Праваабарончы цэнтр «ВЯСНА»

Навіны за 22 жніўня 2011

22.08.2011 Адама Бяляцкага звезлі ў кайданках

Падчас акцыі "Стоп бензін" аўтамабіль, якім кіраваў Адам Бяляцкі, спыніўся на перакрыжаванні праспекта Незалежнасці і Машэрава непадалёк ад Плошчы Перамогі. Кіроўца ўключыў аварыйку і быў затрыманы супрацоўнікамі ДАІ.

22.08.2011 Падпішыце паручальніцтва за Алеся Бяляцкага!

Шаноўнае спадарства, “Вясне” патрэбна Ваша салідарнасць! Мы распачынаем кампанію па зборы паручальніцтваў за Алеся Бяляцкага ад усіх грамадзянаў. Паручальніцтвы мы будзем перадаваць у органы пракуратуры Беларусі. Гэтая працэдура прадугледжана артыкулам 121 Крымінальна-працэсуальнага кодэкса Рэспублікі Беларусь. На падставе Вашых паручальніцтваў пракуратура можа вызваліць з-пад варты Алеся Бяляцкага.

22.08.2011 Абвяшчаецца конкурс на ўдзел у Першым Міжнародным адукацыйным Курсе па абароне правоў чалавека для моладзі

Беларуская праваабарончая школа, арганізаваная міжнароднай супольнасцю праваабарончых арганізацый, абвяшчае конкурс на ўдзел у Першым Міжнародным адукацыйным Курсе па абароне правоў чалавека. У Курсе прымуць удзел маладыя актывісты з Беларусі, Украіны і Расіі (Паўночны Каўказ).

22.08.2011 У Астраўцы забаранілі пікет супраць пабудовы АЭС

Раённы выканаўчы камітэт горада Астравец адмовіў у правядзенні пікету супраць будаўніцтва Астравецкай АЭС.

22.08.2011 Праваабаронца Зміцер Салаўёў будзе дапытаны па крымінальнай справе Алеся Бяляцкага

Праваабаронца Зміцер Салаўёў дачакаўся афіцыйнай позвы ад следчай па справе Алеся Бяляцкага Касынкінай. Ён запрошаны ў якасьці сьведкі ва упраўленьне Дэпартаменту фінансавых расследваньняў Камітэта дзяржкантролю па Мінскай вобласьці. Допыт прызначаны на 10 гадзін 23 жніўня.

22.08.2011 Акцыя салідарнасьці зь Бяляцкім у Варшаве

Зьвяз Беларусаў Польшчы (Związek Białorusinów w Polsce) правёў акцыю салідарнасьці з Алесем Бяляцкім у цэнтры Варшавы.

22.08.2011 Палажанка патрабуе судзіць адміністрацыю ВК у Горках

Наста Палажанка зьвярнулася ў Генэральную пракуратуру з патрабаваньнем завядзеньня крымінальнай справы на Адміністрацыю выпраўленчай калёніі №9 у Горках.

22.08.2011 Баранавіцкі гарвыканкам не можа ўказаць дакладнае месца правядзення масавых мерапрыемстваў

Баранавіцкі гарвыканкам не можа пакуль указаць дакладнае месца правядзення масавых мерапрыемстваў. Гэта стала вядома пасля таго, як выканкам забараніў правядзенне трох пікетаў, хоць заяўнікі правільна ўказвалі на стары парк, як гэта вызначана рашэннем выканкама № 1497 ад 16.06.2009 года.

22.08.2011 Сьледства адмаўляецца зьмяніць меру стрыманьня Алесю Бяляцкаму

Жыхар Сьветлагорска Тэльман Масьлюкоў атрымаў адмову на сваё хадайніцтва аб зьмене меры стрыманьня ў дачыненьні да Алеся Бяляцкага.

22.08.2011 У Магілёве таксама не дазволілі правядзенне пікета ў падтымку Алеся Бяляцкага

Заяўнікі Барыс Бухель і Аляксей Колчын атрымалі адказ з Магілёўскага гарвыканкаму аб адмове ў правядзенні пікетавання 22 жніўня. Праваабаронцы хацелі правесці пікет з патрабаваннем вызвалення свайго калегі Алеся Бяляцкага ў цэнтры гораду.

22.08.2011 Чарговы пікет у падтрымку Бяляцкага забараняюць

Кобрынскія ўлады не дазволілі правесці пікет у горадзе Кобрыне ў падтрымку арыштаванага кіраўніка праваабарончага цэнтру «Вясна» Алеся Бяляцкага.

22.08.2011 Генпракуратура назвала 5 чалавек, якія затрымлівалі журналістаў Еўрарадыё

Пры канцы ліпеня Еўрарадыё паскардзілася ў Генпракуратуру на незаконныя затрыманні журналістаў падчас «маўклівых» акцыяў.

22.08.2011 Зміцер Бандарэнка чакае этапа ў калонію

Змітра Бандарэнку могуць этапаваць з "Валадаркі" ў калонію ўжо на будучым тыдні. Гэтага не выключае жонка палітвязня, Вольга. Па яе словах, для этапавання Змітра, улічваючы яго стан здароўя, патрабуецца асаблівы канвой, таму з гэтым могуць узнікнуць пэўныя праблемы.