Праваабарончы цэнтр «ВЯСНА»

Навіны за 8 верасьня 2011

08.09.2011 “Супраўцы” вярнулі кампутары “вясноўцам”, аднак іх перададуць у дзіцячы дом

Праваабаронцам з ПЦ “Вясна” нарэшце вярнулі сканфіскаваныя пад час ператрусу 19 сьнежня 2010 года кампутарную тэхніку, носьбіты памяці, дыскі і касэты. Тэхніка вернутая 8 верасьня ў поўным аб’ёме, яе тэхнічным станам зараз зоймуцца адмыслоўцы.

08.09.2011 Заява ПЦ "Вясна" аб умовах дыялогу з уладамі Беларусі

Праваабарончы цэнтр “Вясна” лічыць, што пачынаць перамовы немагчыма без неадкладнага і безумоўнага вызвалення і поўнай рэабілітацыі ўсіх палітзняволеных, у тым ліку -- прыгавароных да пазбаўленна волі ўмоўна ці з адтэрміноўкай выканання прысуду, а таксама аднаўлення на працы рэпрэсаваных адвакатаў.

08.09.2011 Бандарэнку вылучылі на прэмію Сахарава

Пра вылучэнне агенцтву БелаПАН паведаміла жонка каардынатара "Еўрапейскай Беларусі" Змітра Бандарэнкі Вольга. Кандыдатуру палітвязня на адну з самых важкіх праваабарончых прэмій свету падаў польскі дэпутат Марэк Мігальскі.

08.09.2011 Някляева зноў будуць судзіць

9 верасьня былога кандыдата на прэзыдэнта Ўладзімера Някляева выклікаюць у суд Ленінскага раёну Менску. "У судовай позьве сказана, што я павінен зьявіцца ў суд для "ўсталяваньня дадатковых абмежаваньняў", — кажа палітык.

08.09.2011 Аршанская міліцыя адмовілася ахоўваць пікет у падтрымку Бяляцкага

Праваабаронцы Васіль Леўчанкаў і Васіль Берасьнеў плянавалі правесьці пікет 16 верасьня, але ім не ўдалося заключыць дамову зь міліцыяй, каб тая ахоўвала парадак падчас імпрэзы.

08.09.2011 Гомельскія праваабаронцы скардзяцца ў пракуратуру, што Бяляцкага адмовіліся выпусьціць пад заруку

Праваабаронцы Гомеля 8 верасьня накіравалі скаргу ў Менскую гарадзкую пракуратуру. Яны дамагаюцца скасаваньня пастановы ўправы Дэпартамэнту фінансавых расьсьледаваньняў Камітэту дзяржкантролю ў Менску й Менскай вобласьці, паводле якой нібыта нельга задаволіць хадайніцтвы на вызваленьне Алеся Бяляцкага з-пад варты пад асабістую заруку.

08.09.2011 Алег Гулак накіраваў скаргу на адмову следчага УДФР

Старшыня РПГА «Беларускі Хельсінкскі Камітэт» Алег Гулак накіраваў скаргу ў суд Першамайскага раёна г. Мінска на пастанову следчага Упраўлення Дэпартамента фінансавых расследаванняў аб адмове ў змене меры стрымання ў дачыненні да Алеся Бяляцкага з заключэння пад варту на асабістае даручальніцтва.

08.09.2011 Праект «Назіранне за выбарамі: тэорыя і практыка» абвяшчае дадатковы набор

Belarus Watch, Еўрапейскі гуманітарны універсітэт (ЕГУ) і Беларускі Дом правоў чалавека ў выгнанні ў Вільні (ДПЧ) абвяшчаюць дадатковы прыём заявак на ўдзел у праекце «Назіранне за выбарамі: тэорыя і практыка» («Election Observation: Theory and Practice», EOTP) ў 2011 годзе.

08.09.2011 Мінгарсуд адмовіў у скарзе маці палітвязня

Мінскі гарадскі суд пакінуў без змены прысуд Алене Ліхавід, маці палітвязня Мікіты Ліхавіда. Жанчына была асуджаная на 10 сутак адміністрацыйнага арышту за удзел у несанкцыянаванай акцыі 20 ліпеня — гэтак званай акцыі «маўклівага пратэсту». Асудзіла маці палітвязня суддзя Вайтэховіч з Цэнтральнага суда Мінска.

08.09.2011 Міліцыя зноў вінаваціць праваабаронцу ў лаянцы

Маёр Уладзіслаў Шукель склаў на яго новы адміністрацыйны пратакол паводле артыкула 17.1 — «дробнае хуліганства». А выявілася гэтая «хуліганская драбяза» ў тым, што праваабаронца 3 ліпеня пасьля маўклівай акцыі «Рэвалюцыя праз сацыяльную сетку» нібыта «выказваўся нецэнзурнай лаянкай, на заўвагі супрацоўнікаў міліцыі не рэагаваў, чым парушыў грамадзкі парадак і спакой грамадзян». Гэтая фармулёўка збольшага сьпісаная з Кодэксу аб адміністрацыйных правапарушэньнях.