялі яму пра свае марныя звароты ў міліцыю.

27.10.2011 У Слоніме аштрафавалі Івана Шэгу

27 кастрычніка кіраўніка слонімскай суполкі БНФ Іван Шэгу выклікалі ў аддзяленне ДАІ Слонімскага РАУС, дзе аштрафавалі на 35 тысяч беларускіх рублёў за тое, што ён нібыта 8 кастрычніка, едучы са Слоніма ў Менск, размаўляў па мабільным тэлефоне.

27.10.2011 У Гомелі Іллю Міронава асудзілі таемна

Адметнасць суда была ў тым, што нікога, нават маці актывіста, не пусцілі на паседжанне. Міліцыянеры на вахце падманвалі сяброў, якія прыйшлі ў суд падтрымаць Іллю. Актывіста пакаралі арыштам на 10 сутак за падрыхтоўку Народнага сходу, які мае адбыцца 12 лістапада.

27.10.2011 Самавольства гарадзенскіх судовых “законнікаў”

Да Міхаіла Васільева, удзельніка акцыі маўклівага пратэсту 3-га ліпеня, без папярэджання ўварваліся ў дом судовыя выканаўцы і сталі забіраць маёмасць. Прытым “прадстаўнікі закону” не паказалі аніякіх дакументаў, якія б пацвярджалі іх паўнамоцтвы, а проста хапалі тое, што маглі хутка вынесці.

27.10.2011 Праваабаронцу Рамана Юргеля правакуюць

У ноч з 26 на 27 кастрычніка была здзейснена правакацыя ў дачыненні да праваабаронца з Гародні Рамана Юргеля. У дзверы пазваніла жанчына, якая не прадставілася. Яна заявіла, што з'яўляецца супрацоўніцай міліцыі і просіць адчыніць дзверы, каб праз хатні тэлефон выклікаць “своих ребят – сотрудников милиции, чтобы они разобрались”.

27.10.2011 Барысаў: суд над зборшчыкам подпісаў за НС перанеслі на два тыдні

27 кастрычніка ў Барысаве прайшло судовае паседжанне ў дачыненні да зборшчыка подпісаў за правядзенне Народнага сходу Мікалая Ільюшонка. Падставай для судовага разбіральніцтва стаў інцыдэнт, які адбыўся яшчэ 21 верасня.

27.10.2011 Малчанаў “стварыў аварыйную сітуацыю, лаяўся матам і не падпарадкоўваўся міліцыянтам”

Суддзя Барысаўскага раённага суда вынес рашэнне аб арышце былога палітвязня Аляксандра Малчанава з-за непадпарадкавання супрацоўнікам міліцыі. На пасяджэнні была агучана даволі цікавая версія паводзін Малчанава.

27.10.2011 Фотафакт. Крэсла Алеся Бяляцкага на прэс-канферэнцыі ў Нью-Йорку

Падчас прэс-канферэнцыі, прысьвечанай прэзентацыі гадавой справаздачы Абсерваторыі па абароне праваабаронцаў , якая прайшла 24 кастрычніка ў Нью-Йорку, арганізатары размясьцілі ў прэзідыюме пустое крэсла, якое сімвалізавала прысутнасьць на мерапрыемстве Алеся Бяляцкага.

27.10.2011 Грамадскі актывіст з Кіраўска здолеў знайсці працу толькі ў Расіі

Грамадскі актывіст з Кіраўска Аляксандр Баран, які быў звольнены з працы пасля прэзідэнцкіх выбараў 2010 года, так і не здолеў уладкавацца на працу ў сваім раёне. Для таго, каб неяк забяспечыць сабе існаванне, ён паехаў працаваць на будоўлі ў Расійскую Федэрацыю. Гэта пры тым, што некалькі год таму Аляксандр перанёс інсульт.

27.10.2011 Уладзіміра Лемеша дапыталі па справе пра падпал Дома правасуддзя

"Дзіўным чынам гэтая іх актыўнасць супала са стартам новай хвалі штодзённых акцый Салідарнасці з палітзняволеннымі, распачатай “Еўрапейскай Беларуссю”, - кажа Уладзімір Лемеш. - Новы допыт быў толькі фармальнасцю, бо на тыя ж пытанні я ўжо даваў адказы следству раней".

27.10.2011 Праваабаронцу Рамана Юргеля незаконна турбуе абласны суд

Нечаканыя праблемы з Гарадзенскім абласным судом напаткалі сябра Беларускага Хельсінкскага Камітэту Рамана Юргеля. Узніклы юрыдычны казус ён тлумачыць псіхалагічным пераследам за яго прааабарончую дзейнасць.