Праваабарончы цэнтр «ВЯСНА»

Навіны за 7 кастрычніка 2011

07.10.2011 Слонімскіх актывістаў папярэдзілі

Памочнік пракурора спадарыня Кароль папярэдзіла Івана Бедку аб недапушчальнасці падрыхтоўкі да здзяйснення дзеянняў, якія парушаюць нормы закона “Аб масавых мерапрыемствах у Рэспубліцы Беларусь”. Падобнае папярэджанне атрымаў і актывіст Слонімскай суполкі БНФ Іван Шэга.

07.10.2011 Брэсцкага актывіста АГП папярэдзілі ў пракуратуры

Пракуратура Брэсцкай вобласці 7 кастрычніка вынесла папярэджанне Уладзіміру Вуеку, які зараз выкановае абавязкі старшыні абласной арганізацыі Аб'яднанай грамадзянскай партыі, а таксама ўваходзіць у склад аргкамітэта Народнага сходу.

07.10.2011 Народны сход у Салігорску будуць “глушыць” афіцыйнымі мерапрыемствамі

Шэраг афіцыйных культурна-масавых мерапрыемстваў запланваны ў Салігорску 8-га кастрычніка а 13-й гадзіне. Дзіўным чынам час іх правядзення супаў з часам правядзення апазіцыйнага Народнага сходу на стадыёне “Будаўнік”.

07.10.2011 Наваполацк: Арганізатара Народнага сходу Яўгена Парчынскага папярэдзілі

Паколькі Парчынскі з паплечнікамі збіралі ў Наваполацку подпісы за правядзенне Народнага сходу, пракурор абвясціў, што «несанкцыянаваным» ён будзе прызнаны ў тым выпадку, калі за яго правядзенне выказалася менш за 10% жыхароў горада.

07.10.2011 Затрыманы журналіст сайту westki.info, які збіраў матэрыялы да артыкула пра Народны сход

Незалежны журналіст Кастусь Шыталь кіраваўся ў Дзісну “аўтастопам”, і машыну, у якой ен ехаў, спынілі супрацоўнікі міліцыі. Хлопцу заявілі, што ён падобны да злодзея, які рабуе машыны на дарозе Глыбокае-Шаркоўшчына.

07.10.2011 Яшчэ адзін брэсцкі актывіст пакараны за распаўсюд інфармацыі пра Народны сход

Суд Ленінскага раёна Брэста аштрафаваў сябра Беларускай партыі левых "Справядлівы свет" Вадзіма Рабцэвіча на дзве базавыя велічыні. Віна актывіста апазіцыйнай партыі палягала ў тым, што ён расклейваў улёткі пра Народны сход, які мусціць адбыцца 8 кастрычніка.

07.10.2011 Дактыласкапіяй не абыйдзецеся: Віктара Калесніка выклікалі і ў пракуратуру

Віктара Калесніка, арганізатара Народнага сходу ў Полацку, выклікалі ў пракуратуру, каб афіцыйна папярэдзіць "аб недапушчальнасці падрыхтоўкі да здзяйснення дзеянняў, якія парушаюць нормы Закона Рэспублікі Беларусь «Аб масавых мерапрыемствах у РБ ".

07.10.2011 Пракуратура пагражае адміністрацыйнай адказнасцю за арганізацыю Народнага сходу ў Віцебску

Ірыне Яскевіч уручылі запрашэнне ў пракуратуру Кастрычніцкага раёну, падпільнаваўшы яе каля дзвярэй кватэры. Падчас гутаркі ёй было сказана, што Народны сход – гэта не санкцыянаваная ўладамі акцыя, а таму актывістку папярэджваюць аб адміністрацыйнай адказнасці за арганізацыю і правядзеньне імпрэзы.

07.10.2011 У Мастах да затрыманняў далучылася ДАІ

У Мастах сёння супрацоўнікі дарожнай аўтаінспекцыі затрымалі актывіста рэгіянальнага Руху”За свабоду” з Бярозаўкі Лідскага раёну Сяргея Трафімчыка. Міліцыянты патлумачылі затрыманне машыны Трафімчыка тым, што нібыта яна знаходзіцца ў вышуку, а яго самога выклікалі на заўтра ў Мастоўскі РАУС.

07.10.2011 У Оршы арганізатараў Народнага сходу папярэдзілі

Старшыня аргкамітэта па правядзенні Народнага Сходу ў Оршы Мінай Карніенка і сябра гэтага ж аргкамітэта Мікалай Дзямідаў, якія прадстаўляюць Аршанскую арганізацыю партыі «Справядлівы свет», 7 верасня па тэлефоне атрымалі запрашэнне з'явіцца ў Аршанскі ГАУС.

07.10.2011 Школьнікі Полацка абавязаны правесці заўтрашнюю суботу ў школе

Полацкі аддзел адукацыі «рэкамендаваў» школам горада зрабіць заўтрашні суботні дзень «падоўжаным» для школьнікаў. Фактычна, дзеці абавязаны будуць правесці ў школе час з раніцы і да двух гадзін дня.

07.10.2011 У Бярозе Народны сход адменены

У Бярозе на паседжанні каардынацыйнай рады была адменена падрыхтоўка да Народнага сходу. Аб прычыне гэтага рашэння паведаміў каардынатар па падрыхтоўцы масавай акцыі Сяргей Аліхвер.

07.10.2011 На месцы правядзення Народнага сходу ў Гомелі адбудзецца кірмаш

Гомельскія ўлады вырашылі на адзінай пляцоўцы, дазволенай для правядзення масавых мерапрыемстваў, правесці 8 кастрычніка кірмаш па продажу сельскагаспадарчай прадукцыі. Тым часам менавіта на гэтай пляцоўцы было запланавана правядзенне Народнага сходу.

07.10.2011 У Камітэце ААН па правах чалавека зарэгістраваны скаргі гомельскіх дэмакратычных актывістаў

У Камітэце ААН па правах чалавека зарэгістраваны скаргі гомельскіх дэмакратычных актывістаў Васіля Палякова і Анатоля Паплаўнага. “Адпаведнае паведамленне яны атрымалі з Камітэта. У паведамленні гаворыцца пра рэгістрацыю скаргі і тое, што яна накіравана ўраду Беларусі для дачы каментарыя”, - паведаміў праваабаронца Леанід Судаленка, які дапамагаў рыхтаваць заявы ў міжнародную структуру.

07.10.2011 Уладзімір Шанцаў абскарджвае папярэджанне пракуратуры

Кіраўнік абласной арганізацыі Аб’яднанай грамадзянскай партыі і сябра аргкамітэту па падрыхтоўцы Народнага сходу ў Магілёве Уладзімір Шанцаў абскардзіў афіцыйнае папярэджанне раённай пракуратуры.